1е Коринфянам 12:8 - Новый Завет на эскимосском языке

⁸ Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 12:8 Iomraidhean Croise

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

Деяния 6:3

Ухпықа̄лгутымнъи, тама̄кын апалъюқлъюку накмикитыки ма̄ӷраӷвинлык ю̄к пинилӷӣ, Аглыӷналӷӣгның Таӷныӷагның имиӷңалӷӣт, пыҳқинылӷӣт, уйыхтистыңлъяҳлъықапут.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

1е Коринфянам 1:30

Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.

1е Коринфянам 1:5

Ынка̄м лъңакун аклъюңиӷика̄гуси лӣгикылъыӷмыңлъю, акузилъыӷмыңлъю. Ынка̄м ма̄тын лӣгикатаӷаҳлъықаҳси Христос, акузиткатаӷаҳлъықаҳсилъю Атанық.

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 13:8

Пиниқылъық кынлыңилңуқ. Ӯкналиқылъҳыт кынлытҳӯсяҳқа̄гут; алъястун акузилъҳыт та̄қсяҳқа̄гут; лӣсималъық кынлытҳӯсяҳқа̄гуқ.

1е Коринфянам 14:26

Ухпықа̄лгутымни, уната апыҳтӯсяқнақуткақыхкыхка. Қырңуӷунъыҳпысини манигӯнъалюси иляси илягаӷақна̄ҳтут, кина апыҳтуӷӣқылъықуқ, налиӷмың налиҳси уңипаҳлъықуқ Кияӷныӷым уңипақысқыхка̄ның, налиӷмың налиҳси акузилъықуқ алъястун улюстун, налиҳпыси мумиҳқуҳлъықӣ. Ухпықат ухпылъҳитнун икнақуӷусӣлит қамахлъютың.

1е Коринфянам 14:6

Ухпықа̄лгутымни, лъпысинун пилюңа алыҳқуӷьяқумси алъястун улюстун лӣгиксяҳқақынӷилъкыхпысигун натынңам каюсӣнъаяӷамси? Иўырңа апыҳтуӷьяқумси Кияӷныӷым кылгутка̄ның хўаңамнун, налиӷмың уңипа̄сяқумси сямың лӣткамның, налиӷмың ӯкналиқуткысяқумкун Кияӷныӷым сялъыҳқа̄, налиӷмың апыҳтуӷьяқумси ипапиҳқылъыӷмың ынңа̄талъ каюсӣнъаяӷамси.

1е Коринфянам 2:11

Югым сюмыҳтаӷалъҳа китум алңунак налъюка̄ иўырңақун лъңан катам таӷныӷахкынка. Таўатыҳпигақ Кияӷныӷым сюмыҳтаӷалъҳа китум алңунак налъюка̄ иўырңақун лъңан катам Таӷныӷахкынка.

1е Коринфянам 2:16

Акузитыт Игақыхкат пилъҳистун: «Китум алңунак налъюка̄ Атанӷым сюмыҳтаӷалъҳа. Ынка̄м китум алңунак лӣлиҳтуӷна̄нӷита̄». Иўырңа хўаңкута ухпықани сюмыҳтаӷаӷақукут Христосым сюмыҳтаӷалъҳатун.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 11:6

Акузилъхитыӷңа̄ӷма, лӣсимаҳлъяхтуңа. Угляӷңа̄н лӣгикыстақамси лӣсималъымның.

2е Коринфянам 2:14

Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

2е Коринфянам 8:7

Сялъыҳпысигун тамаҳа̄кун пинитун пӣқуси: ухпықилъыҳпысигун, акузилъыҳпысигун, лӣсималъыҳпысигун, каюсиӷиюкысталъыҳпысигун, пиниқилъыҳпысигунлъю хўаңкунъун. Ма̄тымилъю пинитун пӣқитык тӯнилъыҳпысигун.