1е Коринфянам 2:14 - Новый Завет на эскимосском языке

¹⁴ Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 2:14 Iomraidhean Croise

От Матфея 16:23

Иисусым қӣвлюку Петр пика̄: «Туӷныӷақ, иқитын хўаңамның! Амигиӷаҳпыңа, қаюҳлъяк сюмыҳтаӷалъҳын югым сюмыҳтаӷалъқа̄, Кияӷныӷым сюмыҳтаӷалъқынӷита̄!»

От Иоанна 10:20

Угляпихлъыҳӣт пикат: «Та̄на ю̄к туӷныӷа̄м итыӷлюку налъюңуҳтыстыкақа̄, сяңанңам нагатақыстыху?»

От Иоанна 12:37

Югыт ысҳапагьяӷңа̄ӷмыхтыху Иисус угля̄пихлъюку алъя̄ҳлъюхўаҳтилӷӣ паниның ухпықумаңилъкаңат.

От Иоанна 14:17

Та̄кук Каютык Таӷныӷа̄гук апыҳтуҳлъықӣси Кияӷныӷым ипапилъҳаның. Нунам юган тугуклъиӷна̄нӷита̄ қаюҳлъяк ысҳӣгалъкаңа талўа налъюкыхкаңа. Иўырңа лъпыси лӣсимакаҳси қаюҳлъяк лъпысинитуқ, илюхпысинисяҳқа̄гуқлъю.

От Иоанна 14:26

Каютым апыҳтуҳлъықӣси сямың тамаҳа̄ның. Нықаҳтыслъықӣ қамахлъюки тама̄кут а̄пқанка лъпысинун. Та̄кук Каютык Аглыӷналӷӣңӯк Таӷныӷак, Атам каяхсяҳқакык Атымкун.

От Иоанна 15:26

Каютык каяхлъықахка лъпысинун, Атамың пиңӯк. Таӷныӷа̄гук апыҳтуӷияҳқак Кияӷныӷым ипапилъҳаның. Тагикуми уңипақылъықа̄ңа.

От Иоанна 5:44

Натынңам ухпықылъықыстыху тагитка̄қа Кияӷныӷмың усюқысюгукуфси иляхпысинун, нақам та̄наңинаҳа̄м Кияӷныӷым усюқылъыҳқа̄ авылӷаӷлюку?

От Иоанна 8:43

Лӣгикигатаҳси сямың пилъқа қаюҳлъяк тугуклъиӷьяҳқақынӷилъкыси апыҳтуӷилъҳынка.

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 17:18

Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың.

Деяния 17:32

Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу».

Деяния 18:15

Иўырңа уна ю̄к таўатын пимаңитуқ. А̄ҳтӣра̄ӷуткыңъунӷитаси Римым лӣлиҳтӯсӣ, а̄ҳтӣра̄ӷуткыңъўа̄си лъпыси катам Лӣлиҳтӯсяси, акузитытлъю, а̄тҳытлъю сямың писӣтаңи. Тама̄кын нанқихтияҳқа̄нӷитуңа, лъпысиның пикатыки».

Деяния 25:19

Та̄ўаңинаҳақ а̄ҳтӣра̄ӷумакаңат ухпықилъыӷмыхның, та̄налъю ю̄к а̄тқылӷӣ Иисусымың туқуманилюку, иўырңа Павелым сягиқуткақа̄ уңува̄манилюку.

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 1:25

Кияӷныӷым тымңитхўалъҳа пыҳқинӷатаӷаҳтуқ югым пыҳқинылъҳаның. Кияӷныӷым кая̄тылъҳа икнақатаӷаҳтуқ югым икнақылъҳаның.

1е Коринфянам 15:44

Лъивыныӷмини югусиқ югым пика̄. Иўырңа югусиқ уңуваҳтыстыкуми таӷныӷамнъун югусӣяҳқа̄гуқ. Югусилгуката югыт югусиҳқалгӯтлъю таӷныӷапут.

1е Коринфянам 15:46

Сивуклъюта югым югусӣның югусиңақукут, та̄хкын та̄кўаниңани Кияӷныӷым югусилитақӣ таӷныӷапут.

1е Коринфянам 2:12

Нунам таӷныӷа̄ның алъхыӷусимаңитукут. Йыӷлыги, алъхыҳтыкақахпут Таӷныӷак Кияӷныӷмың пӣк, лӣгикналюки қамахлъюки Кияӷныӷым тӯныхкӣ хўаңкунъун.

1е Коринфянам 3:1

Ухпықа̄лгутымни, лъпысинитақңама алыҳқуҳпагниңиткақамси алыҳқуӷўақылъымтун ухпықаҳлъягыт. Йыӷлыги алыҳқуқақамси ухпылъыси аңлилъҳилңуӷыстун аюқлъюки. Ухпықылъыҳси Христосыкун таӷнуҳаҳаӷыстун аюқут.

От Иакова 3:15

Таўатылңуқ пыҳқинылъық қиляхта̄нӷитуқ, нунамың пиңӯқ. Кияӷныӷым Таӷныӷахкының пиңунӷитуқ, туӷныӷаӷмың пиңӯқ.

1е Иоанна 2:20

Иўырңа лъпыси, Христосым кӯвыхкақӣси Аглыӷналӷӣгның Таӷныӷагның ынка̄м қамахлъюси лӣсимакаҳси ипапиҳқылъық.

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.

От Иуды 1:19

Тама̄кут югыт а̄ҳтӣра̄ӷутыстиюгақут ухпықаның. Малихтақӣт югусимың пиюкылъҳит сыӷлыҳқылъыӷмун аюқылӷӣт, Аглыӷналӷӣгның Таӷныӷагның аваңитутмыхның.