1е Коринфянам 1:30 - Новый Завет на эскимосском языке

³⁰ Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.

1е Коринфянам 1:30 Iomraidhean Croise

От Матфея 1:21

Иӷныңнақңӯқ; атиӷнакын Иисусымың қаюҳлъяк лъми юни югулияҳқақӣ сыӷлыҳқылъҳитның».

От Луки 11:49

Тама̄кын апалъюқлъюку пыҳқинылъыӷмикун Кияӷнық пика̄гуқ: “Каяхфикылъықанка ӯкналиқистыныңлъю, апостолыңаныңлъю, туқулъықӣт иляңи, амьюқыта̄ткылъықӣт иляңи”.

От Луки 21:15

Хўаңа акузиткаҳқалилъықамси, пыҳқинылъылилъықамсилъю рыпалъ аңуяхпыси кипулъхина̄ҳпагниңитӣт акузилъыси налиӷмың тымңиңунина̄нӷитӣт.

От Иоанна 1:18

Китум алңунак ысҳӣгата̄ Кияӷнық. Та̄наңинаҳа̄м Иӷныӷым қантаӷантылъыҳпига̄м Атамун, лӣтыстыка̄ югнун.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 17:26

Лӣтыстыкақанка натытулыхпының. Лӣтысимаңинаӷнақамкын пиниқылъҳын хўаңамнун илюңитнитысқылъюку, хўаңалъю илюңитнинъалюңа».

От Иоанна 17:8

қаюҳлъяк апыҳтӯсяқыхкаҳтын хўаңамнун апыҳтӯсяқыхкақанка лъңитнун. Тугуклъӣмӣт ынка̄м лӣта̄т ипапыста̄қ тагика̄тка лъпынун. Ухпықа̄тлъю лъпынун каяхтыка̄тка.

От Иоанна 8:12

Та̄кўаниңани Иисусым алыҳқуӷля̄тақӣ югыт. Пикӣ: «Хўаңа ниӷугӯңа нунам юганун. Китум малихтыкумиңа мамлыгми кияҳна̄нӷитуқ, кынылгулъықуқ уңувалъылитикаюгмың».

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 1:17

Та̄кут Пинилӷӣт Уңипат лӣгикыстӣлъю натын Кияӷныӷым налъҳусяӷақутаңи югыт ылъқуӷутңалъыӷмыхнун. Ухпықилъҳинӣтхун Кияӷнық таўатын пӣқуқ. Катам Акузитни Игақыхкани игақңа̄қ: «Налъҳуҳқыхкақ Кияӷныӷым ылъқуӷутңалъҳанун кияҳлъықуқ ныӷьюклъюку лъңа».

К Римлянам 11:36

Сяңўа̄ қамахлъюни лъңаның пиңӯқ, лъңакун пиңӯқ, лъңанунлъю пиңӯқ. Лъңа усюқылъыңли қӯнпырухлъяк! Аминь.

К Римлянам 12:5

Угляӷьяӷңа̄мта, ата̄сигукут Христосым югусӣн. Ынка̄м хўаңкута налиӷныӷни хўаңкунъың пикутукут.

К Римлянам 16:11

Уңипа̄таҳнакыси Иродион, Иудейялгутка, сю̄мқақақаңуқ. Уңипа̄таҳнакысилъю ухпықат ныңлъюгутаңанилңӯт Наркиссым сю̄мқақанкаңуқ.

К Римлянам 16:7

Уңипа̄таҳнакыхси Андроникалъю, Юниюлъю Иудейялгутыхка, анусимиңлъяӷалгуткыхкақахкалъю, сю̄мқақахкаңуқ. Апостолыңӯк югыт лӣсимакңўа̄қыхкыт; сивумни ухпықа̄ҳтыка̄гук.

К Римлянам 4:25

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

К Римлянам 4:6

Умӣлгым Давидым игақыхкақа̄ та̄на ата̄сиқ. Пика̄гуқ югыт қуястыпика̄нилюки Кияӷныӷым налъҳусяӷақңаки ылъқуӷутңалъыӷминун авылӷаӷлюки қыпҳа̄тилъҳит Кияӷныӷмун.

К Римлянам 5:19

Қа̄ткунъыӷитылъҳакун ата̄сим югым, угля̄пихлъыӷӣт югыт сыӷлыҳқыстыңуҳтыка̄гут. Таўатыҳпигақ, қа̄ткутылъҳакун ата̄сим югым, угля̄пихлъыӷӣт югыт налъҳусяӷьяҳқа̄гут Кияӷныӷым ылъқуӷутңалъҳанун.

К Римлянам 5:21

Сыӷлыҳқылъҳым иглыӷуткақӣ югыт туқулъыҳқун. Иўырңа Кияӷныӷым пиниқылъҳан иглыӷутңўӣ югыт налъҳусялъыӷмикун лъми ылъқуӷутңалъыӷминун. Ынка̄м алъхыҳта̄т кынлыңилңуқ уңувалъық Иисус Христосыкун Атанымтыхун.

К Римлянам 8:1

Ынка̄ңам киналъю алңунак Христос Иисусымун илятка̄ката Кияӷныӷым нанқихна̄нӷитӣ аӷью̄ӷьяҳқа̄люки.

К Римлянам 8:23

Иўырңа улима̄ҳӣна̄нӷитуқ ңилъыхлъыҳӣ, хўаңкуталъю ңилъыхтыңъӯкут. Хўаңкуңӯкут Аглыӷналӷӣгның Таӷныӷагның пилыгни Кияӷныӷым тунусяқсюххуа̄ӷа хўаңкунъун. Ңилъыхтыңъӯкутлъю илюмтыхун утақӣмалюта Кияӷныӷмун алъюҳқисқылъюта авақута̄люта лъңанун, итымутысқылъюкилъю югусипут сыӷлыҳқылъыӷмың.

