1е Коринфянам 6:12 - Новый Завет на эскимосском языке

¹² Иляси пика̄гут: «Итагнаҳтуқ сяңўа̄ пиюкылъқа пияӷңа̄мкун». Иўырңа хўаңа пӣмси, иляңан сялъыҳпыси каю̄сӣнъа̄нӷитӣ ухпылъыси. А̄, ынтақун: «Итагнаҳтуқ сяңўа̄ пиюкылъқа пияӷңа̄мкун». Иўырңа сюмыҳтаӷаӷьялӷӣңа сыӷлыӷмун айӷипахлъягнаюкама пина̄нӷитуңа.

1е Коринфянам 6:12 Iomraidhean Croise

От Иоанна 5:10

Тама̄кын апалъюқлъюку Иудеит иглыӷутистыңита пика̄т на̄лъҳуткақ ю̄к: «Аӷныӷми Субботаңӯқ, Лӣлиҳтӯсямнъи алъиӷан иглыӷусяҳқақынӷисяӷан Субботами».

К Римлянам 7:14

Лӣсимакапут Лӣлиҳтӯсят Кияӷныӷым Таӷныӷа̄ның пиңӯт, иўырңа маӷьяҳқӯнӷита̄ңа Таӷныӷам. Маӷьяҳқӯңўа̄ңа югусима пиюкылъҳан, ынка̄м қыпҳаҳтыля̄ӷӯңа сыӷлыҳқылъыӷмун.

1е Коринфянам 8:4

Ынка̄м ныӷылъықыста̄ аҳтуткыхкамың кияӷныңлъяқанун? Лӣсимакапут кияӷныңлъяқат кияӷныӷунӷитут. Ата̄сиҳа̄гуқ Кияӷнық, алъя кияӷныӷитуқ.

1е Коринфянам 9:12

Апыҳтуӷистым иляңи лъпысиның алъхыӷутңуката аклъюкыхкамыхның, хўаңкутуң ўатақа̄ӷақ пияҳқаҳпига̄яҳтукуң. Йыӷлыги қыпҳаӷьюка̄гукуң маниңырыгаӷналютуң аклъюкыхкамтыгның алъхыӷунъалютуң. Иляңани манипагитақукуң. Талўа тама̄ни а̄псюгигатамси акилыҳтӣсқылъютуң. Уната апалъюқа, китумун алңунак хўатын писюнӷитукуң: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:27

Уңипақӣқуңа натын кияҳтылъыҳқамың Христосымун. Хўаңалъю Кияҳтыңӯт лъңанун ынка̄м югусимнун қа̄ткыстақуңа, лю̄рақ пинӷилъкума Кияӷныӷым иқинъаюкаңаңа лъңаның.

2е Фессалоникийцам 3:9

Лъпысинун а̄псяқлъыгуяҳтукут каюсӣтысқылъюта, йыӷлыги қыпҳақа̄гукут афлъыңакналюта хўаңкунъың успута̄налюта лъпысинун аюқысиӷӣсқылъюта.

От Иуды 1:12

Нықынӷаҳқусяҳтуныҳпысини, причастиямаҳпыси, тама̄кутлъю апыҳтуӷистыт пӣқут. Якуӷнаҳтут ухпықанун катам таўатын уйӷахлъяк мыӷым асиңанилңуқ якуӷналӷӣ аңьянун. Ныӷақут қырңаӷмың ныңляҳқасимаӷмың, акузимаӷмың ныпухлъягыт кайңуюхпынатың. Лъңинаӷмың ныӷақут килъю тӯныхпынаки. Сясӣнӷитут қиляўа̄ӷыстун ыслъялъюгилңуӷыстун аюқут, ануқым наӷуӷускаңи қӯлңакун нунам мыӷисяхлъягым. Сясӣнӷитут пӣтыстиңигалңуӷыстун уқфигыстун аюқут, унатаӷвигми. Пӣтыстиңигалңӯт уқфигыт туқукастун аюқут. Тама̄кын апалъюқлъюку пӣтысиӷаҳтым нусюгақӣ паныҳналюки. Ынка̄м ма̄лӷугыгның туқукалъҳӯӷақут.