1е Иоанна 2:2 - Новый Завет на эскимосском языке

² Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

1е Иоанна 2:2 Iomraidhean Croise

От Луки 14:22

Мулюхпынани қыпҳаҳтым пика̄: “Югунӣқ, қылылъыҳпытун апыӷӣҳтуқ, иўырңа паниның ныкаҳқаҳлъягӯқ”.

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

От Иоанна 12:32

Хўаңа кывылъыңыхкума нунамың, та̄хун тагиляӷа̄тыслъықақа қамахлъюку ю̄к хўаңамнун».

От Иоанна 4:42

Та̄на аӷнақ пика̄т: «Нагасюхўа̄ӷақңамкын ухпықыхкақапут акузитытын. Иўырңа ма̄тын хўаңкунъың катам нагалъюку лӣтаҳпут та̄на ю̄к ипа югулиӷистыкыфта̄ нунам юган».

К Евреям 2:17

Тама̄кын апалъюқлъюку Кияӷныӷым Иисус лъӣҳтыстыңъўа̄ӷьяҳқақа̄ хўаңкутыстун. Таўатын қыпҳа̄сяқлъыгўа̄ Кияӷнық Первосвященнигулюни, наңлъыхтаӷлюнилъю, ата̄сӣӷмылъюнилъю. Ынка̄м тӯнияқлъыгуҳтыка̄гуқ аҳтутмың Кияӷныӷмун сыӷывутысқылъюки югыт сыӷлыҳқылъҳит.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 3:5

Лӣсимакаҳси Христос алъхықа̄гуқ иқинъалюки сыӷлыҳқылъыпут, лъңа сыӷлыҳқылъҳитуқ.

1е Иоанна 4:10

Пиниқылъық акузиткыхкыхка хўаңкута пиниқылъқынӷитаҳпут Кияӷныӷмун. Йыӷлыги Кияӷныӷым пиниқылъқа̄ хўаңкунъун кылгутка̄ каяхтылъыӷмикун Иӷныни иқитусӣлюку сыӷлыҳқылъымнъун.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.