1е Коринфянам 10:13 - Новый Завет на эскимосском языке

¹³ Қамахлъютың нанӷӣқулъыси алъяка̄ягунӷитут югнун. Иўырңа Кияӷнық ата̄сӣӷмытуқ, нанӷӣқулъыӷмун қа̄сҳутысяҳқақынӷитӣ икнақылъыси, икнақылъылитақна̄ӷӣси нуқытусиҳқамың. Ынка̄м иқитақылъықуси та̄хкын нанӷӣқулъыӷмың.

1е Коринфянам 10:13 Iomraidhean Croise

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Луки 11:4

Сыӷывутаҳтики сыӷлыҳқылъыпут қаюҳлъяк сыӷывутақапут қамахлъюки сыӷлытун пистыпут. Нанӷӣқулъыңыстыхпына̄мталъю”».

От Луки 16:26

Та̄м ся̄ӷўакун, акулымнъитуқ а̄ңыпихлъыҳӣ аӷвиӷьяҳлъяк. Ынка̄м укыхкын кина аӷвиҳпагниңитуқ лъпысинун, та̄хкын кина аӷвиҳпагниңитуқ хўаңкунъун”.

От Луки 22:46

Пикӣ: «Сяңафси қаваӷақыстык? Макылъюси юӷаҳтык а̄ҳқутақынӷитысқылъюси нанӷӣқулъыӷмун».

Деяния 27:44

Тама̄кут пугимылъхилңӯт аңьяҳпагым икылъҳа̄кун тугулюки тагляӷнақысқыхкӣ қӯтмун. Таўатын қамахлъюта яйўа̄сың ӯхлъыӷа̄тукут қӯтмун.

1е Коринфянам 1:9

Ата̄сӣӷмылңӯм Кияӷныӷым накмикыхкақӣси илятысқылъюси Иӷныӷминун Иисус Христосымун Атанымнъун.

2е Коринфянам 1:10

Ынңа̄талъ сыӷлыпыста̄ӷмың туқум тывныӷаның югулӣлъи, югулилъықӣсилъю. Ынка̄м лъңакун сиӷимаңӯкут лъңан югулилъя̄таҳлъықӣлъю,

1е Фессалоникийцам 5:24

Тахсиқлъиҳтыхпыси пилъықӣ тама̄кут қаюҳлъяк ата̄сӣӷмытуқ.

2е Фессалоникийцам 3:3

Иўырңа Атанық ата̄сӣӷмытуқ; икнақуҳсяҳлъықӣсилъю, пақнӣҳсяҳлъықӣсилъю Туӷныӷаӷмың.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

К Евреям 10:23

Йықай ата̄сӣӷмылъюта сиӷималъыӷмытыкыста̄лъта хўаңкунъун пикникамнъун, қаюҳлъяк ухпықаҳпут Кияӷнық ата̄сӣӷмытуқ ынка̄м пияҳқақӣ акықусяни.

К Евреям 11:11

Авраам нанывгаҳлъягңа̄ӷми, Сарралъю қумиңьяҳқа̄нӷитыӷңа̄ӷми, паниның ухпықилъыҳқун Сарра қумиңыхка̄гуқ, қаюҳлъяк ныӷьюкыхкақа̄ Кияӷныӷмын пилъықнилюку акықусяқыхкани.

К Евреям 12:4

Сыӷлыҳқынӷинъақуткылъыҳпыси сялин югнун туқутысигатӣси.

К Евреям 6:18

Кияӷныӷым таўатын кайымилъю. Кияӷнық иқлъыңиқигатуқ акықиныӷмини, иқлъыңиқна̄нӷитуқлъю акықикуми атуқлъюку атыни ипапиҳқынъалюку пияҳқақутни. Та̄кук алъяңуҳтықаҳна̄нӷитук. Хўаңкута анагнӣқани Кияӷныӷмун пақнӣнъалюта, кайымылъыңыҳлъяхтукут сиӷимакналюку Кияӷныӷым акықуся̄.

1е Петра 4:19

Ынка̄ңам тама̄кут икфиқылӷӣт апалъюқлъюку Кияӷныӷым пиюкылъҳа, ылъқуӷулъютың пилъықут, ныӷьюкулъықӣтлъю уңуваситың ата̄сӣӷмылңуӷмун Улимаӷистымун.

2е Петра 2:9

Та̄ўа лӣтаҳпут, Атанық лӣсимакуқ натын югулилъыҳқамың ылъқуӷутңалӷӣт югыт, нанӷӣҳсяӷалъыңынӷата. Кылыңакңўӣлъю сыӷлыӷыт югыт аӷью̄лъыңылъыӷмылңӯт, утақӣмалюки Аӷныӷанун Нанқихтилъҳым.

1е Иоанна 1:9

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.

Откровение 19:11

Та̄хкын ысҳаӷақа қиляк қылъпылӷӣ, та̄ўа қатылӷӣ кӯни! Кӯникун иглыҳлъыҳӣм а̄тҳа «Ата̄сӣӷмылңуқ, Ипапик». Ылъқуӷутңа̄т нанқихтилъҳи, пилъюўақаңилъю аңуяни.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.