1е Коринфянам 6:13 - Новый Завет на эскимосском языке

¹³ Киналъю пинаялӷӣ: «Нықа улима̄ӷӯқ ақсяқумун, ақсяқуқ нықмун». А̄, иўырңа иляңани аӷныӷым Кияӷныӷым на̄фқысяҳқақа̄к қамахлъюкык ақсяқуқлъю, нықалъю. Югусиқ блудыӷқанҳисаӷтуқ қаюҳлъяк югусиқ Атаныӷмун пиңӯқ, Атанық югусимнъун пиңӯқ.

1е Коринфянам 6:13 Iomraidhean Croise

От Матфея 15:17

Лӣсимакынӷистыхӯ сяңўа̄ алңунак югым қаныӷминун канаҳтыка̄ ақсяқҳўанун пӣқуқ, та̄хкын а̄нақуқ югусӣның?

От Матфея 15:20

Тама̄кут нукыхнаҳқикаюгыт югның, иўырңа ӯҳтуҳпынани ныӷылъҳым нукыхнаҳқынъа̄нӷита̄ ю̄к».

От Марка 7:19

қаюҳлъяк ныӷыхкӣ иҳсяқҳўанун пина̄нӷитут. Ақсяқҳўанун пӣқут ынка̄м югусӣның а̄нақут». (Таўатын пилъыӷмикун Иисусым а̄пҳўа̄ нықыт қамахлъютың ныӷьяҳқа̄нилюки.)

От Иоанна 6:27

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

От Иоанна 6:49

Сивуныси ныӷыхка̄гут маннамың килга̄ни, иўырңа паниның туқуляӷа̄тка̄гут.

К Римлянам 12:1

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

К Римлянам 14:17

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт.

К Римлянам 6:12

Тама̄кын апалъюқлъюку сыӷлыҳқылъыӷмун иглықатақыстыхпынаки югусиси туқукаюгыт. Сыӷлыҳқылъҳым иглықатақыхкаки югусиси, қа̄ткысюхлъықаси югусиҳпыси сыӷлыҳқыңъалӷӣт пиюкылъҳи.

К Римлянам 7:4

Ухпықа̄лгутымни, лъпысилъю итымума̄си Лӣлиҳтӯсяның қаюҳлъяк туқука̄гуси Христосыми. Тама̄кын апалъюқлъюку Христосым пикӣси. Лъңаңӯқ Кияӷныӷым уңуваҳтыка̄ туқулъыӷмың, хўаңкунъун қыпҳа̄тысқылъюку Кияӷнық.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

1е Коринфянам 6:15

Лӣсимакынӷистыхӯ югусиси налиӷнықыхкаңи Христосым югусӣн? Югусиқа Христосым пилӣтка̄ атуқысна̄яҳсикӯн аӷнамун акикикаюгмың югусиминың? Нака̄! Пина̄нӷитақа.

2е Коринфянам 11:2

Қуңьяӷақуңа Кияӷныӷым қуңьяқылъҳатун лъпыси, қаюҳлъяк тӯнума̄мси Христосымун. Пылюңилңуӷыстун угӣӷнақылӷӣстун а̄ңӷусима̄мси лъңанун, угикысқылъюку лъңина̄.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

К Галатам 5:24

Христос Иисусым пиңита қақӯра̄ткақӣт сыӷлыҳқыңъалӷӣт пиюкылъҳит югусимың.

К Ефесянам 5:23

Қаюҳлъяк уги на̄сқуқа̄ нулиҳан катам Христос на̄сқуқыхкаңат ухпықат. Христос Югулиӷистыка̄т ухпықат; лъңан югусиқӣ.