1е Коринфянам 1:21 - Новый Завет на эскимосском языке

²¹ Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 1:21 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Луки 10:21

Таўани пилъыӷми Аглыӷналӷӣм Таӷныӷам Иисус қуястыка̄. Пикақ: «Ата̄й, Атанӷа қилягымлъю нунамлъю, игамсиқаюгвикамкын! Лъпык тама̄кут талюҳтатын пыҳқинылӷӣныңлъю, лӣтканыңлъю, нақам лӣтыстатын таӷнуҳаӷыстун аюқылӷӣнун. А̄а, Ата̄й, та̄наңӯқ пиюкылъҳын».

От Луки 12:32

«Алиңыхпынаси пынъӣҳамни, қаюҳлъяк Атахпыси қуякусиқлъюку тӯньюгақа̄ лъпысинун Атаныҳпагулъық.

От Иоанна 12:31

Хўа̄ ма̄тын Кияӷныӷым нанқихнақа̄ нунам юга, хўа̄ ма̄тын Кияӷныӷым ыхнақңўа̄ иглыӷутистыңа ӯм нунам.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 11:33

Ка̄й, сыӷлыҳлъягӯт Кияӷныӷым аклъюңиңи, пыҳқинылъҳа, лӣсималъҳалъю! Китумңам лӣгикңўа̄ҳлъықаки нанқихтилъҳи? Китумңам лӣгикңўа̄ҳлъықаки иглыӷныӷи?

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 1:24

Иўырңа хўаңкунъун Кияӷныӷым накмикыхка̄нун Иудеяңуӷңа̄мта, язычнигыңуӷңа̄мта таўатынъыӷитуқ. Христосым туқулъҳан қақӯракун лӣтыстыкақӣлъю Кияӷныӷым аҳтуӷьяҳқа̄нӷилъҳаныңлъю, пыҳқинылъҳаныңлъю.

1е Коринфянам 1:25

Кияӷныӷым тымңитхўалъҳа пыҳқинӷатаӷаҳтуқ югым пыҳқинылъҳаның. Кияӷныӷым кая̄тылъҳа икнақатаӷаҳтуқ югым икнақылъҳаның.

1е Коринфянам 1:27

Иўырңа Кияӷныӷым накмикыхкақӣ тама̄кут налъю̄қат нунами кайңуся̄кналюки пыҳқинылӷӣт, Кияӷныӷым накмикыхкақӣ кая̄лңӯт нунами кайңуся̄кналюки тама̄кут икнақылӷӣт.

1е Коринфянам 11:32

Иўырңа Атанӷым апыҳтуӷьюныӷминикут натын кияҳтылъыҳқамың, нанқихтақӣлъю. Аӷью̄ӷьяҳқа̄фқа̄мта пиналюта нанқихтикуми ухпықиңигалңуӷның.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

1е Коринфянам 6:2

Лӣсимакынӷистыхӯ Кияӷныӷым юган нанқихсяҳқӣ ухпықа̄нӷилңӯт иляңани аӷныӷым? Нанқихсяҳқақңукуфсики, натын пияқнаҳтуткалъықыфтат лъпысинун нанқихтылъыҳқӣ пияқнӣлңӯт?

К Галатам 1:15

Иўырңа алъхыӷумаңилъюңа Кияӷныӷым накмикыхкақа̄ңа, наңлъыхталъыӷмикун туқлъюқақа̄ңа.

К Галатам 4:8

Сивунӷани налъюксяӷаҳси Кияӷнық, ынка̄м қыпҳаҳтыля̄ӷуяҳтуси кияӷныӷунӷилңуӷнун.

К Ефесянам 1:9

успықылъыӷминың сялин алӣҳсигалъкымъиның сивунӷани. Та̄наңӯқ Кияӷныӷым успықыхка̄, пикақа̄ Христосыкун.

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

К Колоссянам 1:19

Кияӷныӷым Пиюкылъқақа қамахтыңъўа̄ӷлюни лъми катам кияҳналюни Иӷныӷми илюңани.

К Евреям 1:14

Сяңа̄ўанңам яқулгыт? Қамахлъютың таӷныӷа̄гут қыпҳа̄тилӷӣт Кияӷныӷмың, каяхтақӣлъю каюсӣтысқылъюки тама̄кут югулилъыңьяҳқат.

К Евреям 2:3

Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.

От Иакова 5:15

Юӷалъҳым ухпықилъыҳқун на̄лъҳусяҳқақа̄ қинуюлӷӣ ю̄к. Ынка̄м Атанӷым югунқўӯҳтыснықихлъықа̄, сыӷлыҳқылъҳилъю сыӷывулъықӣ.