1е Коринфянам 13:12 - Новый Завет на эскимосском языке

¹² Лӣгикылъыҳпут Кияӷныӷмың ӣӷўинъыӷитуқ, катам таўатытуқ ысҳалӷӣстун таӷныӷаҳқӯтылюхкун. Қакуқа̄қун лӣгикңўа̄ӷьяҳқаҳпут Кияӷнық қаюҳлъяк ысҳаҳлъықаҳпут хинасяҳқуӷлюку. Ма̄тын лӣсималъқа ӣӷўинъыӷитуқ. Иляңани аӷныӷым лӣсималъқа ӣӷўиӷьяҳқа̄гуқ катам таўатын Кияӷныӷым лӣсимакңўа̄қаңаңа ӣӷўиӷма.

1е Коринфянам 13:12 Iomraidhean Croise

От Матфея 18:10

Ўатаҳлъяк, укалиқыхпынаки налиҳӣнӣт укут мыкыстаҳа̄т. Уңипа̄тамси, қилягми яқулгита қӯнпың Атама қилягмылңӯм хина̄ ысҳаӷақа̄т.

От Матфея 5:8

Тама̄кут умьюгақыхтат қуястылъылгӯт, қаюҳлъяк ысҳаӷьяҳқақа̄т Кияӷнық.

К Римлянам 8:18

Сюмымни икфиқылъыпут уңувалъымнъи иңлютыпагниңитут ниӷуҳқылъыӷмун Кияӷныӷым алӣҳсяҳқа̄нун хўаңкунъун.

1е Коринфянам 13:11

Таӷнуҳа̄люңа акузикаюгуяҳтуңа, сюмыҳтаӷақаюгуяҳтуңа, лӣгикыхкаюгуяҳтуңа таӷнуҳаӷыстун, иўырңа югуҳсялӷӣңа таӷнуҳаӷыстун пинаниҳтуңа.

1е Коринфянам 8:3

Иўырңа Кияӷныӷым пиниқистыни хўатын пияҳқақӣ: «Хўаңа пиканка».

2е Коринфянам 3:18

Қамахтыңъўа̄ӷлюта ся̄путаңунаки хинапут ысҳаҳлъықаҳпут ниӷуҳқылъҳа Атанӷым. Та̄на ата̄сиқ ниӷуҳқылъық тагилӷӣ Атаныӷмың Таӷныӷа̄гуқ, алъяңуҳтӣлъю лъңасюгниҳтысқылъюта а̄ңатаӷаӷлюку ниӷуҳқылъыӷмың.

2е Коринфянам 5:7

Кияҳтыңъӯкут ухпықилъыҳқун, нака̄н ысҳақаюмтыхун.

К Филиппийцам 3:12

Хўатын пиңунӷитуңа: «Христосытун лъӣӷума̄ңа налиӷмың Христосытун кияҳтақуңа қӯнпың». Иўырңа пинақылъҳақа қамахлъюку атуқңўа̄қа Христосым пиюкылъҳатун лъӣӷналюңа атуқналюкулъю писқысюлъҳа хўаңамнун.

От Иакова 1:23

Ю̄к нагатаӷыснақуми Кияӷныӷым акузитаңаның атуқыхпынаки, таӷныӷаҳқулӷӣстун аюқуқ

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.

Откровение 22:4

Хина̄ ысҳаҳлъықа̄т, а̄тҳалъю қаўӣтхун игақңалъықуқ.