25 Кияӷныӷым тымңитхўалъҳа пыҳқинӷатаӷаҳтуқ югым пыҳқинылъҳаның. Кияӷныӷым кая̄тылъҳа икнақатаӷаҳтуқ югым икнақылъҳаның.
Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.
Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.
Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.
Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.
Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.