1е Коринфянам 4:14 - Новый Завет на эскимосском языке

¹⁴ Письмонӷитуңа кайңуюхналюси. Иўырңа пиниқыпихлъюси хўаңа катам таӷнуҳақылӷистун лӣлиҳтуӷьюгақамси кияҳта̄лъыҳқаҳпысиның.

1е Коринфянам 4:14 Iomraidhean Croise

Деяния 20:31

Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.

1е Коринфянам 15:34

Сюмыҳтаӷаӷақлъюси пинитун, сыӷлыҳқынъаниҳтык, иляси акулыхпысинилңӯт апыҳтӯмаңилңӯгут Кияӷныӷмың. Қаюҳлъяк лъпыси ухпықани кайңуюгьяҳқа̄гуси.

1е Коринфянам 4:15

Қайўа апыҳтуӷистытупихсяӷңа̄ҳпыси Христосымың, ататуҳлъянӷитуси. Ухпықсюхўаӷақңафсигу Иисус Христос нагақуӷлюки Пинилӷӣт Уңипат, таўанита атастун лъӣқаңа лъпысинун.

1е Коринфянам 4:17

Тама̄кын апалъюқлъюку Тимофей каяхтыңъўа̄қа лъпысинун. Иӷнықылӷӣстун аюқақа Атаныҳқун. Ата̄сӣӷмылңуқ ухпықақ пиниқыпихтақа. Нықаңуҳна̄ӷӣси натын хўаңа кияҳтақылъымның Христосымун. Таўатылңуқ кияҳта̄лъық апыҳтӯсяқақақа ухпықанун тамаңанилңуӷнун.

1е Коринфянам 6:5

Кайңунаҳалык лъпыси! Лӣсимакақа акулыхпысини лӣсималӷӣмың таклъяӷутистыкаҳқалгӯт ухпықа̄лгутыт а̄ҳтӣра̄ӷулъҳӣт.

1е Коринфянам 9:15

Лъпысиның сямың алңунак алъхыӷусигатуңа пикаҳқақсяқымның. Сюмыҳтаӷа̄ткыхпынаңа сямың алңунак туңсиӷнилюңа ма̄тын. Қуя̄қуңа акилыҳтӣсқигалңӯңа лъпысинун уңипақинымни Пинилӷӣның Уңипаның. Уңипақинақңӯңа акилыҳтӯсӣтыӷңа̄ӷма талўа паныӷьяӷңа̄ӷма. Ынка̄м китум алңунак пина̄нӷита̄ңа: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

2е Коринфянам 11:11

Каютыңлъянӷитутымның лъпысинун, сюмыҳпысинӣи пиниқынӷинъилюси пӣқыстык хўаңамнун? Кияӷныӷым лӣсимака̄ пиниқилъқа лъпысинун.

2е Коринфянам 12:19

Сюмыҳпысинӣи лъпысинун ипапиҳқынъақуткыстыху анахусиманилютуң? Нака̄! Кияӷныӷым нагақӯманӷани, акузӣқукут Христосым акузисқылъҳатун. Пиниқыхкамни, сяңўа̄ қамахлъюку пӣқаҳпут икнақуҳсяӷналюку ухпылъыҳси.

2е Коринфянам 7:3

Уңипа̄тңунӷитамси тама̄куның авуткынъалюси. Сивунӷани уңипа̄ткақамси пиниқыпихнилюси, ынка̄м кияҳтылгусиҳлъықамси налиӷмың туқулгусиҳлъықамси.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

1е Фессалоникийцам 2:11

Лӣсимакаҳси катам атам афлъыңакилъҳатун таӷнуҳаӷминың, хўаңкуталъю тамаҳаҳпыси таўатын катам афлъыңакыхкақамси. Кайымыхкақамси, илютуҳсяқақамси, қылӷута̄тақақаҳпут лъпысинун атуқысқылъюку кияҳта̄лъық ыфқуӷналӷӣ Кияӷныӷми. Туқлъю̄ңўӣси илятысқылъюси лъми катам Атаныҳпагулъыӷминунлъю, пиниӷналъыҳлъягминунлъю.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

2е Фессалоникийцам 3:14

Кина алңунак қа̄ткусюнӷилъкан сямың пилъымнъун укутхун письмотхун, сю̄мқынъакыси кинкуңутаңи. Ынка̄м иқитңалӷа̄си лъңаның кайңуюгысқылъюку анахутылъҳаның.

К Филимону 1:10

Хўаңаңӯқ а̄путилӷӣ иӷнымнун, Онисимымун. Анусимиңлъяӷвигми аталӣткақа̄ңа Христосыкун.

1е Иоанна 2:1

Таӷнуҳаҳамни, хўатын письмоңўа̄мси сыӷлыҳқыфқа̄фси писқылъюси. Иўырңа кина алңунак сыӷлыҳқыхкан Иисус Христосым ылъқуӷутңалӷӣм манигӯтутақӣлъю Атамун.

3е Иоанна 1:4

Қуяпихтақуңа нагақунымки авақуталӣтканка атуқиңунилюки ипапиҳқылъыӷмың. Алъя ся̄м алңунак қуясигата̄ңа таўатын.