1е Коринфянам 4:6 - Новый Завет на эскимосском языке

⁶ Ухпықа̄лгутымни, лъпыси апалъюқлъюси Аполлослъю хўаңкутуң успутақңӯкуң. Успута̄гукуң лъпысинун лӣтысқылъюку уна игақңалӷӣ сямың писӣтаңа: «Қа̄ткақитыки сяңўа̄т игақңалӷӣт Акузитни Игақыхкани». Налиҳӣнаҳпыси а̄ңа̄югуткысяқуна̄н ата̄сиқ ю̄к, а̄лъҳа угумиклъюку.

1е Коринфянам 4:6 Iomraidhean Croise

Деяния 18:24

Павел таўатын аныҳсималюку Аполлос, Ефесымун ка̄ткақ. Иудейеңулӷӣ алъхықақ Александриями. Ынңа̄талъ акузилъыхлъяклъю, лӣтыҳлъякақлъю Акузитның Игақыхканың.

Деяния 19:1

Аполлос Коринфымылъюку, Павел қӯткун иглыӷакақ Ефесымун кынляңа. Тама̄ни иляңи малихся̄ҳтыт налъяӷлюки

К Римлянам 12:3

Кияӷныӷым тӯныхкақутаңаның тунусямың апостолыңулюңа, тамаҳаҳпысинун пӣңа: Сюмыҳтаӷа̄ткыхпынаси лъпысиның пиниӷатаӷаӷнилюси аюқылъыҳпысиның. Йыӷлыги ипапиҳқылъюси сюмыҳтаӷа̄ткақитык ухпықилъыҳтулыхпысигун Кияӷныӷым тӯныхка̄кун лъпысинун.

1е Коринфянам 1:12

Илясиңуқ пӣқут: «Хўаңа Павелым малихся̄ҳтыка̄ңа». Иляси: «Хўаңа Аполлосым». Иляси: «Хўаңа Петырым». Паниның илясиңуқ пӣқут: «Хўаңа Христосым малихся̄ҳтыка̄ңа».

1е Коринфянам 1:19

Акузитни Игақыхкани игақңа̄қ: «Пыҳқинӷыт пыҳқинылъҳат атӯнаниҳтыслъықақа. Лӣткаҳлъягытлъю лӣтылъҳат сясӣнаниҳтыслъықақа».

1е Коринфянам 1:31

Ынка̄ңам атуқылътыху, Акузитни Игақыхкани игақңалӷӣ: «Кина алңунак а̄ңа̄юхсюкуни, а̄ңа̄югуткылъики Атанӷым апыӷӣқӣ лъңанун».

1е Коринфянам 13:4

Пиниқылъық нуқынъыҳтӯқлъю, наңлъыхтаҳтуқлъю; пиниқылъық ақинаңитуқ, налиӷмың ямшаңитуқ, налиӷмың а̄ңа̄югныӷитуқ.

1е Коринфянам 3:19

Кияӷныӷми нунам пыҳқинылъҳа тымңиңӯқ. Акузитни Игақыхкани игақңа̄қ: «Пыҳқинӷыт югыт нунами хўани Кияӷныӷым пипагниңӣтыстақӣ лъңита катам пыҳқинылъҳитхун».

1е Коринфянам 3:21

Ынка̄ңам китум алңунак қука̄югуткысяҳқақынӷитӣ сяңўа̄т югыт пӣқыхкаңит. Сяңўа̄ қамахлъюку Кияӷныӷым пиниҳқусиҳқа̄ҳтыстыкақа̄ лъпысинун,

1е Коринфянам 5:2

Паниның ю̄куткақытсӣ лъпысиның катам? Қивӷуҳлъягьяқлъыгыстун! Лъпыси иқисяқлъыгыстун ю̄к та̄на акулыхпысиның.

1е Коринфянам 5:6

Пинӣюхтылъыҳси сыӷлыӷӯқ. Лӣсимакаҳси хўатын пилъық: «Закваскам ҳӯҳтыстыҳлъякаюўа̄ акӯтақ».

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Коринфянам 9:23

Таўатын пӣқуңа нагақӣсқықыҳлъюки Пинилӷӣның Уңипаның, қаюҳлъяк қуястылъыңақылӷӣңалъю ухпықынӷатху Христос.

2е Коринфянам 10:12

Иңлюнъақуткынъа̄нӷитукут тама̄кунун а̄ңа̄юхлъыҳӣнун. Сюмыҳтаӷаӷақут а̄ңнилютың қаюҳлъяк уңипа̄тутақылӷӣт а̄ңнилютың. Налъю̄ҳаӷмың!

2е Коринфянам 10:15

Қука̄югуткылъықаҳпут та̄наңинақ қыпҳақақ пикаҳпут, нака̄н иляңита қыпҳақа̄т. Ухпылъыҳтуҳтыкуфси сиӷима̄кут каюсиӷатаӷӣсқылъюта қыпҳақамнъың.

2е Коринфянам 10:7

Нанқихтӣқуси ысҳалъҳӣнаҳпысигун. Христосымун пикыпыста̄ӷникуфси, нықамиклъюку хўаңкуталъю Христосым пикӣлъю, лъпысистун.

2е Коринфянам 11:4

Уңипақақңамтыки Пинилӷӣт Уңипат лъпысинун, ухпықыхкақаҳси Иисус, тугуклъиӷахсилъю Аглыӷналӷӣк Таӷныӷак. Иўырңа нагасюкыстаӷлюки аюқыхкақаси уңипақияҳтулӷӣт иляңаның Иисусымың. Тугуклъиӷиюхтусилъю иляңаның таӷныӷам, ухпықсюкақасилъю иляңи пинилӷӣт уңипат.

2е Коринфянам 12:19

Сюмыҳпысинӣи лъпысинун ипапиҳқынъақуткыстыху анахусиманилютуң? Нака̄! Кияӷныӷым нагақӯманӷани, акузӣқукут Христосым акузисқылъҳатун. Пиниқыхкамни, сяңўа̄ қамахлъюку пӣқаҳпут икнақуҳсяӷналюку ухпылъыҳси.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

2е Коринфянам 12:6

Қука̄югуткысюкума хўаңамның, тымңиңуна̄нӷитуңа қаюҳлъяк апыҳлъықақа ипапилъық. Иўырңа қука̄югуткынъанӷитуңа хўаңамның, қаюҳлъяк югнун сюмыҳтаӷа̄ткысюхтуңа ылъқуҳлъюңа ысҳапалъҳитхунлъю, нагатылъҳитхунлъю хўаңа.

2е Коринфянам 4:15

Қамахлъютың тама̄кут апыӷӣқат хўаңкунъун лъпысинун аюқут. Кияӷныӷым наңлъыхталъҳан нуляслъықӣ югыт ухпықилӷӣт Христосыкун. Ынка̄м игамсиқаюлъыҳлъяк Кияӷныӷмун нулялъықуқ, қӯлвалъыңыҳлъяхлъықуқлъю.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.