1е Коринфянам 1:23 - Новый Завет на эскимосском языке

²³ Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 1:23 Iomraidhean Croise

От Матфея 11:6

Кина алңунак ухпықинанинӷилъкуми хўаңамның қуястыка̄гуқ!»

От Матфея 13:57

Ынка̄м тугуклъиӷьюнӷитка̄т. Иисусым пикӣ: «Нани алңунак югыт сӣвакақа̄т ӯкналиқиста иўырңақун лъңан катам нунаңанилъю ныңлъюгутаңанилъю».

От Луки 2:34

Симеоным Кияӷныӷмун туңсӣткакык қуястысқылъюкык. Ынка̄м на̄ңа Мария пика̄: «Нагатаҳтиңа, уна таӷнуҳақ Кияӷныӷым накмикыхкақа̄. Иляңи Израилыӷмӣлӷутыт нанқихлъықӣ аӷью̄ӷьяҳқа̄люки, иляңи югулияҳқа̄люки. Кияӷныӷым каяхтыңъўа̄ лъңанун уңипаҳтыңулюку, иўырңа юлӷутыт иҳсякылъықа̄т,

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 1:28

Кияӷныӷым накмикыхкақӣ укаванлыңӯтлъю, аситңина̄қӣтлъю нунами. Тама̄куңӯт Кияӷныӷым накмикыхкӣ, югнун лӣгикысқылъюки сюмыҳтаӷа̄ткыхкӣт а̄ңўа̄ӷулюки иўырңа Кияӷныӷми а̄ңўа̄ӷунӷитут.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 2:2

Пакикақанка тама̄кут қаюҳлъяк уңипақиюлӷӣңа Иисус Христосыңинаҳаӷмың туқулъҳаныңлъю қақӯракун.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

2е Коринфянам 4:5

Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Галатам 5:11

Ухпықа̄лгутымни, уңипақиңигатуңа югыт обрезаниясқылъюки. Таўатын уңипақиңуяқума Иудеит амьюқыта̄ткынъаниӷнаяӷа̄тңа ынка̄м қақӯра̄ Христосым сюгагнӣӷуткынъаянӷита̄т.

К Галатам 6:14

Иўырңа хўаңа қанана̄нӷитуңа сямың алңунак иўырңақун қақӯра̄ның Атанымта Иисус Христосым. Туқулъҳакун қақӯрами нуна қақӯра̄ма̄қ хўаңамнун, ынка̄м хўаңа қақӯра̄ма̄ңа нунамун.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

1е Петра 2:8

Амалъықа: «Та̄м уйӷагым югыт на̄хтыстақӣ, иқустақӣлъю». На̄хтақут қаюҳлъяк қа̄ткусигалңӯт Кияӷныӷым акузитаңанун. Таўатын Кияӷныӷым успықыхкақӣ.