1е Коринфянам 3:13 - Новый Завет на эскимосском языке

¹³ Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

1е Коринфянам 3:13 Iomraidhean Croise

От Матфея 10:15

Ипа уңипа̄тамси, Нанқихтилъҳым Аӷныӷани, Содомыӷмӣтлъю, Гоморраӷмӣтлъю аӷью̄лъыҳқыста̄ҳа̄яҳқа̄гут та̄хкын юганың!»

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Луки 2:35

ынка̄м таўатын пилъыӷмыхтыхун лӣтыслъықӣт аксяқңалӷӣт сюмыҳтаӷалъытың. Ынка̄м лъпык Мария, қивӷум кагимлъықа̄к уңувасихкын, катам таўатын сявихпагым ка̄пылъҳатун».

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

К Римлянам 2:5

Иўырңа лъпык алыҳқуныҳлъюгӯтын, пиныҳлъюгӯтын; тама̄кын апалъюқлъюку авутыҳқысюгигатутын. Ынка̄ңам лъпык катам улимаңўа̄н аӷью̄лъыңылъыҳқан сыӷлыӷатаӷа̄люку Нанқихтилъҳым Аӷныӷани. Таўани Аӷныӷми Кияӷныӷым алӣҳлъықа̄к сякша̄лъынилъю, ылъқуӷутңалӷӣлъю нанқихтилъыни.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

1е Коринфянам 3:12

Иляңита атуҳлъықа̄т золото, серебро, аңляминалӷи уйӷақ, иляңита унаҳсиқ, палиқақ выга̄қ, уңагақлъю тунымакун та̄хун.

1е Коринфянам 4:5

Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 1:18

Атаныӷмун юӷа̄ткақақа Онисифор наңлъыгьягутысқылъюку таўани Аӷныӷми! Лӣсимакан каюткыҳлъякақақа Ефесыми.

2е Тимофею 3:9

Иўырңа таўатын пилъҳат мулюна̄нӷитуқ. Тымңитхўалъҳат алӣлъықуқ тамаңанун, катам Ианнийым, Иамврийым тымңитхўалъҳак алӣтңалъҳатун.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 10:25

Йықай та̄қыфқа̄мта қырңуӷунъыӷмың пилъта манигуӷналюку Кияӷнық, иляңита пӣқылъҳистун. Йыӷлыги қырңуӷусимаңина̄лъта кайымутунъалюта. Ўата кайымусимаңина̄лъта қаюҳлъяк Атанӷым Аӷныӷа туӷа̄лӷӣ.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Петра 4:12

Пиниқыхкамни илякумта̄мни, қӯвьюхпынаси сыӷлылӣӷрукута̄ҳлъягыт ка̄скаңиси нанӷӣҳсяӷаӷналюси. Нанӷӣҳсяӷалъыси алъяка̄ягунӷитут.

2е Петра 3:10

Иўырңа Аӷныӷа Атанӷым тагилъықуқ тыглыгнӣҳтытун. Таўани Аӷныӷми қиляга авӣӷусяҳқа̄гуқ ыфтуӷӯтыҳлъягмың. Сяңўа̄т қамахлъютың қилягамылңӯт кынӷым уӷухлъықӣ. Қамахлъютыңлъю нунамылңӯт паныҳлъықут.

2е Петра 3:7

Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.

Откровение 20:12

Ысҳаӷанкалъю туқуляӷа̄ткат, укалӣўақлъютыңлъю, а̄ңўа̄ӷўа̄қлъютыңлъю аюқылӷӣт. Ныкывӷатңуфтут сивуңани умӣлгусим ақумутаҳлъягым. Та̄хкын игат қылъпыҳтӣт, Игӣ Уңувалъҳым, игақуӷвикыхкат а̄тҳитның тама̄кут уңуваяҳқат қӯнпырухлъяк. Иляңилъю игалӷутыт қылъпыҳтӣт игақуӷвикыхкат туқукат кияҳта̄лъҳитның аюқылӷӣт. Кияӷныӷым нанқихтӣ атуқлъюки игақуқат игатхун.