1е Коринфянам 13:9 - Новый Завет на эскимосском языке

⁹ Қаюҳлъяк тунусяхпут лӣсималъықлъю, ӯкналиқылъықлъю ӣӷўинъыӷилңӯк.

1е Коринфянам 13:9 Iomraidhean Croise

От Матфея 11:27

Атама тагивақақа̄ сяңўа̄ қамахтыңъўа̄ӷлюку. Китум алңунак налъюка̄ Иӷнық, иўырңақун Атам. Китум алңунак налъюка̄ Ата, иўырңақун Иӷныӷым, ынка̄м Иӷныӷым накмикыхкаминун лӣтыслъықа̄ Ата.

К Римлянам 11:34

Катам Акузитни Игақыхкани игақңалӷӣ: «Китум лӣсимакакык умьюгакык Атанӷым? Китумңам алыҳқуҳлъықагу апақунъалюку?

1е Коринфянам 13:10

Иўырңа ӣӷўилңуқ ка̄скан, қамахлъютың ӣӷўинъыӷилңӯт авӣӷуҳсяҳқа̄гут.

1е Коринфянам 13:12

Лӣгикылъыҳпут Кияӷныӷмың ӣӷўинъыӷитуқ, катам таўатытуқ ысҳалӷӣстун таӷныӷаҳқӯтылюхкун. Қакуқа̄қун лӣгикңўа̄ӷьяҳқаҳпут Кияӷнық қаюҳлъяк ысҳаҳлъықаҳпут хинасяҳқуӷлюку. Ма̄тын лӣсималъқа ӣӷўинъыӷитуқ. Иляңани аӷныӷым лӣсималъқа ӣӷўиӷьяҳқа̄гуқ катам таўатын Кияӷныӷым лӣсимакңўа̄қаңаңа ӣӷўиӷма.

1е Коринфянам 2:9

Игақыхкани Акузитни игақыхка̄гуқ: «Тама̄кут ийым ысҳамаңилъкаңи, тама̄кут сигутым нагақӯмаңилъкаңи, тама̄кут умьюгам сюмыҳтаӷа̄ткумаңилъкаңи. Кияӷныӷым ята̄ҳқыхкақӣ пиниқистыминун».

1е Коринфянам 8:2

Ю̄к пилъхуюгнық, ысҳаҳу та̄на паниның лӣсяҳқаҳтуқақ.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.