1е Коринфянам 4:5 - Новый Завет на эскимосском языке

⁵ Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

1е Коринфянам 4:5 Iomraidhean Croise

От Матфея 10:26

Ынка̄м аликыхпынаки тама̄кут амьюқытаҳтыт. Сяңўа̄ алңунак налъюкыхкақ лӣтысяҳқа̄гуқ, қамахлъюнилъю аксяқыхкақ қайвиҳқысяҳқа̄гуқ.

От Матфея 24:30

Та̄хкын қилягакун сяңўа̄ алъхыҳлъықуқ лӣсимакусиҳқақ Иӷныӷаның Югым. Та̄хкын қамахтыңъўа̄ӷлютың нунам рамкыңи қивӷум қия̄ӷӯтыҳлъяхлъықут. Ысҳаҳлъықа̄т Иӷныӷа Югым тагилӷӣ қилягўа̄ҳтыхун, аҳтуӷьяҳқа̄нӷилъыҳтӯмаӷмилъю, ниӷуҳқылъылиҳлъяглюнилъю.

От Матфея 24:46

Та̄на қыпҳаҳта қуястылъыңьяҳқа̄гуқ умӣлган ка̄лъюни ысҳақумигу қылылъыӷмитун пилӷӣ.

От Матфея 25:21

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Матфея 25:23

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Луки 6:37

«Нанқихтыхпынаки юлгутыси, ынка̄м Кияӷныӷым нанқихныӷилъықӣси. Анахунъихпынаки килъю ынка̄м Кияӷныӷым анахунъинӷилъиси. Сыӷывутӣқитык ынка̄м Кияӷныӷым сыӷывулъықӣси.

От Иоанна 21:22

Иисусым кӣмсиқа̄: «Кияҳтысюкумкун кынляңа тагилъымнун, агӷиткысяҳқақынӷитан лъпык. Малихтыңъинаӷңа».

От Иоанна 21:23

Ынка̄м ухпықани уңипақ миңиткақ, та̄на малихся̄ҳта туқуна̄нӷинъилюку. Иўырңа Иисусым пимаңита̄ туқуна̄нӷинъилюку. Хўатын пика̄гуқ: «Кияҳтысюкумкун кынляңа тагилъымнун, агӷиткысяҳқақынӷитан лъпык».

От Иоанна 5:44

Натынңам ухпықылъықыстыху тагитка̄қа Кияӷныӷмың усюқысюгукуфси иляхпысинун, нақам та̄наңинаҳа̄м Кияӷныӷым усюқылъыҳқа̄ авылӷаӷлюку?

К Римлянам 14:4

Кинаңунилютын пӣқсин нанқихтилӷӣ китум қыпҳаҳтыңаның? Қыпҳаҳтым пилӣтистыңина̄н нанқихлъықа̄ пинитун пиматаңа налиӷмың сыӷлытун пиматаңа. Атанӷым қыпҳаҳтыңа пинитун пилъықуқ қаюҳлъяк Атанӷым каюсиӷьяқлъыгукаңа пинитун писқылъюку.

К Римлянам 2:1

Тама̄кын апалъюқлъюку нанқихтикувык югның анагнӣлъқавигитутын. Нанқихныҳпыки, лъпынун нанқихтақутын аӷью̄ӷьяҳқа̄лютын қаюҳлъяк лъпыклъю лъңистун пӣқылӷӣтын.

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

К Римлянам 2:29

Итупилъ, ю̄к Иудеяпӣгӯқ Иудейяңукуми илюмикун. Иҳсяқҳўа обрезанияка̄гуқ Аглыӷналӷӣгныкун Таӷныӷагныкун, нака̄н игақыхкатхун Лӣлиҳтӯсятхун. Ынка̄м Кияӷныӷмың усюқылъыңылъықуқ, нака̄н югның.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

1е Коринфянам 1:7

Аглыӷналӷӣгның Таӷныӷагның тунусялгӯси сямың тамаҳа̄ның, утақӣңулюси Атанымта Иисус Христосым тагинқихтылъыҳқа̄ның.

1е Коринфянам 11:16

Паниның кина а̄ҳтӣра̄ӷьюгукуми насқуӷӣтамың, уңипа̄нъықихтаҳлъякун та̄ната апостолыни апыҳтӯсяқақыхкыфут, Кияӷныӷым юган атуқақа̄т апыҳтӯсяқ на̄нсяӷңа̄ӷмың.

