1е Коринфянам 1:18 - Новый Завет на эскимосском языке

¹⁸ Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 1:18 Iomraidhean Croise

Деяния 17:18

Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың.

Деяния 17:32

Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу».

Деяния 2:47

Китумун алңунак пиниқниҳлъягыт, усюқумаңинаӷақыхкаңатлъю Кияӷнық. Аҳутаңа тамаҳа̄н Атанӷым югулиңукаңи югыт, ынка̄м ухпықат нулямаңинақат.

К Римлянам 1:16

Кайңукигатанка Пинилӷӣт Уңипат: Кияӷныӷым аҳтуӷьяҳқа̄нӷилъқӣ югулилъыӷмун тамаҳа̄нун ухпықилӷӣнун. Сивуклъютың уңипақыхка̄гут Иудеянун та̄хкын язычнигнун.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 15:2

Югулилъыңыхка̄гуси ухпықақңафсики Пинилӷӣт Уңипат, ынка̄м ухпықумаңинаҳтыки а̄пқанка. Иўырңа ухпықнаниқуфсики, ухпылъыси сясӣна̄нӷитут.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 2:2

Пакикақанка тама̄кут қаюҳлъяк уңипақиюлӷӣңа Иисус Христосыңинаҳаӷмың туқулъҳаныңлъю қақӯракун.

1е Коринфянам 3:19

Кияӷныӷми нунам пыҳқинылъҳа тымңиңӯқ. Акузитни Игақыхкани игақңа̄қ: «Пыҳқинӷыт югыт нунами хўани Кияӷныӷым пипагниңӣтыстақӣ лъңита катам пыҳқинылъҳитхун».

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

2е Коринфянам 10:4

Гӯтутыт пилъюўа̄сипут нунам юган гӯтуткынӷитӣ. Гӯтутыпут Кияӷныӷым аҳтуӷьяҳқа̄нӷилъҳаның пилгӯт. На̄фқысяқлъыгўӣт айыпсюгилңӯт миңлъютыт аңуягым ныкыфқуқӣ югыт увитаңитхун.

2е Коринфянам 4:3

Уңипақыхкапут Пинилӷӣт Уңипат ся̄пңаката, ся̄пңа̄т ифлъяяҳқаҳӣнаӷнун.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

2е Фессалоникийцам 2:10

Атуқылъықӣлъю алъя̄ҳӣна̄т сыӷлыӷыт пӯҳналюки туқуяҳқат. Туқуяҳқа̄гут қаюҳлъяк ухпықсюнӷилъкаңат ипалъық югулисиҳқақсяқысың.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.