1е Коринфянам 12:12 - Новый Завет на эскимосском языке

¹² Катам югусиқ ата̄сиқ налиӷныҳтуҳлъяк, қамахлъютың налиӷныӷыт югусим пикыхкаңи. Қайўа угляӷңа̄ӷмың ата̄сӣгуқ югусиқ, Христосылъю таўатытуқ.

1е Коринфянам 12:12 Iomraidhean Croise

1е Коринфянам 10:17

Нықыкшаңлъяқ а̄вгуқа̄ӷңа̄ӷми ата̄сӣгуқ. Угляҳлъягьяӷңа̄мта, ата̄симың та̄хкын ныӷақукут. Ынка̄м кылгутақа̄ налиӷнықуӷнилюта ата̄симун югусимун.

1е Коринфянам 12:20

Ипапыста̄қ югусиқ налиӷныҳтупихтуқ.

1е Коринфянам 12:27

Қамахлъюси ухпықани Христосым югусиқӣси, налиӷнықуӷӣси.

1е Коринфянам 12:7

Аглыӷналӷӣм Таӷныӷам лӣтыстыкаюга̄ аҳтуӷьяҳқа̄нӷилъыни ухпықатхун тунусялиткамикун. Тунусят китумун алңунак пиниҳқусиҳқа̄гут.

К Галатам 3:16

Кияӷнық акықусяңлъяҳтықа̄гуқ Авраамымунлъю, киңунӷанунлъю. Кияӷныӷым акықусяңлъя̄маңитӣ: «Киңунӷи», Акықусяңлъяҳтықа̄гуқ ата̄сӣнаӷмун киңуныӷмун, та̄на Христосыңӯқ.

К Ефесянам 1:23

Қамахлъютың ухпықат югусиқӣ Христосым, ынка̄м лъңа ӣӷўиҳтуқ. Христосым ӣӷўиҳта̄ сяңўа̄ қамахлъюку нани алңунак.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Ефесянам 5:23

Қаюҳлъяк уги на̄сқуқа̄ нулиҳан катам Христос на̄сқуқыхкаңат ухпықат. Христос Югулиӷистыка̄т ухпықат; лъңан югусиқӣ.

К Ефесянам 5:30

қаюҳлъяк налиӷнықуӷӣлъю лъңан югусӣн.

К Колоссянам 1:18

Лъңа на̄сқӯгуқ ухпықанун юӷаӷвигмылңуӷнун, лъңан югусиқӣ. Лъңан югусиқ уңуваңустыңъўа̄. Лъңаңӯқ уңуваӷьюхўа̄қақ туқулъыӷмың, ынка̄м қулиҳпига̄гуқ сямун тамаҳа̄нун.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.