1е Коринфянам 5:11 - Новый Завет на эскимосском языке

¹¹ Иўырңа посланиямкун илятыснаниқақамси тама̄кунун ухпықа̄лгутңунилютың пилӷӣнун блудникыңуката, налиӷмың пакигныӷуката, манигӯткаюгуката кияӷныңлъяқанун, сыӷлықӯӷутңуката юлгутмың, мыӷыстыңуката, ўаяӷнӣҳтыңукаталъю. Талўа ныӷылгусиҳпынаки таўатылңӯт.

1е Коринфянам 5:11 Iomraidhean Croise

От Матфея 18:17

Иўырңа нагасюнӷилъкаки апыӷнакыси юӷаӷвигым югитнун. Нагасюнӷилъкаки талўа юӷаӷвигым юги, кияӷунъакыси язычнигыңулӷӣстун, налогымыңлъю қырңуҳтистыңулӷӣстун.

От Матфея 23:25

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Қаю̄сисилъю сягнысилъю қа̄йңи сяңихтақаси, нақам имиӷңа̄т ўаяӷнӣқаҳпысиныңлъю, пакигнӣлъыҳпысиныңлъю.

От Луки 18:11

Фарисей ныкывлюни лъңаның юӷа̄ткыхкақ: “Кияӷнық, игамсиқаюгвикамкын иляңистун югыт аюқынӷитуңа, ўаяӷнӣҳтыңунӷитуңа, Лӣлиҳтӯсяның на̄фқӣстыңунӷитуңа, гылгаӷнӣҳтыңунӷитуңа, талўа ӯтун налогмың қырңуҳтистытун аюқынӷитуңа.

От Луки 21:34

«Кылыңалюси, аҳсяҳпа̄хтыхпынаси нықынӷаҳқымъың, мыӷӯтылъыӷмың, налиӷмың сюмыӷьялихпынаси нунам пиңаның. Таўатын пикуфси та̄м аӷныӷым ка̄тқаӷнаюкаңиси на̄плъыҳӣстун.

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

Деяния 9:17

Ынка̄м Ананиям такука̄ Савля. Итыӷлюни ся̄фсима̄н пика̄: «Аңлыгутымни Савля, Атанӷым Иисусым ысҳақаҳпык тумыни тагиңулютын, каяхта̄ңа лъпынун. Каягута̄тын ся̄фтысқылъютын ысҳа̄сягунъықихтысқылъютын, имӣсқылъютынлъю Аглыӷналӷӣгның Таӷныӷагның».

К Римлянам 13:13

Пинитун кияҳтылъта катам югыстун кияҳлъыҳӣт ниӷугани аӷныӷым. Сыӷлытун тыӷигниқыфқа̄мта, сю̄мыфқа̄мта, алңунак алңунасыӷафқамта, пилъюўатыфқа̄мта, ақинатыфқа̄мта.

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

1е Коринфянам 10:14

Пиниқыхкамни, манигӯтыхпынаси кияӷныңлъяқанун.

1е Коринфянам 11:21

Ныӷӯнъыҳпысини тамаҳаҳпыси нырахкӣӷақуси нықыхпысиның, иляси утақахпынаки. Ынка̄м иляси игатаӷақут, иляси сю̄мақут.

1е Коринфянам 6:10

Тама̄кутлъю тыглыңалӷӣт, пакигныӷыт, мықаюгыт, сыӷлықӯҳтыт югның, ўаяӷнӣҳтыт, ныкаҳқӣтут Атаныҳпагулъҳани Кияӷныӷым.

1е Коринфянам 6:6

Йыӷлыги ухпықам ухпықа̄лгутни агля̄тақа̄ ухпықа̄нӷилңуӷнун нанқихтистынун, агӷиткысқылъюки а̄ҳтӣра̄ӷутылъытынь.

