1е Коринфянам 15:3 - Новый Завет на эскимосском языке

³ Апыҳтуқақамси апыҳтӯсяқыхкамың хўаңамнун. Та̄кут ухпықсяҳқақаси: Христосым туқуткыхкақӣ сыӷлыҳқылъыпут, катам Акузитыт Игақыхкат пинақнилъҳистун.

1е Коринфянам 15:3 Iomraidhean Croise

От Матфея 26:24

Ипапыста̄қ Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Матфея 26:28

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

От Луки 24:25

Та̄хкын Иисусым пики: «Налъюҳагуси югыгни! Пияқнаҳалык ухпықинақылъыҳтык ӯкналиқистыт акузиткыхкӣтның.

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

Деяния 17:2

Павел пӣкылъыӷмитун синагогамун пикақ. Пиңаюни Субботани Павелым лӣгикыснақуткыхкӣ югыт Христосымың Акузитытхун Игақыхкатхун.

Деяния 8:32

Евнухым атиҳтуӷақыфтӣ Кияӷныӷым акузитаңи хўатын пилӷӣт: «Пынъӣӷыт туқусяҳтунӷистың қалӷӣгатут, пынъӣӷаӷа̄тлъю қигунӷистың қалӷӣгатут, таўатыҳпигақ лъңалъю сямың пӣҳсимаңилңуқ.

К Римлянам 3:25

Кияӷныӷым тӯныхкақа̄ Иисус аҳқутңулюку сыӷлыҳқылъыӷнун. Ынка̄м Иисусым а̄ўакун сыӷывутақӣ югыт сыӷлыҳқылъҳит ухпықиңалӷӣт лъңакун. Таўатын лӣгикыстыкақа̄ ылъқуӷутңанилюни. Сивунӷани агани Кияӷныӷым нуқытуткақӣ югыт ынка̄м ныпӣӷуткақӣ сыӷлыҳқылъҳит.

К Римлянам 4:25

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

1е Коринфянам 11:2

Усюқамси нықамикыхкыфсиңа, атуқыхкысилъю апыҳтӯсянка.

1е Коринфянам 11:23

Сяңўа̄ лӣткақа Атаныӷмың апыҳтӯсяқақақа лъпысинун. Атанӷым Иисусым иӷивгаӷми таўани увыҳпагутылъыҳқамини тугука̄ нықыкшаңлъяқ.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 3:13

Ынка̄м Кияӷныӷым нанқихтыкақӣлъю аӷью̄ӷналюта апалъюқлъюки Лӣлиҳтӯсят, иўырңа Христосым навыҳқылъикақӣлъю нанқихлъыҳқамнъың тугулъыӷмикун аӷью̄лъыҳқаҳпут. Қаюҳлъяк Акузитыт Игақыхкат пика̄гут: «Нанқихтыка̄гуқ аӷью̄ӷьяҳқа̄люни тамаҳаӷми агаҳтыкақ уқфихкун».

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Евреям 5:1

Тамаҳа̄н первосвященнига Кияӷныӷым накмикыхкақа̄ юлгутаңаның. Кияӷныӷмун агляӷақуқ югыт апалъюқлъюки тӯналюки тунусӣт аҳқыша̄ӷунъалюкилъю сыӷлыҳқылъҳитнун.

К Евреям 5:3

Қаюҳлъяк кая̄лъиқыхкаюгутминың, первосвященнига аҳқыша̄ӷьяҳқа̄гуқ лъми катам сыӷлыҳқылъыӷминун, сыӷлыҳқылъҳитнунлъю югыт.

1е Петра 1:11

Таӷныӷакык Христосым ӯкналиқистыт илюңитнитка̄гук. Уңипа̄тыкыстақақӣ икфиқылъыҳқа̄ның Христосым, қӯлвалъыңылъыҳқаҳлъяганыңлъю икфиқылъҳан киңуңаның. Ынка̄м ӯкналиқистыт лӣгикнақуткыхкақа̄т кинаңуяҳқа̄таңа Христос, қакунлъю тама̄кут пияҳқа̄таңи.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.