Biblia Todo Logo
Bìoball air-loidhne

- Sanasan -




1е Иоанна 1:3 - Новый Завет на эскимосском языке

3 А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

Faic an caibideil Dèan lethbhreac




1е Иоанна 1:3
38 Iomraidhean Croise  

Агляӷьяҳтуңыстаҳтуңа лъпынун, нунамынъаниӷьяҳтуңыстаҳтуңа, иўырңа лъңит нунамылъықут. Аглыӷналӷӣ Ата, афлъыңакики аҳтуӷьяҳқа̄нӷилъҳакун атыҳпык, тагивақаҳтын хўаңамнун, ата̄сӣсқылъюки ата̄сӣлъымтыхун.


Юӷаҳтуңа қамахлъюки ата̄сӣсқылъюки. Ата̄й, йықай илюмтыгнитыстики катам таўатын лъпык илюмнитылъыҳпытун, хўаңа лъпык илюхпынитылъымтун. Илюмтыгнитыстики нунам юганун ухпықысқылъюку лъпынун каяхсиматка.


Ка̄й ылъқуӷутңалӷӣ Ата, нунам юган налъюка̄тын; хўаңа лӣсимакамкын. Та̄кутлъю тагивақаҳпык лӣсимака̄т лъпынун каяхсиматка.


Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.


(Ысҳапакам тама̄кын а̄пҳӣ тама̄кут. Акузиткыхкӣ ипаңӯт, лӣсимакуқлъю уңипақңўа̄ ипапилъық. А̄пҳӣ тама̄кут лъпысилъю ухпыӷысқылъюси.)


Хўатын пика̄гут: “Уңипа̄тамси Пинилӷӣның Уңипаның Кияӷныӷым акықусяқыхка̄ның сивунымнъун.


Ухпықат ӣўлың қырңуӷутңулӷӣт лӣнъалютың апостолымың. Христосыкун аңлыгуткулъҳӣстун кияҳта̄ӷыт, ныӷақылӷӣт, юӷаӷақылӷӣт қырңаӷмың.


қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун.


Хўаңкутуң акузиткынъыӷмың та̄қна̄нӷитаҳпуң ысҳақаҳпутлъю нагақуқаҳпутлъю».


Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.


Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.


Ата̄сӣӷмылңӯм Кияӷныӷым накмикыхкақӣси илятысқылъюси Иӷныӷминун Иисус Христосымун Атанымнъун.


Ухпықа̄лгутымни, нықамиксюгамси Пинилӷӣның Уңипаның уңипақыхкамның лъпысинун. Тугуклъиқақаси ынка̄м ухпылъыси та̄хун ныкыгңа̄т аюгўилъютың.


Наңлъыхталъҳа Атанӷым Иисус Христосым, пиниқылъҳалъю Кияӷныӷым, қырңаӷмытылъҳалъю Аглыӷналӷӣм Таӷныӷам лъпысинилъи.


Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.


Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.


Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?


Пиюкылъыҳлъякақа, лӣнъалюку Христос, нанӷӣӷналюкулъю аҳтуӷьяҳқа̄нӷилъҳа уңуваҳтылъҳан; илянъалюңалъю икфиқылъҳанун, лъңатунлъю лъӣӷьяҳқа̄люңа туқулъҳани.


Лъңан югуликақӣлъю аҳтуӷьяҳқа̄нӷилъҳаның мамлыгым ынка̄м тагиткақӣлъю Атаныҳпагулъҳанун пиниқыхками Иӷныӷми.


Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.


Қыпҳаҳтыля̄ӷыт пилӣтистыңит ухпықа̄лгутңуката сӣвакатаӷаӷлитки қаюҳлъяк ухпықа̄лгуткыхкаңит. Ынка̄м қыпҳа̄таӷаӷлитки қаюҳлъяк каюсӣңўӣт ухпықа̄лгутытың пиниқыхкатың. Тама̄кут апыҳтӯсяқикилъю, уңипақикилъю.


Иисусым пикақа̄ Кияӷнық: «Апыҳлъықақа а̄тҳын аңлыгутымнун; усюқылъықамкын қырңуӷутката».


Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.


Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.


Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.


Атуқумаңитапут пыҳқиниқутңўа̄ӷлюки уңипаӷа̄тыңлъяқат а̄пҳақңамтыки лъпысинун аҳтуӷьяҳқа̄нӷилъҳалъю, тагилъҳалъю Атанымта Иисус Христосым. Хўаңкута катам ийыҳлъюўа̄мнъың ысҳақақаҳпут лъңан а̄ңылъыҳлъяга.


Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.


Уна уңипақ нагақуқаҳпут Иӷныӷаның Кияӷныӷым апыӷнақаҳпут лъпысинун, Кияӷныӷңуқ ниӷугӯқ, мамлылъықшахӣтуқ.


Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.


Lean sinn:

Sanasan


Sanasan