1е Коринфянам 7:25 - Новый Завет на эскимосском языке

²⁵ А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

1е Коринфянам 7:25 Iomraidhean Croise

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 4:2

Христосым қыпҳаҳтыңи ата̄сӣӷмысяҳқа̄гут.

1е Коринфянам 7:10

Укут акузитыт хўаңамның пиңунӷитут, қылӷуся̄гут Атаныӷмың ныңуҳтыканун. Аӷнақ иқисяҳқа̄нӷитуқ угиминың.

1е Коринфянам 7:12

Уна қылӷусяқ хўаңамның пиңӯқ иляңитнун. (Атанӷым сямың пӣҳсимаңита̄.) Ю̄к ухпықақ ухпықа̄нӷилңуӷмың нулӣлгукуми лъңанисюлӷӣмың, иқитысныӷилъигу.

1е Коринфянам 7:28

Иўырңа нулиҳтуқувык сыӷлыҳқыңъунӷитутын. Угӣӷумаңилңуқ угӣқуми, сыӷлыҳқыңъунӷитуқ. Иўырңа нулиҳтуқуфси, аӷнатлъю угӣқумың пияқлъӣӷатаӷаӷьяҳқа̄гуси хўани кияҳта̄лъыӷми. Пияқлъӣҳтысюнӷитыпихтамси таўатын.

1е Коринфянам 7:34

Таўатыҳпигақ аӷнатлъю аюқут. Аӷнат угиңӣткат, угӣӷумаңилңӯтлъю қыпҳалъыҳқаҳта̄ӷатут Атанӷым қыпҳақа̄ның, қаюҳлъяк югуситыңлъю, таӷныӷатыңлъю тӯньюгақӣт ӣңунӣта Атаныӷмун. Иўырңа угилык қыпҳаӷатаӷақаюгӯқ кияҳта̄лъҳым қыпҳақа̄ның қаюҳлъяк ыфқуҳсюгақыхкаңа угини. Лъңанлъю сюмыҳтаӷалъҳа малӷуҳқыңъа̄қ.

1е Коринфянам 7:40

Иўырңа қуяңа̄ӷатаӷаӷьяҳқа̄гуқ угӣнқихныӷилъкуни. Та̄куста сюмыҳтаӷалъҳынка. Ухпықақа Кияӷныӷым Таӷныӷакык хўаңамнитуқ.

1е Коринфянам 7:6

Қылӷунӷитамси нулиҳтӣсқылъюси налиӷмың угӣӷысқылъюси. Иўырңа пиюкуфси пилӷа̄си.

2е Коринфянам 11:17

Қука̄югуткылъқа хўаңамның Атаныӷмың пиңунӷитуқ. Итупилъ акузиңӯңа тымңи пилӷӣстун.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.