1е Коринфянам 4:12 - Новый Завет на эскимосском языке

¹² Қыпҳаӷақукутлъю қывӯлъюта маниңналюта кияҳта̄ӷусиҳқамың. Сыӷлықӯлӷӣт хўаңкунъың пинитун алыҳқуӷақапут. Ухпықа̄тымнъың амью̄ткылӷитлъю, акузилӷӣгатукутлъю, акисигатапутлъю.

1е Коринфянам 4:12 Iomraidhean Croise

От Матфея 5:11

Қуястылъылгӯси югыт сыӷлықӯқаңиси, амью̄ткыхкаңиси, иқлъыңиқуткыхкаңиси малихся̄ҳтыңутыхпысиның хўаңамнун.

От Матфея 5:44

Иўырңа хўаңа пӣмси: “Пиниқлъюки угумикилӷӣт лъпысинун, юӷа̄ткақитыкилъю амью̄ткистыси Кияӷныӷмун қуястысқылъюки”.

От Луки 23:34

Иисус пикақ: «Ата̄й, сыӷывутики, қаюҳлъяк на̄лъюкут ся̄қутсың». Пилъюўаҳтыт атыҳтӣра̄ӷуткылъюки а̄ткӣ ныңӣткӣт.

От Луки 6:28

Қуястысқақитыки Кияӷныӷмун тама̄кут уйваляӷистыси, юӷа̄ткақлъюкилъю амьюқыта̄ткистыси.

От Иоанна 15:20

Нықамиклъюку а̄пқақа лъпысинун: Қыпҳаҳта а̄ңатаӷанӷитуқ умӣлыгминың. Амью̄ткумакумыхтыңъа лъпысилъю амью̄ткылъықӣси. Қа̄ткумакумыхтыки апыҳтӯсянка, лъпысилъю апыҳтӯсяси қа̄ткылъықӣт.

Деяния 18:3

ылъкыхкыниткақ қаюҳлъяк қыпҳақа̄к лъңан қыпҳақа̄тун аюқылӷӣ. Палаткаңлъялъҳым акиңа кияӷусиқыхкаңат.

Деяния 20:34

Лӣсимакаҳпысиңа сяңўа̄ аклъюкыхкақа, илямалъю хўаңамнилңӯт аклъюкыхкӣт қыпҳа̄ткаюўа̄нка алъхыҳналюки.

Деяния 7:60

Сыгысқуҳлъюни игляхтупихлъюни пикақ: «Атанық, сыӷывутики хўакын сыӷлыҳқылъҳитның». Таўатын пилюни туқукақ.

К Римлянам 12:14

Юӷа̄ткақитыки амьюқыта̄ткистыси Кияӷныӷмун қуястысқылъюки, нака̄н ақниҳтысқылъюки.

К Римлянам 12:20

Игақңа̄қлъю Акузитни Игақыхкани: «Аңуягын игата̄ңукан ныӷыснакын, мықсюгукан мыҳсинакын. Таўатын пикувгу на̄сқўакун маюҳфикылъықан кумаңалӷӣмың кӯлямың».

К Римлянам 8:35

Ся̄мңам иқитыслъықинкут пиниқылъҳаның Христосым? Сыӷлылӣлъҳым, пияқлъӣлъҳым, амьюқыта̄ткылъҳым, паныӷниқылъҳым, аклъюмалъҳым, якуӷна̄м, налиӷмың туқутылъҳым?

1е Коринфянам 9:6

Варнавалъю хўаңкутуң лъңинаҳа̄мтуң қыпҳа̄симаңинаӷьяҳқақыстыху нықыкаҳқаҳпут?

2е Коринфянам 11:8

Ухпықат иляңитнилңӯт юӷаӷвигыт акилыҳтуқақа̄тңа лъпысинилъюңа. Ўаяқалъҳӯӷанка маниңитның каюсӣнъалюси.

К Ефесянам 4:28

Тыглыгнӣҳта тыглыгнаниӷли. Итупилъ қыпҳаӷли алъхыӷусяҳқа̄люни аклъюкыхкаминың, тӯнияҳқа̄ҳлъықуқлъю аклъюкилӷӣнун.

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

2е Фессалоникийцам 3:8

Тугуклъӣгатапут нықыт кинкуның алңунак тукфилъңунаки. Иўырңа унухтӯма̄н, аӷныҳтӯма̄н қыпҳақа̄гукут, уӷлыӷӣқа̄гукут уқихтуқутңуюнӷитутымнъың налиҳӣнаҳпысинун.

1е Тимофею 4:10

Тама̄кын апалъюқлъюку қыпҳаҳлъягӯкутлъю, сягиқлъӣҳтыңъӯкутлъю югнун ухпықысқылъюку ипапилъық. Таўатын пӣкут қаюҳлъяк ныӷьюкаҳпут уңувалӷӣ Кияӷнық, Югулиӷистыңат қамахлъютың югыт, кияң тама̄кут ухпылӷӣт лъңакун.

1е Петра 2:23

Сыӷлықӯлъыңақңами акисимаңитӣ. Икфиқақңами акықсяхсимаңитӣ. Итупилъ ныӷьюкутка̄гуқ лъңаның нанқихтикаюгмун ылъқуӷаҳлъюку.

1е Петра 3:14

Иўырңа икфиқыӷңа̄ҳпыси пинитун пилъыӷмун қуястылъыңылъықуси. Аликыхпынаки югыт, талўа сюмыӷьялихпынаси.

1е Петра 3:9

Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 4:19

Ынка̄ңам тама̄кут икфиқылӷӣт апалъюқлъюку Кияӷныӷым пиюкылъҳа, ылъқуӷулъютың пилъықут, ныӷьюкулъықӣтлъю уңуваситың ата̄сӣӷмылңуӷмун Улимаӷистымун.

От Иуды 1:9

Нақам Михаил, яқулгыт иглыӷутистыңита иляңат, таўатын пилъҳитуқ. Туӷныӷа̄нкук а̄ҳтӣра̄ӷуткақңамыхтыху Моисейем югусӣ, Михаилым сыӷлытун акузиткумаңита̄, анахусиманилюкулъю пилъҳита̄. Йыӷлыги пикақа̄: «Атанӷым аӷью̄ӷмиглитын».