1е Коринфянам 13:1 - Новый Завет на эскимосском языке

¹ Акузикаюгуяӷңа̄ӷма югытлъю, яқулгытлъю акузилъҳистун, тымңи тыңъа̄хтаҳлъықуңа налиӷмың лыңа̄ҳтаҳлъықуңа пиниқинӷилъкума.

1е Коринфянам 13:1 Iomraidhean Croise

От Матфея 25:45

Та̄хкын Умӣлгым кӣмсиҳлъықӣ: “Ипапыста̄қ уңипа̄тамси, таўатын пинӷитылъыҳпысистун налиҳӣнӣтнун укут укалиҳпига̄т, хўаңа пинӷитақаҳпысиңа”.

От Марка 16:17

Ухпықат алъя̄ҳлъюхўаҳтилъықут лӣгикысқылъюку аҳтуӷьяҳқа̄нӷилъыҳтың Кияӷныӷмың пиңутаңа. Ынка̄м атымкун а̄нысқуҳлъықӣт туӷныӷа̄т югның; акузилъықут алъястун улюстун;

К Римлянам 14:15

Ухпықа̄лгутын унӣӷмиқумакан сямың ныӷыхкаҳпының, та̄ўа пиниқнанӣма̄н. Ныӷыхкаҳпынун на̄фқыстыхпына̄н ухпықилъҳа Христосым туқуматкыхка̄.

1е Коринфянам 12:10

Таӷныӷам тӯныхкақӣ иляңи югыт алъя̄ҳлъюхўаҳтисиҳқамың. Иляңан югым тугуклъиқақа̄ уңипақилъыҳқақ Кияӷныӷым уңипа̄мың. Иляңан югым тугуклъиқақа̄ лӣгикилъыҳқақ Аглыӷналӷӣм Таӷныӷам налиӷмың туӷныӷа̄т иглыӷутңутаңа кина. Аглыӷналӷӣм Таӷныӷам акузистақӣ иляңи югыт алъя̄ҳӣнакун улюкун. Ынка̄м иляңитнун мумиҳқуҳтыстақӣ акузилъҳыт.

1е Коринфянам 12:16

Сигута хўатын пиӷңа̄ӷми: «Ӣйңунӷитуңа, югусим пикынӷита̄ңа». Та̄қна̄нӷитңўа̄ҳтуқ югусимынъыӷмың.

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 13:8

Пиниқылъық кынлыңилңуқ. Ӯкналиқылъҳыт кынлытҳӯсяҳқа̄гут; алъястун акузилъҳыт та̄қсяҳқа̄гут; лӣсималъық кынлытҳӯсяҳқа̄гуқ.

1е Коринфянам 14:2

Ю̄к акузиныӷмини алъястун улюстун алыҳқуӷақа̄ Кияӷнық. Югыт алыҳқӣгатӣ қаюҳлъяк лӣгикна̄ӷита̄т. Акузӣқуқ аҳтуӷьяҳқа̄нӷилъҳакун Аглыӷналӷӣм Таӷныӷам югым налъюкыхка̄ның.

1е Коринфянам 14:4

Ю̄к акузикаюк алъястун улюстун каюсӣткаюгӯқ лъңаның катам, иўырңа ю̄к уңипақикаюк Кияӷныӷым уңипа̄мың каюсиӷикаюгӯқ ухпықаның.

1е Коринфянам 14:5

Қамахлъюси пиюкақсяӷамси акузисқылъюси алъястун улюстун, иўырңа ўатақа̄ӷақтуқ тунусялгулӷӣси уңипақсяҳқа̄люки Кияӷныӷым уңипӣ. Тама̄кут уңипақикаюгыт а̄ңатаӷаҳтут акузикаюгның алъястун улюстун. Акузикаюгыт алъястун улюстун мумиҳқуҳтылгуяҳқа̄гут каюсӣтысқылъюки ухпықат.

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

2е Коринфянам 12:4

Таўани нагаткақӣ сяңўа̄т апыӷьяҳқа̄нӷилңӯт. Тама̄кут ӣнӷутка̄гут югмун акузиткысяҳқа̄лютың.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

1е Петра 4:8

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

Откровение 14:2

Нагақуӷақалъю ма қилягмың. Нагатка̄люни лъяңақа қалъяңатун мыҳлъягыт, тыңъа̄гатунлъю калъюгым. Нагаткақа ма лъяңақа гуслистыт айңанаңалъҳӣстун гуслитхун аюқылӷӣ.