1е Коринфянам 3:18 - Новый Завет на эскимосском языке

¹⁸ Кина алңунак пӯҳтыфқа̄ми лъңаның пили. Налиҳси сюмыҳтаӷа̄ңукуми лӣтыпахлъяка̄нилюни нунам пыҳқинылъҳаның, йықай малихлъигу Христос, ухпықа̄нӷилңӯт тымңиңуниӷңа̄тху. Таўатын пикуни ынңа̄талъ пыҳқинӷуҳтыпӣхлъықа̄.

1е Коринфянам 3:18 Iomraidhean Croise

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 18:4

Кина алңунак укалӣҳлъыҳӣ ӯтун таӷнуҳаҳтун, аңылъыҳпига̄гуқ Атаныҳпагулъҳани Қилягым.

От Марка 10:15

Ипа уңипа̄тамси, китум алңунак тугуклъинӷилъкумигу Атаныҳпагулъҳа Кияӷныӷым таӷнуҳаҳтун, итыӷна̄нӷитуқ».

От Луки 18:17

Ипа уңипа̄тамси, китум алңунак тугуклъинӷилъкумигу Атаныҳпагулъҳа Кияӷныӷым таӷнуҳаҳтун, итыӷна̄нӷитуқ».

От Луки 21:8

Кӣмсиқӣ: «Кылыңатык, пӯҳтыстыхпынаси, қаюҳлъяк угляқ тагинақңӯқ а̄тқа атуқлъюку хўатын пимаӷмың: “Хўаңа Христосыңӯңа!” пӣқылъықутлъю: “Пилъыҳқақ ка̄туқ!” Иўырңа малихсяқунаки.

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 12:16

Кияҳтык ныкыхмытулъюси. Қука̄юхтыхпынаси йыӷлыги илякитыки укаванталӷӣт. Сюмыҳтаӷа̄ткыхпынаси пыҳқинӷунилюси иляхпысиның.

1е Коринфянам 15:33

Китумун алңунак пӯҳтыстыхпынаси илякумта̄ңумакуфси сыӷлытун пикаюгмың, атуқсягулъықаҳси сяңўа̄ пӣқыхкаңат.

1е Коринфянам 3:17

Китум алңунак на̄фқыхкагу Кияӷныӷым Храмыңа, Кияӷныӷым на̄фқысяҳқақа̄ лъңа, қаюҳлъяк Кияӷныӷым Храмыңа аглыӷналӷӣңӯқ. Лъпыси Храмкӣси.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

1е Коринфянам 6:9

Ипапыста̄қ лӣсимаксяҳқақсяӷаҳси сыӷлытун пистыт ныкаҳқӣлңӯт Атаныҳпагулъҳани Кияӷныӷым. Пӯҳтыстыхпынаси китумун алңунак. Кияӷныӷым Атаныҳпагулъҳани ныкаҳқӣтут: блудникыт, манигӯткаюгыт кияӷныңлъяқанун, гылгаӷнӣҳтыт, аӷна̄сит, югыт юлгутмыхның атуқикаюгыт, аӷнат аӷна̄лгутмыхның атуқикаюгыт.

К Галатам 6:3

Кина сюмыҳтаӷақуми сяңунилюни, сяңунӷитыӷңа̄ӷми, лъңаның пӯҳтыңъӯқ.

К Галатам 6:7

Сюмыҳтаӷақувык пӯҳлъықнилюку Кияӷнық лъпынун пӯҳтыңъӯтын. Югым сяңўа̄ пӣтысӣӷақани унатаӷьяҳқақа̄.

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

2е Тимофею 3:13

Сыӷлыӷыт югыт, пӯҳтистытлъю, сыӷлыӷуҳтаӷаҳлъықут. Пӯҳқуҳлъықут, лъңитлъю пӯҳтылъыңылъықут.

К Титу 3:3

Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю.

От Иакова 1:22

Нагатаӷыснаҳпынаки Кияӷныӷым акузитаңи итупилъ атуқитыки. Пӯҳтақуси лъпысиның катам нагатаӷыснаныҳпысики атуқыхпынаки.

От Иакова 1:26

Ю̄к сюмыҳтаӷақаюк ухпықаҳлъягунилюни, нақам акузиткысяҳқақынӷилъкымъиның акузикаюк тымңи пӯҳтыңъӯқ лъминың катам. Ухпылъҳа сятңунӷитуқ.

1е Иоанна 1:8

Сыӷлыҳқылъҳинъикумта пӯҳтыңъӯкут хўаңкунъың катам, ипапиҳқылъҳитукутлъю.