1е Коринфянам 4:10 - Новый Завет на эскимосском языке

¹⁰ Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

1е Коринфянам 4:10 Iomraidhean Croise

От Матфея 24:9

Та̄хкын тама̄на пималюку югыт тугулъықӣси, амьюқыта̄ткылъықӣси, туқулъықӣсилъю. Нунатаҳа̄н тамаҳа̄н рамкыңан угумӣлъықӣси хўаңа апалъюқлъюңа.

От Матфея 5:11

Қуястылъылгӯси югыт сыӷлықӯқаңиси, амью̄ткыхкаңиси, иқлъыңиқуткыхкаңиси малихся̄ҳтыңутыхпысиның хўаңамнун.

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Луки 18:9

Иисусым уналъю уңипаӷа̄ткыхка̄ югнун сюмыӷмыхни пиниӷнилютың пилӷӣнун, асиста̄ӷӣқлъютыңлъю пилӷӣнун тамаңанун.

От Луки 6:22

Қуяслъылгӯси югыт угумикынӷиси, иҳсякынӷиси, сыӷлықӯнӷиси, сыӷлыӷуникаңисилъю. Таўатын пӣқӣси қаюҳлъяк малихся̄ҳтыкыхкаңиси Иӷныӷан Югым!

Деяния 17:18

Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың.

Деяния 17:32

Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу».

Деяния 26:24

Павел мысиӷа̄малюку Фестым акилӷӯҳлъяка̄: «Павел, налъюңуҳтутын! Лӣтылъыҳлъяхпык налъюңуҳтыста̄тын!»

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 1:25

Кияӷныӷым тымңитхўалъҳа пыҳқинӷатаӷаҳтуқ югым пыҳқинылъҳаның. Кияӷныӷым кая̄тылъҳа икнақатаӷаҳтуқ югым икнақылъҳаның.

1е Коринфянам 10:12

Ынка̄м кина алңунак сюмыӷмини пикуми ухпылъыни аӷулӣнъилюку, кылыңали лю̄рақ сыӷлыҳқыся̄ҳтуқ.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 3:18

Кина алңунак пӯҳтыфқа̄ми лъңаның пили. Налиҳси сюмыҳтаӷа̄ңукуми лӣтыпахлъяка̄нилюни нунам пыҳқинылъҳаның, йықай малихлъигу Христос, ухпықа̄нӷилңӯт тымңиңуниӷңа̄тху. Таўатын пикуни ынңа̄талъ пыҳқинӷуҳтыпӣхлъықа̄.

1е Коринфянам 3:2

Кукшагнаңуна̄н апыҳтуқақамси. Катам таўатын мамаҳаӷмың мыӷыслъыҳӣстун пикақамси. Нықыпигмың ныӷыстыпагниңиткақамси қаюҳлъяк нықыпихтуҳпагниңилңӯси сялин. Паниның ма̄тын нықыпихтуҳпагниңитақуси, қаюҳлъяк ухпықа̄нӷилңуӷыстун аюқуси сялин. Лӣгикыстыңъўа̄ҳси ухпылъыҳпыси аңлинӷитылъҳа ақиналъыҳпысигунлъю, аӷиватылъыҳпысигунлъю. Ухпықа̄нӷилңуӷыстун кияҳтыңъӯси.

1е Коринфянам 4:8

Алъхыҳтыңъўа̄ӷума̄ҳси аклъюкыхкаҳси қамахлъюку! Аклъюңиӷиңўа̄ӷлюси аюқуси! Хўаңкуңунаси умӣлгуҳсима̄си! Умӣлгулӷӣситуқ, ынка̄м умӣлгутилгусиӷнаяӷамси!

2е Коринфянам 10:10

Иляңита пӣқӣт Павелым посланияңи сыӷлыҳлъягунилюки аҳся̄ӷмикаӷңанилюки, нақам хўаңкунъинъыӷмини, аҳся̄н аюқақуқ, акузийӣтақуқлъю!

2е Коринфянам 11:19

Сюмыҳпысини пыҳқиныпихнилюси пӣқуси. Ынка̄м қуякусиқлъюку нагатақаси тымңитхўалӷӣт.

2е Коринфянам 11:29

Ухпықа̄лгутым ухпықилъҳа кая̄нъыӷани, хўаңалъю кая̄тақуңа. Ухпықа̄лгута китум сыӷлыҳқысныӷагу, сякшитақуңа.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 4:12

Ынка̄м хўаңкута якуӷналъҳанитукут туқулъҳым қаюҳлъяк қыпҳа̄тңукыфут Кияӷнық. Иўырңа қыпҳалъымта кынлыңилңуӷмың уңувалъыңыстыңъўӣси.

2е Коринфянам 6:8

Қӯлвалъыңақукутлъю, укаваҳлъыңақукутлъю; сыӷлықӯҳсиӷақукутлъю, усюқылъыңақукутлъю. Иқлъыңалӷӣңунӣқӣлъю, иўырңа акузӣқукут ипапигмың.

1е Фессалоникийцам 4:8

Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.

1е Петра 4:14

Сыӷлықӯқаңиси апалъюқлъюку малихся̄ҳтыңумалъыҳси Христосымун, қуястылъылгӯси қаюҳлъяк Кияӷныӷым Таӷныӷакык ниӷуҳқыңъалӷӣк кияҳтыңӯқ лъпысини.