1е Коринфянам 6:9

Ипапыста̄қ лӣсимаксяҳқақсяӷаҳси сыӷлытун пистыт ныкаҳқӣлңӯт Атаныҳпагулъҳани Кияӷныӷым. Пӯҳтыстыхпынаси китумун алңунак. Кияӷныӷым Атаныҳпагулъҳани ныкаҳқӣтут: блудникыт, манигӯткаюгыт кияӷныңлъяқанун, гылгаӷнӣҳтыт, аӷна̄сит, югыт юлгутмыхның атуқикаюгыт, аӷнат аӷна̄лгутмыхның атуқикаюгыт.

1е Коринфянам 7:12

Уна қылӷусяқ хўаңамның пиңӯқ иляңитнун. (Атанӷым сямың пӣҳсимаңита̄.) Ю̄к ухпықақ ухпықа̄нӷилңуӷмың нулӣлгукуми лъңанисюлӷӣмың, иқитысныӷилъигу.

1е Коринфянам 7:15

Иўырңа налиқ ухпықа̄нӷилңуқ иқисюкуми, иқилъи. Та̄хкын ухпықақ ю̄к налиӷмың аӷнақ итымли таўатылңуӷмың ныңуҳтылъыӷминың. Кияӷныӷым ныкыхмылъюси кияҳтысқысюгақӣси.

1е Коринфянам 8:11

Ынка̄м лӣсималъыҳпык сыӷлыҳқыстыся̄ӷа̄ кая̄лңуқ ухпылъҳа ифлъяслъюку, ухпықа̄лгуткан Христосым туқуткыхка̄.

К Галатам 2:12

Петр ныӷылгусиӷикаюгуялӷӣ язычнигыт ухпықа̄тның кынляңа Иаковым югыт Антиохиятыстылъҳитнун. Иўырңа ка̄сята ныӷылгусиӷнаниӷӣ язычнигыт, а̄фтыкақлъю лъңитның. Таўатын пика̄лӷӣ қаюҳлъяк алиңылӷӣ та̄кут югыт сягиқутңукаңит язычнигыт ухпықа̄т обрезанияҳқа̄нилюки.

К Ефесянам 5:18

Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның,

К Ефесянам 5:5

Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)

К Колоссянам 3:5

Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ.

2е Фессалоникийцам 3:14

Кина алңунак қа̄ткусюнӷилъкан сямың пилъымнъун укутхун письмотхун, сю̄мқынъакыси кинкуңутаңи. Ынка̄м иқитңалӷа̄си лъңаның кайңуюгысқылъюку анахутылъҳаның.

2е Фессалоникийцам 3:6

Ухпықа̄лгутымнъи, а̄тҳакун Атанымта Иисус Христосым қылӷамси иқитңасқылъюси тамаҳӣтның ухпықа̄лгутыхпысиның иҳсяниталӷӣныңлъю, малиҳқутақигалңуӷныңлъю апыҳтӯткамнъың лъпысинун.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

2е Иоанна 1:10

Китум алңунак апыҳтуӷьяҳтуқаңиси атуқыхпынаки Христосым апыҳтӯсӣ, ақылъқаңлъяҳпына̄н налиӷмың қуякыхпына̄н,

Откровение 2:14

Иўырңа пиюкынӷитусинка лъпысинун укуңӯт: та̄ўа лъпысинитут иляңи қа̄ткулъҳӣт Валаамым апыҳтӯся̄нун. Апыҳтуқақа̄ Валак натын сыӷлыҳқыстысқылъюки Израилыӷмӣт. Ынка̄м Валакым апыҳтуқақӣ ныӷьяӷңӣта писқылъюки нықыт аҳқуткыхкат кияӷныңлъяқанун. Апыҳтуқақӣлъю итагнаӷнилюку алңунак развратылъыӷқақ.

Откровение 2:20

Иўырңа укуңӯт тыңвимун аюқыхканка лъпысинун: Аӷулӣҳнъыӷитаҳси аӷнақ Иезавель апыҳтуӷилӷӣ ипаңунӷилңуӷның. Ӯкналиқыстыңунӣқуқ Кияӷныӷмун. Иўырңа апыҳтуӷилъыӷмикун пӯҳтақӣ югынка развратысқылъюки, ныӷысқылъюкилъю нықыт аҳқуткыхкат кияӷныңлъяқанун.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.