1е Коринфянам 15:54 - Новый Завет на эскимосском языке

⁵⁴ Ынка̄м Акузитни Игақыхкани игақыхкақ апыӷӣҳлъықуқ: «Туқулъық на̄фқуқ; кая̄лъқӣлъық ӣӷўиҳтуқ!»

1е Коринфянам 15:54 Iomraidhean Croise

От Луки 20:36

Таўани уңувалъыӷми яқулгыстун аюқсяҳқа̄гут туқуна̄нӷитут. Авақутақӣ Кияӷныӷым, қаюҳлъяк туқулъыӷмың уңуваҳтыка̄гут.

К Римлянам 1:23

Ынка̄м манигуҳпына̄н Кияӷнық туқуяҳқаҳа̄нӷилңуқ, йыӷлыги манигуӷақӣт кияӷныңлъяқатың юхсюгнилңӯт, қаўа̄хсюгнилңӯт, тыӷикусяҳсюгнилңӯт, налиӷмың нымыӷьяҳсюгнилңӯт.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

К Римлянам 6:12

Тама̄кын апалъюқлъюку сыӷлыҳқылъыӷмун иглықатақыстыхпынаки югусиси туқукаюгыт. Сыӷлыҳқылъҳым иглықатақыхкаки югусиси, қа̄ткысюхлъықаси югусиҳпыси сыӷлыҳқыңъалӷӣт пиюкылъҳи.

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

2е Коринфянам 4:11

Уңуваңулюта ӣўлың якуӷналъҳанитукут туқулъҳым апалъюқлъюку Иисус, ысҳӣсқылъюку Иисусым уңувалъҳа югусимнъи туқукаюгни.

2е Коринфянам 5:4

Югусипут хижинастун аюқут. Хижинамылъюта ңилъыхтақукутлъю, сыӷлылӣҳтукутлъю қаюҳлъяк матаҳсюгигалъкыпут. Итупилъ симиӷьюгақапут югусинун туқуңигалңуӷнун.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

Откровение 20:14

Та̄хкын Туқулъықлъю, Адылъю милю̄тахкыт на̄йвам кынӷанун. На̄йвам кынӷа тӯңлиқа̄ туқулъҳым.

Откровение 21:4

Қуниңиҳлъықӣ қамахлъюки. Туқуңӣлъықа̄, қивӷуңӣлъықа̄, қияңӣлъықа̄, талўа ақниҳқыңъӣлъықа̄ қаюҳлъяк тама̄кут атуқсяқаңит атуқнаниҳлъықӣт».