1е Коринфянам 7:22 - Новый Завет на эскимосском языке

²² Қыпҳаҳтыля̄қ накмикыхка̄ Атанӷым, лъңан итымңалӷӣка̄. Таўатыҳпигақ қыпҳаҳтыля̄ӷунӷилңуқ ю̄к накмикыхка̄ Христосым, лъңан қыпҳаҳтыля̄қа̄.

1е Коринфянам 7:22 Iomraidhean Croise

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

1е Коринфянам 7:21

Қыпҳаҳтыля̄ӷуяҳсӣн Кияӷныӷым туқлъюӷақңатын? Сюмыҳтаӷа̄ткыхпына̄н. Иўырңа қыпҳаҳтыля̄ӷунаниӷнақңукувык, ся̄қсин лыган таўатын пилӷа̄тын.

1е Коринфянам 9:19

Қыпҳаҳтыля̄ӷунӷисяӷңа̄ӷма, хўаңамның катам қыпҳаҳтыля̄ӷуҳтыка̄гуңа китумун алңунак, югмун углялӷӣмун ухпықысқылъюку Христос.

1е Коринфянам 9:21

Язычнигнинъымни налъюкилӷӣни Лӣлиҳтӯсяның, лъңистун кияҳтақуңа налъюкылӷӣстун Лӣлиҳтӯсят, ухпықысқылъюку Христос. Қа̄ткыңъунӷинъилюки пиңунӷитанка Кияӷныӷым Лӣлиҳтӯсӣ, иўырңа қа̄ткыңъўа̄нка Христосым Лӣлиҳтӯсӣ.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Галатам 5:1

Христосым хўаңкута итымуткақутаңаның, итымыпӣгума̄кут. Ынка̄ңам ныкывӷатык аӷулӣлъка̄люси, қыпҳаҳтыля̄ӷуҳнықихтыхпынаси Лӣлиҳтӯсянун.

К Галатам 5:13

Ухпықа̄лгутымни, Кияӷныӷым тахсиқақӣси итымңалъыӷмун Христосыкун. Та̄ўаңинақ атуқыхпына̄н итымңалъыҳси атуӷьяҳқа̄люки сыӷлыҳқыңъалӷӣт пиюкылъҳи югусим. Итупилъ қыпҳа̄тыки иляси пиниқылъыҳпысигун.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

К Филимону 1:16

Лъңа паниның қыпҳаҳтыля̄ӷӯқ. Иўырңа қыпҳаҳтыля̄ӷумалъыӷминың аңлӣӷатаӷа̄ма̄қ қаюҳлъяк пиниқыхка̄ҳсима̄қ ухпықа̄лгута. Пиниқыпихтақа, иўырңа лъпык пиниқатаӷаҳлъықан қыпҳаҳтыля̄ӷулюку, ухпықа̄лгутңулюкулъю Атаныҳқун.

1е Петра 2:16

Кияҳтык итымңалӷӣстун иўырңа итымңалъыҳси атуқыфқа̄н сыӷлыӷмун. Кияҳтык қыпҳаҳтыля̄ӷулюси Кияӷныӷмун.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.