1е Коринфянам 14:4 - Новый Завет на эскимосском языке

⁴ Ю̄к акузикаюк алъястун улюстун каюсӣткаюгӯқ лъңаның катам, иўырңа ю̄к уңипақикаюк Кияӷныӷым уңипа̄мың каюсиӷикаюгӯқ ухпықаның.

1е Коринфянам 14:4 Iomraidhean Croise

От Марка 16:17

Ухпықат алъя̄ҳлъюхўаҳтилъықут лӣгикысқылъюку аҳтуӷьяҳқа̄нӷилъыҳтың Кияӷныӷмың пиңутаңа. Ынка̄м атымкун а̄нысқуҳлъықӣт туӷныӷа̄т югның; акузилъықут алъястун улюстун;

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

1е Коринфянам 12:10

Таӷныӷам тӯныхкақӣ иляңи югыт алъя̄ҳлъюхўаҳтисиҳқамың. Иляңан югым тугуклъиқақа̄ уңипақилъыҳқақ Кияӷныӷым уңипа̄мың. Иляңан югым тугуклъиқақа̄ лӣгикилъыҳқақ Аглыӷналӷӣм Таӷныӷам налиӷмың туӷныӷа̄т иглыӷутңутаңа кина. Аглыӷналӷӣм Таӷныӷам акузистақӣ иляңи югыт алъя̄ҳӣнакун улюкун. Ынка̄м иляңитнун мумиҳқуҳтыстақӣ акузилъҳыт.

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

1е Коринфянам 13:1

Акузикаюгуяӷңа̄ӷма югытлъю, яқулгытлъю акузилъҳистун, тымңи тыңъа̄хтаҳлъықуңа налиӷмың лыңа̄ҳтаҳлъықуңа пиниқинӷилъкума.

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 14:12

Ынка̄ңам лъпыси, тунусяңьюпихтыкуфси Аглыӷналӷӣм Таӷныӷам тунуся̄мың, туңсиҳтык каюткаҳқамың ухпықанун.

1е Коринфянам 14:22

Ынка̄м тунуся̄ акузилъҳым алъястун улюстун ипапиҳқусӣгуқ ухпықиңигалңуӷнун, нака̄н ухпықикаюгнун. Уңипақилъық ухпықилӷӣнун аюқуқ, нака̄н ухпықиңигалңуӷнун.

1е Коринфянам 14:26

Ухпықа̄лгутымни, уната апыҳтӯсяқнақуткақыхкыхка. Қырңуӷунъыҳпысини манигӯнъалюси иляси илягаӷақна̄ҳтут, кина апыҳтуӷӣқылъықуқ, налиӷмың налиҳси уңипаҳлъықуқ Кияӷныӷым уңипақысқыхка̄ның, налиӷмың налиҳси акузилъықуқ алъястун улюстун, налиҳпыси мумиҳқуҳлъықӣ. Ухпықат ухпылъҳитнун икнақуӷусӣлит қамахлъютың.

1е Коринфянам 14:3

Иўырңа ю̄к тунусялык уңипақилъыӷмың Кияӷныӷым уңипа̄мың акузикаюгӯқ югнун. Акузитаңи каюсиӷикаюгӯт, кайымикаюгӯт, илютуҳсяӷикаюгӯт югнун.

1е Коринфянам 14:5

Қамахлъюси пиюкақсяӷамси акузисқылъюси алъястун улюстун, иўырңа ўатақа̄ӷақтуқ тунусялгулӷӣси уңипақсяҳқа̄люки Кияӷныӷым уңипӣ. Тама̄кут уңипақикаюгыт а̄ңатаӷаҳтут акузикаюгның алъястун улюстун. Акузикаюгыт алъястун улюстун мумиҳқуҳтылгуяҳқа̄гут каюсӣтысқылъюки ухпықат.