1е Коринфянам 12:2 - Новый Завет на эскимосском языке

² Нықамикаҳси сялин ухпылъҳилъюси манигӯтыста̄тақақыхкаңиси кияӷныңлъяқанун акузиңигалңуӷнун. А̄ҳқутақыстыка̄лӷӣси.

1е Коринфянам 12:2 Iomraidhean Croise

От Матфея 15:14

Авылӷақӣнаӷлюки Фарисеит! Ая̄кастун маӷьяҳқуӷӣқут. Югым ая̄кам иляңа ая̄кақ таслъюқумигу, ля̄гўа̄ӷмун калыфкахта̄лъықук».

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

К Галатам 4:8

Сивунӷани налъюксяӷаҳси Кияӷнық, ынка̄м қыпҳаҳтыля̄ӷуяҳтуси кияӷныӷунӷилңуӷнун.

1е Фессалоникийцам 1:9

Тамаңани а̄пҳақа̄т упуӷатилъыҳлъяхси хўаңкунъың лъпысинитңулюта. Қӣвуманилюсилъю уңувалӷӣмун Кияӷныпигмун қыпҳа̄нъалюку, пыхлъюки кияӷныңлъяқат.

К Титу 3:3

Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю.

1е Петра 1:18

Лӣсимакаҳси сивунӷани кияҳтыка̄гуси сясӣхпынаси катам сивуныҳпысистун. Иўырңа Кияӷныӷым итымуткақӣси та̄хкын сясӣнӷилңуӷмың кияҳта̄лъыӷмың. Тукфилъҳитӣси серебромың налиӷмың калмылӷимың на̄выхкаюгмың,

1е Петра 4:3

Сивунӷани сыӷлытун кияҳтылъқинаҳтуси қа̄ткусигалңуӷыстун Кияӷныӷмун. Хўатын пика̄гуси: сыӷлыӷнапихлъюку атуқуткаюгуяҳтуси, қилӣқутақлъюси, сю̄мӯтақлъюси, қырңуӷутулъюси угляпыста̄ӷыт сыӷлыӷыт атуқақлъюки, нықынӷаҳқылъюси, мыӷӯтыҳлъяглюси ынка̄м алңунасыӷаҳлъягуҳтақуси, манигуқақасилъю ӣнӷуткат кияӷныңлъяқат.