1е Коринфянам 3:9 - Новый Завет на эскимосском языке

⁹ Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

1е Коринфянам 3:9 Iomraidhean Croise

От Матфея 15:13

Иисусым кӣмсиқӣ: «Нунивахсыӷақ қамахлъюку Атама қилягмылңӯм пӣтысиӷа̄маңилъкаңа нусюгьяҳқа̄гуқ.

От Матфея 16:18

Ынка̄м пӣмкын, Петырыңӯтын, Уйӷак. Хўагун уйӷахкун ныкыфлъықақа юӷаӷвика, туқулъҳым аҳтуӷьяҳқа̄нӷилъҳан кая̄лъқысяҳқақынӷитңхўа̄ӷа̄.

От Матфея 9:37

Та̄хкын малихся̄ҳтыни пикӣ: «Углялӷӣм югым ухпықсюгақӣт Пинилӷӣт Уңипат. Тама̄куңӯт успутңалӷӣт нунивахсыӷанун унатаӷьяқлъыхӣна̄ҳтыкат. Та̄ўаңинақ паляпигӯт қыпҳаҳтыт.

От Марка 16:20

Та̄хкын малихся̄ҳтыт аӷуляқлъютың тамаңанун уңипақикат Пинилӷӣның Уңипаның. Атанӷым қыпҳалгусиқӣ, ипапиҳқыстыка̄лъю уңипақ алъя̄ҳлъюхўаҳтистылъыӷмикун. Аминь.

Деяния 4:11

Иисусыңӯқ укут Акузитыт Игақыхкат пика̄т: “Уйӷак иҳсякыхкаҳси лъпыси мыңтыӷаңлъяҳтыни, пиялӷӣми мыгнуналъыҳпига̄фтуқ уйӷак”.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

1е Коринфянам 3:6

Лъпыси Кияӷныӷым пӣтысиӷаӷвикӣси. Пӣтысиӷаӷақуңа, Аполлосым мыҳқақа̄, иўырңа Кияӷныӷым нагустақа̄.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

2е Коринфянам 6:16

Кияӷныңлъяқат манигуӷьяҳқа̄нӷитут Кияӷныӷым Храмыңани. Қаюҳлъяк хўаңкута Храмыкӣлъю уңувалӷӣм Кияӷныӷым, Кияӷнық пика̄лӷӣ: «Лъңитнилъықуңалъю, акулңитнилъықуңалъю; Кияӷнықылъықа̄тңа, лъңитлъю юкылъықанка».

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Колоссянам 2:7

Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

1е Петра 2:5

Лъпысилъю уңувалӷӣстун уйӷагыстун аюқуси, ынка̄м Аглыӷналӷӣм Таӷныӷам ныкыфтусиқлъиси Кияӷныӷым мыңтыӷа̄нун. Қыпҳа̄лъықаҳси а̄фтыка̄люси священнигыт тӯнилӷӣт аҳтутмың Кияӷныӷмун. Лъңан тугуклъиҳлъықӣ аҳтутыт Иисус Христосыкун.

3е Иоанна 1:8

ынка̄м хўаңкута ухпықани каюсиӷьяҳқақапут тама̄кут югыт. Таўатын пикумта қыпҳалгуткылъықӣлъю апыҳтуӷиңулютың ипапиҳқылъыӷмың.