1е Коринфянам 12:10 - Новый Завет на эскимосском языке

¹⁰ Таӷныӷам тӯныхкақӣ иляңи югыт алъя̄ҳлъюхўаҳтисиҳқамың. Иляңан югым тугуклъиқақа̄ уңипақилъыҳқақ Кияӷныӷым уңипа̄мың. Иляңан югым тугуклъиқақа̄ лӣгикилъыҳқақ Аглыӷналӷӣм Таӷныӷам налиӷмың туӷныӷа̄т иглыӷутңутаңа кина. Аглыӷналӷӣм Таӷныӷам акузистақӣ иляңи югыт алъя̄ҳӣнакун улюкун. Ынка̄м иляңитнун мумиҳқуҳтыстақӣ акузилъҳыт.

1е Коринфянам 12:10 Iomraidhean Croise

От Марка 16:17

Ухпықат алъя̄ҳлъюхўаҳтилъықут лӣгикысқылъюку аҳтуӷьяҳқа̄нӷилъыҳтың Кияӷныӷмың пиңутаңа. Ынка̄м атымкун а̄нысқуҳлъықӣт туӷныӷа̄т югның; акузилъықут алъястун улюстун;

От Марка 16:20

Та̄хкын малихся̄ҳтыт аӷуляқлъютың тамаңанун уңипақикат Пинилӷӣның Уңипаның. Атанӷым қыпҳалгусиқӣ, ипапиҳқыстыка̄лъю уңипақ алъя̄ҳлъюхўаҳтистылъыӷмикун. Аминь.

От Луки 24:49

Ынка̄м та̄ўа каяхлъықахка Атама акықусякык лъпысинун. Иўырңа утақӣлӷа̄си ма̄ни Иерусалимыми, кынляңа а̄тысфикылъыҳпысинун аҳтуӷьяҳқа̄нӷилъыӷмың қилягмың памакын».

От Иоанна 14:12

Ипа уңипа̄тамси, китум ухпықыхкумиңа, та̄кут ата̄сит қыпҳақанка пилъықӣ. Талўа а̄ңатаӷалӷӣт тама̄куның пилъықӣ қаюҳлъяк агляӷнақуңа Атамун.

От Иоанна 16:13

Иўырңа Таӷныӷак апыҳтуӷилӷӣк Кияӷныӷым ипапилъҳаның, тагикуми маӷьяҳқуҳлъықӣси ипапилъыпырыгўа̄ӷмун. Акузиткынъа̄нӷитӣ лъми катам акузитни, иўырңа акузилъықуқ нагақуқаҳӣнаӷминың. Ынка̄м уңипа̄лъықӣси сяңўа̄ сяяҳқа̄таңа та̄кўаниңани.

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 11:27

Тама̄ни иляңи ӯкналиқистым Иерусалимымың Антиохиямун тагикат.

Деяния 11:28

Ата̄сиқ Агавыңуфтуқ, ныкывлюни ӯкналиқыхкақ Таӷныӷагныкун нықаңисяхлъягнақнилюку тамаңани. Та̄ўа нықаңисяхлъякақ Клавдий Умӣлыхпига̄люку.

Деяния 19:6

Павелым ся̄фсяқминики Аглыӷналӷӣк Таӷныӷак ӣтқак лъңитнун. Та̄хкын акузикат алъя̄ҳӣна̄стун улюстун, ӯкналиқумаӷмыңлъю пикат.

Деяния 5:3

Йыӷлыги Петырым а̄птыка̄: «Сяңан қа̄ткысигу Туӷныӷа̄м нанӷӣқулъҳа иқлъыңиқысқылъютын Аглыӷналӷӣгнун Таӷныӷагнун аксяқылъыҳпыгун иляңа маним?

К Римлянам 12:6

Қамахлъюта алъякулъҳӣның тунусялгӯкут Кияӷныӷым тӯныхка̄ның наңлъыхталъыӷмикун. Тунусяҳпут уңипақиңукан Кияӷныӷым уңипа̄мың, уңипақилъта ухпықилъыҳтуталымтыстун.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

1е Коринфянам 11:4

Насқуӷӣтиӷлюни ю̄к юӷақуми налиӷмың уңипақуми Кияӷныӷым уңипа̄мың юӷаӷвигми, қӯлваӷьяҳқақынӷита̄ на̄сқӯтилӷӣ.

1е Коринфянам 13:8

Пиниқылъық кынлыңилңуқ. Ӯкналиқылъҳыт кынлытҳӯсяҳқа̄гут; алъястун акузилъҳыт та̄қсяҳқа̄гут; лӣсималъық кынлытҳӯсяҳқа̄гуқ.

1е Коринфянам 14:13

Тама̄кын апалъюқлъюку ю̄к акузикаюк алъястун улюстун, юӷаӷли мумиҳқуӷьяҳқа̄люку сямың пилъыни.

1е Коринфянам 14:39

Ынка̄ңам ухпықа̄лгутымни, уңипаҳтыңуюгақитык Кияӷныӷым уңипа̄мың, иўырңа та̄қыстыхпынаки акузилӷӣт алъястун улюстун.

К Галатам 3:5

Кияӷныӷым тӯныхкақисӣи Таӷныӷагминың, алъя̄ҳлъюхўаҳтика̄ўалъю̄ акулыхпысини қаюҳлъяк қа̄ткыхкыси Лӣлиҳтӯсят, налиӷмың ухпықыхкыси нагақуқаҳси?

1е Фессалоникийцам 5:20

сясӣнӷинъихпынаки ӯкналиқилъҳыт.

К Евреям 2:4

Кияӷныӷымлъю ипапиҳқыхкақа̄ хўаңкунъун. Таўатын пика̄гуқ атуқылъыӷмикун алъя̄ҳӣна̄т алъя̄ҳлъюхўаҳтилъҳыт, уйыхтылъыӷмикунлъю тунусӣ Аглыӷналӷӣм Таӷныӷам пиюкылъыӷмитун.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

Откровение 2:2

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.