1е Коринфянам 2:10 - Новый Завет на эскимосском языке

¹⁰ Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

1е Коринфянам 2:10 Iomraidhean Croise

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Луки 10:21

Таўани пилъыӷми Аглыӷналӷӣм Таӷныӷам Иисус қуястыка̄. Пикақ: «Ата̄й, Атанӷа қилягымлъю нунамлъю, игамсиқаюгвикамкын! Лъпык тама̄кут талюҳтатын пыҳқинылӷӣныңлъю, лӣтканыңлъю, нақам лӣтыстатын таӷнуҳаӷыстун аюқылӷӣнун. А̄а, Ата̄й, та̄наңӯқ пиюкылъҳын».

От Луки 2:26

Аглыӷналӷӣм Таӷныӷам акықыхка̄ туқуна̄нӷинъилюку кынляңа ысҳалъыҳқа̄нун Мессия Атанӷым акықусяқыхка̄.

От Иоанна 14:26

Каютым апыҳтуҳлъықӣси сямың тамаҳа̄ның. Нықаҳтыслъықӣ қамахлъюки тама̄кут а̄пқанка лъпысинун. Та̄кук Каютык Аглыӷналӷӣңӯк Таӷныӷак, Атам каяхсяҳқакык Атымкун.

От Иоанна 16:13

Иўырңа Таӷныӷак апыҳтуӷилӷӣк Кияӷныӷым ипапилъҳаның, тагикуми маӷьяҳқуҳлъықӣси ипапилъыпырыгўа̄ӷмун. Акузиткынъа̄нӷитӣ лъми катам акузитни, иўырңа акузилъықуқ нагақуқаҳӣнаӷминың. Ынка̄м уңипа̄лъықӣси сяңўа̄ сяяҳқа̄таңа та̄кўаниңани.

1е Коринфянам 14:30

Иўырңа кина уңипаңыхкан Кияӷныӷмың, акузилӷӣ ныпӣӷли, уңипаңылӷӣ акузисқылъюку.

1е Коринфянам 2:11

Югым сюмыҳтаӷалъҳа китум алңунак налъюка̄ иўырңақун лъңан катам таӷныӷахкынка. Таўатыҳпигақ Кияӷныӷым сюмыҳтаӷалъҳа китум алңунак налъюка̄ иўырңақун лъңан катам Таӷныӷахкынка.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Ефесянам 3:3

Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

К Ефесянам 3:5

Сивунӷани Кияӷныӷым уңипа̄тылъҳитӣ югыт қайвиҳтылъҳилңуӷмың успықылъыӷминың. Иўырңа укуни аӷныӷни Аглыӷналӷӣгныкун Таӷныӷагныкун қайвиҳта̄ успықылъыни аглыӷналӷӣнун апостолыминунлъю, ӯкналиқистыминунлъю.

1е Тимофею 4:1

Аглыӷналӷӣк Таӷныӷак хўатыҳлъюўа̄қ пӣк киңулиӷни аӷныӷни иляңита югыт пыхлъықа̄т ухпықилъыҳтың Христосыкун. Таўатын пилъықут қаюҳлъяк қа̄ткылъықыхкаңит иқлъыңалӷӣт туӷныӷа̄т, апыҳтӯсӣтлъю.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Иоанна 2:20

Иўырңа лъпыси, Христосым кӯвыхкақӣси Аглыӷналӷӣгның Таӷныӷагның ынка̄м қамахлъюси лӣсимакаҳси ипапиҳқылъық.

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.

Откровение 1:1

Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 2:24

Иўырңа иляхпыси Фиатирами, малихтылъҳитаси Иезавелым сыӷлыӷыт апыҳтуӷилъҳи. Лӣтылъҳитасилъю Туӷныӷа̄м аксяқумта̄ҳлъяги. Тама̄кын апалъюқлъюку қылӷатаӷаӷна̄нӷитамси,