1е Коринфянам 14:2 - Новый Завет на эскимосском языке

² Ю̄к акузиныӷмини алъястун улюстун алыҳқуӷақа̄ Кияӷнық. Югыт алыҳқӣгатӣ қаюҳлъяк лӣгикна̄ӷита̄т. Акузӣқуқ аҳтуӷьяҳқа̄нӷилъҳакун Аглыӷналӷӣм Таӷныӷам югым налъюкыхка̄ның.

1е Коринфянам 14:2 Iomraidhean Croise

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Марка 16:17

Ухпықат алъя̄ҳлъюхўаҳтилъықут лӣгикысқылъюку аҳтуӷьяҳқа̄нӷилъыҳтың Кияӷныӷмың пиңутаңа. Ынка̄м атымкун а̄нысқуҳлъықӣт туӷныӷа̄т югның; акузилъықут алъястун улюстун;

От Марка 4:11

Иисусым пикӣ: «Лъпысинун Кияӷныӷым лӣгикыста̄ талюӷңалӷӣ ипапиҳқылъҳа Атаныҳпагулъҳым. Сивунӷани лӣтысимаңисяӷа̄. Иўырңа тама̄кут иқитңалӷӣт Кияӷныӷым Атаныҳпагулъҳаның нагақуӷақут сямың тамаҳа̄ның уңипаӷа̄тытхун.

Деяния 19:6

Павелым ся̄фсяқминики Аглыӷналӷӣк Таӷныӷак ӣтқак лъңитнун. Та̄хкын акузикат алъя̄ҳӣна̄стун улюстун, ӯкналиқумаӷмыңлъю пикат.

Деяния 22:9

Тама̄кут иглыӷалгутма ысҳақақа̄т ниӷук иўырңа алыҳқуҳтыма мыңа нагақӯмаңита̄т.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

1е Коринфянам 12:10

Таӷныӷам тӯныхкақӣ иляңи югыт алъя̄ҳлъюхўаҳтисиҳқамың. Иляңан югым тугуклъиқақа̄ уңипақилъыҳқақ Кияӷныӷым уңипа̄мың. Иляңан югым тугуклъиқақа̄ лӣгикилъыҳқақ Аглыӷналӷӣм Таӷныӷам налиӷмың туӷныӷа̄т иглыӷутңутаңа кина. Аглыӷналӷӣм Таӷныӷам акузистақӣ иляңи югыт алъя̄ҳӣнакун улюкун. Ынка̄м иляңитнун мумиҳқуҳтыстақӣ акузилъҳыт.

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

1е Коринфянам 13:1

Акузикаюгуяӷңа̄ӷма югытлъю, яқулгытлъю акузилъҳистун, тымңи тыңъа̄хтаҳлъықуңа налиӷмың лыңа̄ҳтаҳлъықуңа пиниқинӷилъкума.

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 14:16

Қаюҳлъяк таӷныӷахпыгун усюқыхкувгу Кияӷнық алъястун улюстун, натынңам лӣгикигалңӯм усюқилгусиҳлъықатын Кияӷныӷмун игамсиқаюлъыҳпының? Налъюка̄ сямың пӣқсин.

1е Коринфянам 14:26

Ухпықа̄лгутымни, уната апыҳтӯсяқнақуткақыхкыхка. Қырңуӷунъыҳпысини манигӯнъалюси иляси илягаӷақна̄ҳтут, кина апыҳтуӷӣқылъықуқ, налиӷмың налиҳси уңипаҳлъықуқ Кияӷныӷым уңипақысқыхка̄ның, налиӷмың налиҳси акузилъықуқ алъястун улюстун, налиҳпыси мумиҳқуҳлъықӣ. Ухпықат ухпылъҳитнун икнақуӷусӣлит қамахлъютың.

1е Коринфянам 15:51

Уңипа̄таҳлъямси қайвиҳсимаңилңуӷмың: қамахлъюта туқуна̄нӷитукут, иўырңа қамахлъюта алъяңуҳсяҳқа̄гукут,

1е Коринфянам 2:10

Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

1е Коринфянам 2:7

Пыҳқинылъық апыҳтӯсяқа Кияӷныӷым пыҳқинылъқа̄, налъюка̄т югыт. Югыт налъюкңўа̄ӷьяқаңат та̄на пыҳқинылъық кынляңа Кияӷныӷым лӣтыстылъҳанун. Талўа нунаңлъя̄маңилъюни Кияӷныӷым усюқсяҳқа̄люта пикақӣлъю пыҳқинылъыӷмикун.

К Ефесянам 6:19

Хўаңалъю юӷа̄ткитыңъа Кияӷныӷмун акузитылитысқылъюңа. Та̄хкын тытухпынаңа апыҳлъықақа сяңўа̄ Кияӷныӷым сялин лӣгикыстылъҳилъкаңа Пинилӷӣның Уңипаның аюқылӷӣ.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

1е Тимофею 3:9

Пыхсяҳқақынӷитӣт апыҳтӯсят Кияӷныӷым қайвиҳқыхкӣ, умьюгӣтлъю сыӷлыӷьюгисяҳқа̄гут.

Откровение 10:7

Иўырңа ма̄ӷраӷвинлӣтаңита яқулгым қалӷиҳнақыхкумигу қалӷиҳта̄тни, та̄ўа Кияӷныӷым апыӷӣҳлъықа̄ ухпықилъыни қайвиҳсимаңилъкынъи сивунӷани. Ухпықилъҳа ата̄сӣгуқ а̄пқа̄ қыпҳаҳтыминун ӯкналиқистынун».