1е Коринфянам 13:13 - Новый Завет на эскимосском языке

¹³ Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

1е Коринфянам 13:13 Iomraidhean Croise

От Луки 10:27

Югым кӣмсиқа̄: « “Пиниқсяҳқақан Атанық Кияӷныӷын, қамахлъюку илюхпыгун, қамахлъюку уңувасиҳпыгун, қамахлъюку икнақылъыҳпыгун, қамахлъюку умьюгаҳпыгун”. Ынка̄м: “Пиниқсяҳқақан юлгутын лъпынун катам пиниқылъыҳпытун”».

От Луки 22:32

Иўырңа юӷа̄ткума̄мкын Симон, ухпықилъҳын пыхтыфқа̄н писқылъюку. Ынка̄м ухпықынқихтыкувңа, икнақуҳсяӷьяҳқақатын малихся̄ҳтылгутыхпык ухпықилъҳитнын».

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

1е Коринфянам 14:1

Пиниқылъыңьюгатаӷаӷьяҳқа̄гуси пакихулъюку сямың тамаҳа̄ның. Иўырңа пиюкитыкилъю Аглыӷналӷӣм Таӷныӷам тунусӣ, ўата пиюксяҳқақаҳси уңипақилъық Кияӷныӷым уңипа̄мың.

1е Коринфянам 16:14

Пиниқылъыҳқун пӣқитыху сяңўа̄ тамаҳа̄н.

1е Коринфянам 3:14

Сяңўа̄ югым атуқыхка̄ куманӷилъкуни, акилыҳтӯсяңьяҳқа̄гуқ.

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Коринфянам 8:3

Иўырңа Кияӷныӷым пиниқистыни хўатын пияҳқақӣ: «Хўаңа пиканка».

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Филиппийцам 1:9

Юӷа̄ткақамси пиниқиҳлъягысқылъюси, лӣсималъыңатаӷӣсқылъюси, лӣгикылъыңатаӷӣсқылъюсилъю.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

К Колоссянам 3:14

Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

2е Тимофею 1:7

Кияӷныӷым таӷныӷалитылъҳитӣлъю алиңьюгналӷӣмың. Итупилъ Таӷныӷахкынка имиқақӣлъю аҳтуӷьяҳқа̄нӷилъыӷмың, пиниқылъыӷмың, нуқытылъыӷмыңлъю.

К Евреям 10:35

Ынка̄ңам ӣлъқаюхпынаси қаюҳлъяк илютумаңинақуфси алъхыӷулъықуси акилыҳтӯсяҳлъягмың.

К Евреям 10:39

Иўырңа хўаңкута пыхтикастун ухпықилъыӷмыхның аюқынӷитукут, на̄фқылъыңьяҳқастун. Иўырңа ухпықилъылгӯкут ынка̄м уңувасипут югулика̄гут.

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

К Евреям 6:19

Та̄на сиӷималъық уйӷӣтңӯқ уңувасимнъун, пақнанӣӷутыстӣлъюлъю, айыпсюгитыстӣлъюлъю. Та̄на сиӷималъық итыҳтуқ аглыӷналъыҳпигаӷмун нымун сяфка̄ӷутым аўатаңанилңуӷмун.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Иоанна 2:10

Китум алңунак пиниқыхкумигу ухпықа̄лгутни ниӷугми кияҳтыңъӯқ, ниӷугмытутминың на̄хтусиҳқӣтуқ.

1е Иоанна 2:14

Атани, письмоӷақамси қаюҳлъяк лӣсимакыхкыси лъңа има пӣнлиӷьюхўа̄лъыӷмың аюқылӷӣ. Нукалъпигани, письмоӷақамси қаюҳлъяк икнақылӷӣси, акузитаңилъю Кияӷныӷым илюхпысинилңӯт, кая̄лъқыхкақыхкысилъю Туӷныӷақ.

1е Иоанна 2:24

Ынка̄ңам ӣўлың нықамиклъюку апыҳтӯсяқ, апыҳтӯсяқыхкақ лъпысинун ухпыӷьюхўа̄лъыҳпысиның има. Атуқумаңинақуфсигу нагақуқаҳси та̄ўа ӣўлың Иӷныӷмылъықусилъю, Атамылъықусилъю.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.

1е Иоанна 3:9

Кина алңунак таӷнуҳа̄ Кияӷныӷым сыӷлыҳқумаңинӣгатуқ қаюҳлъяк Кияӷныӷым наңаӷныӷа лъңанилңуқ; қаюҳлъяклъю Кияӷнық Атакыхкаңа, ынка̄м сыӷлыҳқумаңинаӷна̄нӷитуқ.