1е Коринфянам 1:26 - Новый Завет на эскимосском языке

²⁶ Ухпықа̄лгутымни, нықамиклъюку натыся̄ӷыстык Кияӷныӷым туқлъюӷақңиси. Қафсинкӯраҳаӷни пыҳқинӷуяҳтуси нунам юган сюмыҳтаӷа̄ткылъҳитни. Қафсинкӯраҳаӷни аҳтӣгасяҳтуси иглыӷутистыт, налиӷмың аклъюңилңуӷның, ныңлъюгутның пиңуяҳтуси.

1е Коринфянам 1:26 Iomraidhean Croise

От Луки 1:3

Нагаткақанка апылъҳит, атиҳтуӷўа̄қақанкалъю игақулъҳит пӣнлилъҳитның. Ынка̄м игақуӷьюганка лъпынун таўатытңўа̄ӷлюки пилъҳистун.

От Луки 10:21

Таўани пилъыӷми Аглыӷналӷӣм Таӷныӷам Иисус қуястыка̄. Пикақ: «Ата̄й, Атанӷа қилягымлъю нунамлъю, игамсиқаюгвикамкын! Лъпык тама̄кут талюҳтатын пыҳқинылӷӣныңлъю, лӣтканыңлъю, нақам лӣтыстатын таӷнуҳаӷыстун аюқылӷӣнун. А̄а, Ата̄й, та̄наңӯқ пиюкылъҳын».

Деяния 13:12

Правитель ухпықақ ысҳапаглюку таўатын пилӷӣ, сяӷӣӷаягутка̄лъю апыҳтӯсяқ Атаныӷмың аюқылӷӣ.

Деяния 13:7

Қӣҳқам Правителыңан Сергий Павелым илякумта̄ӷа. Сергий Павел пилъыхлъяк. Ақфастыкакык Варнавалъю, Савлалъю наганъалюки Кияӷныӷым акузитаңи.

Деяния 17:34

иўырңа иляңита малихся̄ӷлюку Павел ухпыҳтӯткат. Ата̄сиқ Дионисийеңуфтуқ, Ареопагыми агӷиста, аӷнақлъю а̄тқылӷӣ Дамарымың, килъюлъю иляңи ухпыҳтӯткат.

К Римлянам 11:29

Кияӷныӷым умьюгагни алъяңуҳтықаҳна̄нӷита̄к. Выҳна̄нӷитӣ тунусяни, пыхна̄нӷитӣлъю накмикыхкани лъңанун югулюки.

1е Коринфянам 1:20

Ынка̄м сянақанңам нунам пыҳқинылӷӣңи? Сянақанңам апыҳтуӷистыңи Лӣлиҳтӯсят? Сянақанңам а̄ҳтӣра̄ҳтыт? Қамахтыңъўа̄ӷлюни лӣтылъыҳлъялъҳат сясӣнӷитуқ қаюҳлъяк Кияӷныӷым тымңитхўаңлъяқақа̄ пыҳқинылъҳа нунам.

1е Коринфянам 2:13

Ынка̄м акузиңигатукут югым пыҳқинылъҳакун, иўырңа атуқақапут акузитыт Аглыӷналӷӣм Таӷныӷам апыҳтӯткӣ. Таўатын пӣқукут апыҳтӯсяқнымтыки Таӷныӷам ипапилъҳи тама̄кунун алъхыӷутканун Аглыӷналӣгның Таӷныӷагның.

1е Коринфянам 2:8

Налиҳӣнӣта̄ нунам иглыӷутистыңита лӣгикумаңита̄т та̄на пыҳқинылъық. Лӣгикыхкақсяқумыхтыху, қақӯраӷнаянӷита̄т Атанӷа ниӷуҳқылъҳым.

К Филиппийцам 4:22

Қамахлъютың Кияӷныӷым юган сю̄мқақӣсиңуқ, кияң та̄кут Кесарым мыңтыӷаӷмӣңита.

От Иакова 2:5

Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның.

2е Иоанна 1:1

Укут посланият Нуйвакмың пиңӯт Кияӷныӷым накмикыхка̄нун аӷнамун, авақута̄нунлъю ипапигмың пиниқыхкамнун. Лъңина̄нӷитуңа пиниқистызи, қамахлъютыңлъю лӣсимакылӷӣт ипапиҳқылъыӷмың пиниқӣси,