1е Коринфянам 3:5 - Новый Завет на эскимосском языке

⁵ Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

1е Коринфянам 3:5 Iomraidhean Croise

От Матфея 25:15

Ата̄симун 5,000 манит тӯныхкӣ, иляңанун 2,000, киңулиӷмун 1,000. Тамаҳӣта тунқуқӣ пилъыхтулңистун. Та̄хкын аӷуляқыхкақ.

От Иоанна 3:27

Иоанным кӣмсиқӣ: «Кина алңунак алъхыӷунъа̄нӷитуқ сямың ўыткуқун Кияӷныӷым тӯныхкумигу.

Деяния 18:24

Павел таўатын аныҳсималюку Аполлос, Ефесымун ка̄ткақ. Иудейеңулӷӣ алъхықақ Александриями. Ынңа̄талъ акузилъыхлъяклъю, лӣтыҳлъякақлъю Акузитның Игақыхканың.

Деяния 19:1

Аполлос Коринфымылъюку, Павел қӯткун иглыӷакақ Ефесымун кынляңа. Тама̄ни иляңи малихся̄ҳтыт налъяӷлюки

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

1е Коринфянам 16:12

Уңипа̄таҳлъямси ухпықа̄лгутымнъың Аполлосымың. Ынңа̄талъ қылъқақсяӷақа ля̄лиҳфикысқылъюси малихлъюки иляңи ухпықа̄лгутыт. Иўырңа ма̄тын пиюнӷитуқ. Ля̄лиҳфикна̄ӷӣси пилъыҳқаңыхкуми.

1е Коринфянам 3:10

Кияӷныӷым наңлъыхталъық тагивақа̄ атуқлъюку пӣнлиқақақа қыпҳақақ лъпысини. Пыҳқинылӷӣстун тунымиқақақа мыңтыӷақ улимаяҳқақ. Иисус Христосыңина̄гуқ тунымақ, алъя ся̄ӷўакун тунымаҳқӣтуқ. Иляңита улимавикңўа̄т қа̄йңакун. Қамахлъюни пира̄мсилюни улимали.

1е Коринфянам 3:22

талўа Павел, Аполлос, Петырлъю. Нуналъю уна, уңувалъықлъю, туқулъықлъю, сяңўа̄лъю алңунак кияҳта̄лъыӷмылңуқ ма̄тын, сяңўа̄лъю алңунак ка̄сяҳқақ, қамахтыңъўа̄ӷлюки лъпыси пикаси.

1е Коринфянам 3:7

Ынка̄ңам кина алңунак пӣтысӣӷалӷӣлъю, мыҳқилӷӣлъю укавантуқ. Кияӷныҳӣнақ а̄ңыҳлъяхтуқ нагустикаюгӯқ.

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 3:3

Хўатыҳлъюўа̄қ посланияңӯси Христосымың пикат хўаңкунъун туюқӣ. Письмоткыхка̄нӷитуси чернилакун налиӷмың лъӣвнықыхтатхун уйӷахтыхун. Письмоткыхка̄гуси югыт илюңитхун Таӷныӷахкынкун уңувалӷӣм Кияӷныӷым.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

2е Коринфянам 4:5

Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

2е Коринфянам 4:7

Иўырңа хўаңкунъун Кияӷныӷым канаҳтыкақа̄ та̄на ниӷук кӯкхутысқылъюку илюмнъи. Хўаңкута қикустун қантаҳқастун аюқукут, ынка̄м тамаңан лӣгикылъықа̄т аҳтуӷьяҳқа̄нӷитыҳлъяк Кияӷныҳта̄нилюку, хўаңкунъың пиңунӷинъилюку.

2е Коринфянам 5:18

Кияӷныӷӯқ таўатын пикақ. Лъңан илялӣӷутыстыкақӣлъю лъңанун Христосыкун. Қыпҳақалитӣлъюлъю, иляңилъю югыт илялӣӷутысқылъюки лъңанун.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

2е Коринфянам 6:4

Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

К Ефесянам 3:7

Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:25

Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи.

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

1е Петра 4:10

Тамаҳаҳпыси алъхыӷутка̄гуси тунусяның атуҳқамың иляхпысинун. Алъя̄ҳӣна̄т тунусят Кияӷныӷмың писи атуқақитыки пинитун.