1е Коринфянам 1:20 - Новый Завет на эскимосском языке

²⁰ Ынка̄м сянақанңам нунам пыҳқинылӷӣңи? Сянақанңам апыҳтуӷистыңи Лӣлиҳтӯсят? Сянақанңам а̄ҳтӣра̄ҳтыт? Қамахтыңъўа̄ӷлюни лӣтылъыҳлъялъҳат сясӣнӷитуқ қаюҳлъяк Кияӷныӷым тымңитхўаңлъяқақа̄ пыҳқинылъҳа нунам.

1е Коринфянам 1:20 Iomraidhean Croise

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Иоанна 12:31

Хўа̄ ма̄тын Кияӷныӷым нанқихнақа̄ нунам юга, хўа̄ ма̄тын Кияӷныӷым ыхнақңўа̄ иглыӷутистыңа ӯм нунам.

Деяния 17:18

Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың.

К Римлянам 1:20

Кияӷныӷым улиматаңаның нуна, югыт лӣгикңўа̄ӷақа̄т аҳтуӷьяҳқа̄нӷилъҳа аӷулӣӷигалңуқ, ипалъю Кияӷныӷутаңа. Қайўа югыт ысҳаҳпагниңитыӷңа̄ӷмыхтыкык та̄кук, паниның лӣсимакахкыт Кияӷныӷым улима̄ӷакун. Ынка̄м югыт апалъӣтут хўатын пилъыҳқамың, Налъюкаҳпут Кияӷнылгутаңа.

К Римлянам 1:22

Пыҳқинӷунӣқут иўырңа налъю̄ҳтақут.

1е Коринфянам 1:19

Акузитни Игақыхкани игақңа̄қ: «Пыҳқинӷыт пыҳқинылъҳат атӯнаниҳтыслъықақа. Лӣткаҳлъягытлъю лӣтылъҳат сясӣнаниҳтыслъықақа».

1е Коринфянам 1:26

Ухпықа̄лгутымни, нықамиклъюку натыся̄ӷыстык Кияӷныӷым туқлъюӷақңиси. Қафсинкӯраҳаӷни пыҳқинӷуяҳтуси нунам юган сюмыҳтаӷа̄ткылъҳитни. Қафсинкӯраҳаӷни аҳтӣгасяҳтуси иглыӷутистыт, налиӷмың аклъюңилңуӷның, ныңлъюгутның пиңуяҳтуси.

1е Коринфянам 1:27

Иўырңа Кияӷныӷым накмикыхкақӣ тама̄кут налъю̄қат нунами кайңуся̄кналюки пыҳқинылӷӣт, Кияӷныӷым накмикыхкақӣ кая̄лңӯт нунами кайңуся̄кналюки тама̄кут икнақылӷӣт.

1е Коринфянам 1:28

Кияӷныӷым накмикыхкақӣ укаванлыңӯтлъю, аситңина̄қӣтлъю нунами. Тама̄куңӯт Кияӷныӷым накмикыхкӣ, югнун лӣгикысқылъюки сюмыҳтаӷа̄ткыхкӣт а̄ңўа̄ӷулюки иўырңа Кияӷныӷми а̄ңўа̄ӷунӷитут.

1е Коринфянам 11:32

Иўырңа Атанӷым апыҳтуӷьюныӷминикут натын кияҳтылъыҳқамың, нанқихтақӣлъю. Аӷью̄ӷьяҳқа̄фқа̄мта пиналюта нанқихтикуми ухпықиңигалңуӷның.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

1е Коринфянам 2:8

Налиҳӣнӣта̄ нунам иглыӷутистыңита лӣгикумаңита̄т та̄на пыҳқинылъық. Лӣгикыхкақсяқумыхтыху, қақӯраӷнаянӷита̄т Атанӷа ниӷуҳқылъҳым.

1е Коринфянам 3:18

Кина алңунак пӯҳтыфқа̄ми лъңаның пили. Налиҳси сюмыҳтаӷа̄ңукуми лӣтыпахлъяка̄нилюни нунам пыҳқинылъҳаның, йықай малихлъигу Христос, ухпықа̄нӷилңӯт тымңиңуниӷңа̄тху. Таўатын пикуни ынңа̄талъ пыҳқинӷуҳтыпӣхлъықа̄.

1е Коринфянам 3:19

Кияӷныӷми нунам пыҳқинылъҳа тымңиңӯқ. Акузитни Игақыхкани игақңа̄қ: «Пыҳқинӷыт югыт нунами хўани Кияӷныӷым пипагниңӣтыстақӣ лъңита катам пыҳқинылъҳитхун».

1е Коринфянам 6:2

Лӣсимакынӷистыхӯ Кияӷныӷым юган нанқихсяҳқӣ ухпықа̄нӷилңӯт иляңани аӷныӷым? Нанқихсяҳқақңукуфсики, натын пияқнаҳтуткалъықыфтат лъпысинун нанқихтылъыҳқӣ пияқнӣлңӯт?

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.