1е Коринфянам 14:6 - Новый Завет на эскимосском языке

⁶ Ухпықа̄лгутымни, лъпысинун пилюңа алыҳқуӷьяқумси алъястун улюстун лӣгиксяҳқақынӷилъкыхпысигун натынңам каюсӣнъаяӷамси? Иўырңа апыҳтуӷьяқумси Кияӷныӷым кылгутка̄ның хўаңамнун, налиӷмың уңипа̄сяқумси сямың лӣткамның, налиӷмың ӯкналиқуткысяқумкун Кияӷныӷым сялъыҳқа̄, налиӷмың апыҳтуӷьяқумси ипапиҳқылъыӷмың ынңа̄талъ каюсӣнъаяӷамси.

1е Коринфянам 14:6 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Матфея 16:26

Сяңўа̄ңам югым пиниҳқусиқылъықагу пилӣлъюку нунаҳлъяк, ифлъякумигу уңувасигни? Та̄ўа аваңитуқ выҳтусиҳқамың уңувасигминун.

Деяния 2:42

Ухпықат ӣўлың қырңуӷутңулӷӣт лӣнъалютың апостолымың. Христосыкун аңлыгуткулъҳӣстун кияҳта̄ӷыт, ныӷақылӷӣт, юӷаӷақылӷӣт қырңаӷмың.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

1е Коринфянам 14:1

Пиниқылъыңьюгатаӷаӷьяҳқа̄гуси пакихулъюку сямың тамаҳа̄ның. Иўырңа пиюкитыкилъю Аглыӷналӷӣм Таӷныӷам тунусӣ, ўата пиюксяҳқақаҳси уңипақилъық Кияӷныӷым уңипа̄мың.

1е Коринфянам 14:7

Свирелытлъю, гуслитлъю сыӷлытун қалӷиҳтыкуйык китум алңунак лӣгикна̄нӷита̄ сяңўа̄ иляга̄н атуӷақутаңа.

2е Коринфянам 11:6

Акузилъхитыӷңа̄ӷма, лӣсимаҳлъяхтуңа. Угляӷңа̄н лӣгикыстақамси лӣсималъымның.

2е Коринфянам 12:1

Қука̄юхсяҳқа̄гуңа, аныӷныҳқусӣнӷитыӷңа̄н. Паниның уңипа̄нъақамси ысҳаӷўа̄лъымның, Атанӷымлъю алӣҳқуқа̄ның хўаңамнун.

2е Коринфянам 12:7

Кияӷныӷым алӣҳтыкақыӷңа̄ки хўаңамнун угля̄пихлъыӷӣт сяңўа̄т қилягми, қука̄юхтыстысюнӷита̄ңа. Ынка̄м Кияӷныӷым қусывыхтысқылъюңа сикуҳлъюңыста̄ңа югусимкун. Та̄на сикуҳлъюк уңипаҳтыңӯқ Туӷныӷаӷмың. Та̄м икфиқыста̄ңа қусывыгңасқылъюңа.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 3:4

Атиҳтуқуфсигу письмоткыхкақа лӣлъықаҳси лӣгикылъқа қайвиҳтылъҳилңуқ успықылъық Христосымың аюқылӷӣ.

К Филиппийцам 3:15

Таўатын сюмыҳтаӷанӷилъкуфси, Кияӷныӷым лӣгикысна̄ӷӣ сюмыҳтаӷалъыси анахутңалӷӣт.

2е Тимофею 2:14

Китумун алңунак пуйгустыхпынаки тама̄кут. Кияӷныӷым нагасиманӷани, кылыңася̄ҳқи қаниқутуткыфқӣта акузитыт писқылъюки. Қаниқутылъҳат каютңуна̄нӷитуқ, на̄фқыңъинаҳлъықа̄т ухпықилъҳат нагалъҳӣт.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

2е Тимофею 3:16

Қамахлъютың Акузитыт Игақыхкат Кияӷныӷым аныӷзӣлъқӣ. Ынка̄м апыҳтуӷисиҳқа̄гут, аӷью̄ӷусиҳқа̄гут, налъҳуся̄сиҳқа̄гут анахутылъыӷмун, апыҳтуӷисиҳқа̄гутлъю пинитун кияҳта̄лъыҳқамун.

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

2е Петра 1:5

Кияӷныӷым наңаӷнылиткақутаңаның лъпыси, та̄куңинаҳа̄гның пинақылъҳаҳси қамахлъюку илятыки укут ухпықилъыҳпысинун: ухпықилъыҳпысинун илятыху пинилъық, пинилъыҳпысинун илятыху лӣсималъық,

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

2е Иоанна 1:9

Китум алңунак қа̄сҳускумики апыҳтӯсӣ Христосым Кияӷнық лъңанинъыӷитуқ. Иўырңа китум алңунак атуқумаңинақумики апыҳтӯсӣ Христосым, Атаңалъю, Иӷныӷалъю лъңанитук.