1е Коринфянам 2:4 - Новый Завет на эскимосском языке

⁴ Кукшагналӷӣмың акузиткумаңитуңа пыҳқиныҳлъягым акузитаңаның. Иўырңа Аглыӷналӷӣм Таӷныӷам аҳтуӷьяҳқа̄нӷилъҳан ипапиҳқыхкақӣ апыҳтуӷилъҳынка ипаңутаңи.

1е Коринфянам 2:4 Iomraidhean Croise

Деяния 20:27

қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун.

Деяния 26:28

Умӣлгым Агриппам а̄птыка̄ Павел: «Сюмыҳпынӣи хўа̄ такысқуҳа̄н алыҳқуӷлюңа ухпыҳтыснақсиңа̄ Христосымың?»

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

1е Коринфянам 1:17

Христосым крестиӷилӣсқумаңита̄ңа, иўырңа каяхтыкақа̄ңа уңипақисқылъюңа Пинилӷӣның Уңипаның. Уңипақиңигатуңа атуқлъюки югым пыҳқинылъҳи, лю̄рақ аҳтуӷьяҳқа̄нӷилъҳӣтыснаюкамкун қақӯра̄ Христосым.

1е Коринфянам 2:1

Ухпықа̄лгутымни, уңипақияҳтуӷақңама лъпысинун, атуқумаңитанка акузитыт лӣгикыпагниңилъкыси. Пыҳқилъыҳлъямкун уңипақиюнӷитуңа Кияӷныӷым уңипа̄мың лъпысинун.

1е Коринфянам 2:13

Ынка̄м акузиңигатукут югым пыҳқинылъҳакун, иўырңа атуқақапут акузитыт Аглыӷналӷӣм Таӷныӷам апыҳтӯткӣ. Таўатын пӣқукут апыҳтӯсяқнымтыки Таӷныӷам ипапилъҳи тама̄кунун алъхыӷутканун Аглыӷналӣгның Таӷныӷагның.

1е Коринфянам 4:20

Кияӷныӷым Атаныҳпагулъҳа акузитытхун аюқынӷитуқ иўырңа аҳтуӷьяҳқа̄нӷилъыҳқун аюқуқ.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Колоссянам 2:4

Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

2е Петра 1:16

Атуқумаңитапут пыҳқиниқутңўа̄ӷлюки уңипаӷа̄тыңлъяқат а̄пҳақңамтыки лъпысинун аҳтуӷьяҳқа̄нӷилъҳалъю, тагилъҳалъю Атанымта Иисус Христосым. Хўаңкута катам ийыҳлъюўа̄мнъың ысҳақақаҳпут лъңан а̄ңылъыҳлъяга.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.