1е Коринфянам 1:2 - Новый Завет на эскимосском языке

² Письмоӷақуңа Кияӷныӷым ухпыҳтыңитнун Коринфымылңуӷнун, Кияӷныӷым а̄фтыка̄нун юкналюси Христос Иисусыкун. Накмикыхкақӣсилъю пылюңитысқылъюси малигулъюси юлӷутыҳлъягнун тамаңанилңуӷнун, юӷақаюгнун Атанымнъун Иисус Христосымун, қамахтыңъўа̄ӷлюта Атанқаҳпут.

1е Коринфянам 1:2 Iomraidhean Croise

Деяния 10:36

Лӣсимакаҳси Кияӷныӷым уңипа̄ уңипақыхкақ Израилыӷмӣнун, та̄на Пинилӷӣ Уңипақ югыт ныкыхмылъыңусиҳқақа̄т Кияӷныӷмун Иисус Христосыкун. Иисус Христос, Атанқа̄ тамаҳаӷўа̄ӷми югым.

Деяния 15:9

Хўаңкутыстуңўа̄қ кияӷутақӣ; хўаңкутыстуңўа̄қ укмаңиӷақӣ илюңит ухпынӷата.

Деяния 18:1

Та̄м киңуңаның Павел Коринфыткақ Афинымың.

Деяния 22:16

Сямың утақӣгақсин? Ся̄қсин крестиӷыстын, сыӷлыҳқылъыҳтын уӷвуҳтыстики туқлъюӷилъыҳпыгун А̄тҳакун Атанӷым”».

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

Деяния 9:13

Иўырңа Ананиям пика̄: «Атанық, нагақуӷақақа та̄на ю̄к угляпихлъыҳӣның, апыӷнақыпихтақа̄т сыӷлытун пилъыҳлъяга юхпынун Иерусалимыми.

Деяния 9:14

Пилъыҳқаңыхка̄гуқ первосвященнигының тагилюни Дамаскымун тугуляӷналюки қамахлъюки юӷақаюгыт атыҳпыгун».

Деяния 9:21

Нагатулъҳӣм сяӷӣӷаягутка̄т рыпалъ лъңитның а̄пқуӷа̄ӷуткат: «Унаңунӷита̄а ю̄к Иерусалимыми амьюқытиқыҳлъякақ юӷақаюгның Иисусым а̄тҳакун? Ма̄вык тагиңуялӷӣ таўатын пиналюни, ухпықат тугуляӷналюки, аглянъалюки первосвященнигнун».

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

К Римлянам 10:12

Алъяңуӷутңитут Иудеитлъю, Грегытлъю қаюҳлъяк ата̄сӣгуқ Атанық, Атанқа̄ тамаҳа̄н. Қуястыҳлъягақа̄ тамаҳа̄н туқлъюӷилӷӣ лъңаның.

К Римлянам 3:22

Кияӷныӷым югыт налъҳусяқақӣ ылъқуӷутңалъыӷминун ухпықилъҳитхун Иисус Христосыкун. Та̄на ипаңӯқ тамаҳа̄нун ухпылӷӣнун Христосыкун қаюҳлъяк алъякунъыӷитут

К Римлянам 8:28

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

1е Коринфянам 1:30

Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.

1е Коринфянам 10:32

Сяхпынаси сыӷлыҳқыстияҳқамың Иудеянун, язычнигнун, ухпықанунлъю.

1е Коринфянам 12:27

Қамахлъюси ухпықани Христосым югусиқӣси, налиӷнықуӷӣси.

1е Коринфянам 8:6

Иўырңа хўаңкута лӣсимакаҳпут ата̄сиҳа̄гуқ Кияӷнық, лъңа Атанӷӯқ. Сяңўа̄ қамахлъюни лъңаның пиңӯқ, кияҳтыңъӯкут лъңанун. Лӣсимакаҳпутлъю ата̄сиҳа̄гуқ Атанық, Иисус Христосыңӯқ. Лъңакун сяңўа̄ қамахлъюни улимака̄гуқ, уңуваңӯкутлъю лъңакун.

2е Коринфянам 1:1

Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

2е Коринфянам 4:5

Хўаңкунъың катам уңипақңунӷитукут, итупилъ уңипақңўа̄ҳпут Иисус Христос Атанӷунилюку. Қыпҳаҳтыкаҳпысикут Иисус апалъюқлъюку.

К Галатам 1:2

Письмоӷақамси ухпықани Галатиямылңуӷни. Қамахлъютың ухпықа̄лгутма ма̄нлыңӯт пиниқӣсиңук хўаңамнун малигулъютың.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

1е Фессалоникийцам 1:1

Укут посланият Павелымың, Силамың, Тимофейемыңлъю пиңӯт, Фессалоникаӷмӣт ухпықӣтнун Кияӷныӷым Атам пиңи Атанӷымлъю Иисус Христосым. Кияӷныӷым наңлъыкилъҳалъю, ныкыхмылъҳалъю лъпысинилъик.

1е Фессалоникийцам 4:7

Кияӷныӷым накмикыхкақӣлъю кияҳтысқылъюта пылюңилъюта, сыӷлыҳқылъңуна̄мта.

2е Фессалоникийцам 1:1

Укут посланият Павелымың, Силамың, Тимофейемыңлъю пиңӯт. Ухпықанун Фессалоникамылңуӷнун Кияӷныӷым Атамта пиңитнун, Атанӷымлъю Иисус Христосым.

1е Тимофею 2:8

Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

2е Тимофею 2:19

Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

2е Тимофею 2:22

Иқитңалютын сямың сыӷлыӷмың аңлинҳат атуқсюгақыхкаңитның. Қӯнпың атуқақигу ылъқуӷутңалъық. Ата̄сӣӷмылъютын, пиниқиңалютын, ныкыхмылъютынлъю. Тама̄кут атуқики, малигулъютың туқлъюӷилӷӣнун Атаныӷмун қамакын пылюңилңуӷмың илюмыхның.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 13:12

Тама̄кын апалъюқлъюку Иисусылъю иқитутка̄гуқ ныҳлъягмың. Таўани туқука̄гуқ, пылюңиҳсяӷналюки югыт сыӷлыҳқылъҳитның лъми катам а̄ўминың.

К Евреям 2:11

Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

Откровение 19:16

Аткуя̄ӷакунлъю, қухтуқа̄кунлъю игақңафтуқ атық хўатын: «умӣлга умӣлгыт, атанӷа атанӷыт».