1е Коринфянам 7:31 - Новый Завет на эскимосском языке

³¹ Кияҳтыңъулюси нунами хўани, мыгнукатаӷаҳпына̄н нунам сянқутаңа. Қаюҳлъяк нуна алмысиқлъюни авӣӷусяҳқа̄гуқ.

1е Коринфянам 7:31 Iomraidhean Croise

От Луки 21:34

«Кылыңалюси, аҳсяҳпа̄хтыхпынаси нықынӷаҳқымъың, мыӷӯтылъыӷмың, налиӷмың сюмыӷьялихпынаси нунам пиңаның. Таўатын пикуфси та̄м аӷныӷым ка̄тқаӷнаюкаңиси на̄плъыҳӣстун.

1е Коринфянам 7:29

Ухпықа̄лгутымни, уната пикыхка: Атаныҳпут тагияҳтуңыстаҳтуқ. Та̄на апалъюқлъюку ныңуҳтыкат қыпҳа̄лъитху Атанық ныңуҳсимаңилңуӷыстун.

1е Коринфянам 7:30

Қивӷулӷӣтлъю қыпҳа̄лъитху қивӷунӷилңуӷыстун. Қуяңалӷӣтлъю қыпҳа̄лъитху қуянӷилңуӷыстун. Тама̄кутлъю тукфиҳтуҳлъякаюгыт қыпҳа̄лъитху аваңилңуӷыстун.

1е Коринфянам 9:18

Сяңа̄ўа акилыҳтӯсяқа? Акилыҳтӯсяқақа уна, қуяпихтақуңа акилыҳтӯсяңунаңа уңипақинымни Пинилӷӣның Уңипаның, қайўа акилыҳтуӷьяҳқақсяӷңа̄ҳпысиңа.

К Евреям 12:27

Таўатын акузилъҳан: «Ата̄сиҳаӷмың уфсюгунъықихлъықақа нуна», лӣгикыстыңъўа̄ӷӣлъю хўатын, сяңўа̄т қамахлъюки улима̄ни, Кияӷныӷым иқилъықӣ уфсюгусяҳқат. Тама̄куңинаҳа̄т уфсюгутыпагниңилңӯт тама̄нлъықут қӯнпырухлъяк.

От Иакова 4:14

Иўырңа налъюкаҳси уна̄ми сялъыҳқаҳси! Талўа налъюкаҳси уңувалъыҳпыси тахталъкаҳқа̄. Уңувалъыҳси такысқуҳа̄гуқ, агыпсюӷрухаӷыстун аюқуқ, мулюхпынани авӣӷуткаюк.

1е Петра 1:24

Акузитни Игақыхкани игақңа̄қ: «Қамахлъютың югыт выга̄ӷыстун аюқут, пиниӷналъҳилъю пӣтысиӷаӷыстун аюқут. Выга̄ӷыт палиӷақут, пӣтысиӷа̄тлъю ифкаӷақут,

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

1е Иоанна 2:17

Нуна авӣӷутңӯқ, тама̄кутлъю сыӷлыҳқусӣўақылӷӣт югым пиюкақыхкаңи; иўырңа китум атуқыхкумигу Кияӷныӷым пиюкылъҳа кияҳсяҳқа̄гуқ қӯнпырухлъяк кынлыңуна̄н.