1е Коринфянам 5:10 - Новый Завет на эскимосском языке

¹⁰ Акузиткыңъунӷитанка ӯм нунам юги анагңалӷӣкун атуқулъҳӣт, налиӷмың пакигныӷыт, ўаяӷнӣҳтыт, налиӷмың тама̄кут манигӯткаюгыт кияӷныңлъяқанун. Иқисюкуфси таўатылңуӷның югның нуна унисяҳқақаҳси.

1е Коринфянам 5:10 Iomraidhean Croise

От Луки 18:11

Фарисей ныкывлюни лъңаның юӷа̄ткыхкақ: “Кияӷнық, игамсиқаюгвикамкын иляңистун югыт аюқынӷитуңа, ўаяӷнӣҳтыңунӷитуңа, Лӣлиҳтӯсяның на̄фқӣстыңунӷитуңа, гылгаӷнӣҳтыңунӷитуңа, талўа ӯтун налогмың қырңуҳтистытун аюқынӷитуңа.

От Иоанна 15:19

Нунам пиксяқумиси, юган пиниқнаяӷӣси пиниқутутылъыӷмыгыстун. Иўырңа хўаңа накмикыхкақамси хўакын нунамың ынка̄м нунам пикынӷитӣси. Тама̄кын апалъюқлъюку нунам юган угумикӣси.

От Иоанна 17:6

Лӣтыстыкақақа натытулын югнун тагивақаҳпынун нунамың хўакын. Лъпык пиксяқытын тагивақаҳтын хўаңамнун. Қа̄ткыхкақӣт акузитытын.

От Иоанна 17:9

Юӷа̄ткыңъўа̄нка лъңит. Юӷа̄ткыңъунӷитанка югыт нунам пиңи. Юӷа̄ткыңъўа̄нка тама̄кут тагивақаҳтын қаюҳлъяк лъпык пикыхкытын.

От Иоанна 8:23

Иўырңа Иисусым пикӣ: «Лъпыси ма̄кын нунамың пиңӯси, хўаңа памакын пиңӯңа. Лъпыси нунам пикӣси, хўаңа нунам пикынӷита̄ңа.

1е Коринфянам 1:20

Ынка̄м сянақанңам нунам пыҳқинылӷӣңи? Сянақанңам апыҳтуӷистыңи Лӣлиҳтӯсят? Сянақанңам а̄ҳтӣра̄ҳтыт? Қамахтыңъўа̄ӷлюни лӣтылъыҳлъялъҳат сясӣнӷитуқ қаюҳлъяк Кияӷныӷым тымңитхўаңлъяқақа̄ пыҳқинылъҳа нунам.

1е Коринфянам 10:27

Ухпықа̄нӷилңӯм ныӷьяҳтӣсқыхкаңиси пиюкуфси пилӷа̄си. Сяңўа̄ алңунак кытфаҳтуқа̄т ныӷақитыху сюмыҳтаӷа̄ткыхпына̄н аҳқуткыхка̄таңа кияӷныңлъяқанун.

1е Коринфянам 5:11

Иўырңа посланиямкун илятыснаниқақамси тама̄кунун ухпықа̄лгутңунилютың пилӷӣнун блудникыңуката, налиӷмың пакигныӷуката, манигӯткаюгуката кияӷныңлъяқанун, сыӷлықӯӷутңуката юлгутмың, мыӷыстыңуката, ўаяӷнӣҳтыңукаталъю. Талўа ныӷылгусиҳпынаки таўатылңӯт.

1е Коринфянам 5:9

Иляңитхун посланияма илятңаснаниӷамси ухпықанун анагңалӷӣкун атуқулъҳӣнун.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Филиппийцам 2:15

Ынка̄м авутңилъықусилъю, пылюңилъықусилъю. Кияӷныӷым авақутӣ авутңисяҳқа̄гут кияҳтыңъулютың акулңитни пӯҳтинӷытлъю, сыӷлыҳқыстытлъю. Кӯкхутыпыста̄ӷьяҳқа̄гуси иӷалықыта̄ӷыстун нунами,

1е Иоанна 4:5

Тама̄кут нунам пикӣ, апыҳтӯсӣт нунамың пиңӯт, ынка̄м нунам юган нагатақӣт.

1е Иоанна 4:7

Пиниқыхкамни, йықай пиниқутутылъта қаюҳлъяк пиниқылъық Кияӷныӷмың пиңӯқ. Кина алңунак пиниқиңалӷӣ таӷнуҳақа̄ Кияӷныӷым, лӣсимака̄лъю Кияӷнық.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.