1е Коринфянам 11:26

Ынка̄м қӯнпың ныныҳпысини та̄хкын нықыкшаңлъямың, мыныҳпысинилъю та̄хкын қаю̄симың, кылгутңўа̄қаҳси Атанӷым туқулъҳа кынляңа алъя тагилъыҳқа̄нун.

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

1е Коринфянам 3:14

Сяңўа̄ югым атуқыхка̄ куманӷилъкуни, акилыҳтӯсяңьяҳқа̄гуқ.

1е Коринфянам 3:8

Пӣтысиӷаҳталъю, мыҳқисталъю таўатылъкутук. Кияӷныӷым акилыҳтуӷьяҳқақа̄к қыпҳалъҳыхкынкун.

2е Коринфянам 10:18

Атанӷым тугуклъӣгатӣ пиниӷнилӷӣт. Итупилъ Атанӷым тугуклъиӷақӣ тама̄кут пиниӷнилюки пикани.

2е Коринфянам 10:9

Сюмыҳтаӷаҳпынаси алиңыснақуткыңъунилюси посланиямкун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

1е Фессалоникийцам 5:2

Қаюҳлъяк лъпыси лӣсимакңўа̄ӷаҳси Аӷныӷа Атанӷым тагияҳқа̄гуқ ўа̄кынӷилъҳаӷулъюни тагилъҳатун тыглыгнӣҳтым унугми.

К Евреям 4:13

Сяңўа̄ қамахтыңъўа̄ӷлюни Кияӷныӷым улима̄ӷа ӣӷңанӷитуқ Кияӷныӷмың. Алӣтут, хўатыҳлъюўа̄ӷӯтлъю ийыхкыни. Лъңанун қайвиҳқысяҳқақапут сялъыпут қамахлъюки.

От Иакова 4:11

Ухпықа̄лгутымни, сыӷлықӯӷутыхпынаси. Китум алңунак сыӷлықӯқумигу ухпықа̄лгутыни, сыӷлықӯҳлъықӣ Лӣлиҳтӯсят. Нанқихтыкумигулъю ухпықа̄лгутыни нанқихтыңъўӣ Лӣлиҳтӯсят. Нанқихтыкуфки Лӣлиҳтӯсят қа̄ткыңъунӷитатын. Йыӷлыги Лӣлиҳтӯсят нанқихтистыка̄тын.

От Иакова 5:7

Ухпықа̄лгутымни, қыляныҳпынаси кынляңа Атанӷым тагинқихтылъыҳқа̄нун. Пӣтысиӷаҳта успутақитыху. Нунами пӣтысиӷаӷлюни қыляныӷьюкаҳпынани утақӣгақуқ укся̄ӷымлъю, упынӷа̄млъю ыслъялъюўаның нагустикаюгмың пӣсяҳқаның.

От Иакова 5:9

Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

2е Петра 3:12

утақӣмалюси Аӷныӷанун Кияӷныӷым. Пинақылъҳаҳси қамахлъюку пинитун пӣқитыки аӷнық тагирахкӣӷысқылъюку. Таўани аӷныӷми кынӷым на̄фқылъықа̄ қиляга, ма̄тныӷымлъю уӷухлъықӣ сяңўа̄т қамахлъюки қилягамылңӯт.

2е Петра 3:4

хўатын пилъықут: «Иисус акықика̄гуқ тагинқихлъықнилюни. На̄гу? Има сивуныпут туқуляӷа̄тылъҳитның, паниның сяңўа̄ қамахлъюни алмысиқақа̄ нунам пӣнлилъҳаның».

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 20:12

Ысҳаӷанкалъю туқуляӷа̄ткат, укалӣўақлъютыңлъю, а̄ңўа̄ӷўа̄қлъютыңлъю аюқылӷӣт. Ныкывӷатңуфтут сивуңани умӣлгусим ақумутаҳлъягым. Та̄хкын игат қылъпыҳтӣт, Игӣ Уңувалъҳым, игақуӷвикыхкат а̄тҳитның тама̄кут уңуваяҳқат қӯнпырухлъяк. Иляңилъю игалӷутыт қылъпыҳтӣт игақуӷвикыхкат туқукат кияҳта̄лъҳитның аюқылӷӣт. Кияӷныӷым нанқихтӣ атуқлъюки игақуқат игатхун.