К Римлянам 8:9

Иўырңа лъпыси иглықатақңунӷитӣси югусиҳпыси пиюкылъҳан. Иглықатақңўӣси Кияӷныӷым Таӷныӷахкынка, қаюҳлъяк ипа кияҳтыңъулӷӣ илюхпысини. Христосым Таӷныӷакык кияҳтыңъунӷилъкайык илюңани югым, пикынӷита̄ Христосым.

1е Коринфянам 1:2

Письмоӷақуңа Кияӷныӷым ухпыҳтыңитнун Коринфымылңуӷнун, Кияӷныӷым а̄фтыка̄нун юкналюси Христос Иисусыкун. Накмикыхкақӣсилъю пылюңитысқылъюси малигулъюси юлӷутыҳлъягнун тамаңанилңуӷнун, юӷақаюгнун Атанымнъун Иисус Христосымун, қамахтыңъўа̄ӷлюта Атанқаҳпут.

1е Коринфянам 1:24

Иўырңа хўаңкунъун Кияӷныӷым накмикыхка̄нун Иудеяңуӷңа̄мта, язычнигыңуӷңа̄мта таўатынъыӷитуқ. Христосым туқулъҳан қақӯракун лӣтыстыкақӣлъю Кияӷныӷым аҳтуӷьяҳқа̄нӷилъҳаныңлъю, пыҳқинылъҳаныңлъю.

1е Коринфянам 12:18

Иўырңа Кияӷныӷым улимамаңитӣ югусипут таўатылъюки. Накмикыхкаминың налиӷнылиҳтуқақӣ.

1е Коринфянам 12:27

Қамахлъюси ухпықани Христосым югусиқӣси, налиӷнықуӷӣси.

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 4:15

Қайўа апыҳтуӷистытупихсяӷңа̄ҳпыси Христосымың, ататуҳлъянӷитуси. Ухпықсюхўаӷақңафсигу Иисус Христос нагақуӷлюки Пинилӷӣт Уңипат, таўанита атастун лъӣқаңа лъпысинун.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

2е Коринфянам 12:2

Лӣсимакақа ю̄к Христосымылңуқ. Қуля стамат сӣпнықлъюки аюмиқулъыӷни агани наӷуҳтыкани Кияӷныӷым маю̄тқаҳтыкақа̄ пиңая̄нун қилягым. Налъюкңўа̄ӷақа ю̄к югусиминитутаңа налиӷмың югусиминың а̄нңака̄таңа, иўырңа Кияӷныӷым лӣсимака̄.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 3:13

Ынка̄м Кияӷныӷым нанқихтыкақӣлъю аӷью̄ӷналюта апалъюқлъюки Лӣлиҳтӯсят, иўырңа Христосым навыҳқылъикақӣлъю нанқихлъыҳқамнъың тугулъыӷмикун аӷью̄лъыҳқаҳпут. Қаюҳлъяк Акузитыт Игақыхкат пика̄гут: «Нанқихтыка̄гуқ аӷью̄ӷьяҳқа̄люни тамаҳаӷми агаҳтыкақ уқфихкун».

К Ефесянам 1:10

Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

К Ефесянам 1:14

Аглыӷналӷӣм Таӷныӷам ипапиҳқыстӣлъю пагитаҳқамнъың кынляңа хўаңкута пилӣтылъыҳқамнун. Ынка̄м усюқылъықаҳпут Кияӷнық а̄ңылъыҳлъяганун!

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 4:30

Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Филиппийцам 3:9

илятңўа̄ҳтуңалъю лъңанун. Ухпықнанӣма̄қа хўаңамның пиниӷнақылъық қа̄ткутылъымкун Кияӷныӷым Лӣлиҳтӯся̄мнъун. Йыӷлыги лӣсимакақа Кияӷныӷым пиниҳтыстақа̄ңа қаюҳлъяк ухпықыхкыхка Христос. Уна пинилъық Кияӷныӷмың аюқуқ, югыт алъхыҳтақа̄т ухпықилъыӷмыхтыхун Христосымың.

К Колоссянам 1:14

Лъңан тукфиқақӣлъю, сыӷывуткақӣлъю сыӷлыҳқылъыпут.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

От Иакова 1:5

Налиҳси пыҳқинылъыңьюкуми туңсиӷли Кияӷныӷмың. Кияӷнық иӷлыгитыҳлъяхтуқ, қуякусиқинаӷлюку тӯныхкаюўа̄ қамахлъюку ю̄к а̄плъыҳӣ. Кияӷныӷым тӯнылъықӣси туңсиқуфси.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

1е Иоанна 5:6

Иисус Христосыңӯқ тагикақ. Тагика̄гуқ мыҳқунлъю, а̄хўкунлъю. Тагимаңитуқ мыҳӣнаҳқун иўырңа мыҳқунлъю, а̄хўкунлъю тагика̄гуқ.

Откровение 14:4

Та̄кут югыт нукыхнаҳқумаңилңӯгут аӷнамың атуқилъыҳқун. Малихтақа̄т Пынъӣӷаҳақ навык алңунак пинӷани. Кияӷныӷым югуликақӣ акулңитның нунам юган, тунусяқсюхўа̄ӷӯт Кияӷныӷмунлъю, Пынъӣӷаҳаӷмунлъю.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.