1е Коринфянам 1:10 - Новый Завет на эскимосском языке

¹⁰ Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

1е Коринфянам 1:10 Iomraidhean Croise

От Матфея 9:16

Та̄хкын Иисусым пикӣ: «Китум алңунак иля̄ӷна̄нӷита̄к а̄ткалюгык нутаӷамың лӣқныӷмың. Иля̄лъық қылъюҳтыкуми пӣгулъықуқ, ынка̄м пӣлъық сюлъывылъықуқ.

От Марка 2:21

Китум алңунак нутаӷақ қӣпаӷақ қылъюҳсимаңилңуқ иля̄ӷусиқна̄нӷита̄ қа̄слъилюгыгнун. Иля̄ӷусиқыхкумигу пӣгута̄ӷаҳлъықуқ, ынка̄м пӣлъық сюлъыватаҳлъықуқ.

От Марка 3:24

Атаныҳпагулъық а̄фқӯскуми, та̄на атаныҳпагулъық қырңаӷмынъа̄нӷитуқ.

От Иоанна 10:19

Алъямың Иудеит а̄ҳтӣра̄ӷуткат, Иисусым акузитаңи апалъюқлъюки.

От Иоанна 17:23

Хўаңа илюңитнитуңа, лъпык илюмнитутын лъңит ата̄сӣҳтыңъўа̄ӷысқылъюки. Ынка̄м нунам юган лӣлъықа̄т лъпынун каяхсиматка. Лӣлъықа̄тлъю пиниқылъҳын тама̄кунун ухпықилӷӣнун хўаңамның, хўаңамнун пиниқылъыҳпытун аюқылӷӣ.

От Иоанна 7:43

Иляңита югыт ипапиҳқуткумаңилъкаңат Иисус,

От Иоанна 9:16

Иляңи Фарисеит пикат: «Уна ю̄к Кияӷныӷмың пиңунӷитуқ, қаюҳлъяк қа̄ткигатӣ Лӣлиҳтӯсят Субботамың аюқылӷӣт». Иўырңа иляңи пикат: «Ю̄к сыӷлыҳқыста, алъя̄ҳлъюхўаҳтиляӷна̄нӷитуқ таўатылңуӷмың». А̄ҳтӣра̄ӷуткат.

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

К Римлянам 1:13

Ухпықа̄лгутымни, лӣсимакысюгамси аўын ля̄лиҳфиксюгақамси иўырңа ся̄м қӯнпың пинӷитыстақа̄ңа. Ынка̄м ма̄тын каюсӣсюганка Римыӷмӣт ухпыӷысқылъюки Христосыкун, иляңитнун язычнигнун пилъымтун.

К Римлянам 12:1

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

К Римлянам 12:16

Кияҳтык ныкыхмытулъюси. Қука̄юхтыхпынаси йыӷлыги илякитыки укаванталӷӣт. Сюмыҳтаӷа̄ткыхпынаси пыҳқинӷунилюси иляхпысиның.

К Римлянам 15:30

Ухпықа̄лгутымни, Атанымтыхун Иисус Христосыкун, пиниқылъҳакунлъю Таӷныӷам, малигулъюси хўаңамнун юӷа̄ткыҳлъякаҳтыңъа Кияӷныӷмун каюсӣтысқылъюңа.

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

1е Коринфянам 1:11

Ухпықа̄лгутымни, иляңита Хлоям ныңлъюгутаңан уңипа̄ткақа̄тңа а̄ҳтӣра̄ӷутақнилюси.

1е Коринфянам 11:18

Уңипа̄тақа̄тңа қырңуӷунъыҳпысиниңуқ иляси а̄фқымыра̄ӷутақут, ата̄систун пихпынатың. Ухпықыкыстаӷлюку лъӣӷақа.

1е Коринфянам 12:25

Ынка̄м югусиқ қыпҳақаюгӯқ қырңаӷми. Налиӷныӷым қамахлъютың афлъыңакақӣт илятың таўатыңўа̄қ.

1е Коринфянам 4:16

Ынка̄ңам кияҳтысюпихтамси хўаңамтун.

2е Коринфянам 10:1

Иляңита юхпыси пӣқа̄тңа тытухтаӷнилюңа лъпысининъымни, иўырңа тытугиганъӣқа̄тңа лъпысининъыӷинъымни. Хўаңа Павел, хўаңамның катам, Христосым қусывыгңалъҳакунлъю, пиниқылъҳакунлъю,

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 5:20

Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 4:12

Ухпықа̄лгутымни, туңсиӷвикамси, хўаңамтун лъӣӷысқылъюси қаюҳлъяк хўаңалъю лъпысистун лъӣқа̄гуңа язычнигыстун. Сивунӷани уңипақитақңамси Пинилӷӣның Уңипаның сыӷлытун пимаңитаҳпысиңа. Нықамикаҳси таўани такукақамси қаюҳлъяк қинуюгулӷӣңа.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 3:16

Уна мыгнунапихтуқ, нагныӷутылътыки кияҳта̄лъыпут малихлъюку ипапиҳқылъық лӣткаҳпут.

1е Фессалоникийцам 5:13

Сӣвакыҳлъягақитыкилъю, пиниқақитыкилъю апалъюқлъюки қыпҳалъҳит. Ныкыхмытулъюси пӣқитык.

2е Фессалоникийцам 2:1

Ухпықа̄лгутымнъи, уңипа̄сюгамси тагилъыҳқа̄ның Атанымта Иисус Христосым, қырңуӷутылъыҳқамнъыңлъю лъңанун.

1е Тимофею 5:21

Тама̄кут қылгутанка лъпынун қа̄ткысқылъюки, пакихутифқа̄вык налиӷмың танӣлъқифқа̄вык писқылъютын. Таўатын қылӷамкын ысҳа̄манӷитни Кияӷныӷымлъю, Христос Иисусымлъю, накмикыхкатнилъю яқулгытни.

2е Тимофею 4:1

Христос Иисус тагикуми иглыӷутиналюни Атаныҳпагулъыӷмини, нанқихлъықӣ уңувалӷӣтлъю туқукатлъю. Ынка̄м нагасиманӷыхкыни Кияӷныӷылъю, Христос Иисусылъю, қылӷамкын

1е Петра 2:11

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.