1е Коринфянам 1:11 - Новый Завет на эскимосском языке

¹¹ Ухпықа̄лгутымни, иляңита Хлоям ныңлъюгутаңан уңипа̄ткақа̄тңа а̄ҳтӣра̄ӷутақнилюси.

1е Коринфянам 1:11 Iomraidhean Croise

1е Коринфянам 1:10

Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

1е Коринфянам 1:12

Илясиңуқ пӣқут: «Хўаңа Павелым малихся̄ҳтыка̄ңа». Иляси: «Хўаңа Аполлосым». Иляси: «Хўаңа Петырым». Паниның илясиңуқ пӣқут: «Хўаңа Христосым малихся̄ҳтыка̄ңа».

1е Коринфянам 11:18

Уңипа̄тақа̄тңа қырңуӷунъыҳпысиниңуқ иляси а̄фқымыра̄ӷутақут, ата̄систун пихпынатың. Ухпықыкыстаӷлюку лъӣӷақа.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

К Галатам 5:15

Иўырңа лъпысиның қаниқунъақңукуфсилъю пилъюгунъақңукуфсилъю угиҳсялӷӣстун тыӷикусястун, кылыңатык, қаюҳлъяк на̄фқутунъақуси.

К Галатам 5:20

манӣгӯтылъық кияӷныңлъяқанун, уйвӣниқылъық, аңуйиқылъық, пилъюгутылъық, қуңьяқилъық, сякшитылъық, лъңина̄юхтылъық, а̄фқымыра̄лъық, қырңуҳпахта̄тылъық,

К Галатам 5:26

Қука̄югныӷуфқа̄мта, қинуюхтифқа̄мта, ақинакутыфқа̄мта.

К Филиппийцам 2:14

Сяңўа̄ тамаҳа̄н пӣқитыху акузилгафқа̄фси, налиӷмың а̄ҳтӣра̄ӷутыфқа̄фси.

1е Тимофею 6:4

Кина алңунак алъятун апыҳтуӷилӷӣ а̄ңа̄югныҳлъягӯқ, лӣгикигатуқ сямың алңунак. А̄ҳтӣра̄ӷьюныҳтӯқлъю, қаниқсюныҳтӯқлъю акузитның. Таўатын пилъҳым алъхыҳтақӣ: ақиналъық, аӷиватылъық, сыӷлықӯӷутылъық, ухпықунъанилъық.

К Титу 3:9

Иўырңа лъпык иқитңалютын тама̄куның тымңи қаниқулъҳӣның, а̄ҳтӣра̄ӷулъҳӣның сивуныӷмың а̄тҳитның, Лӣлиҳтӯсяныңлъю. Тама̄на сясӣнӷитуқ, каютңуна̄нӷитуқ китумун алңунак.