1е Фессалоникийцам 5:6 - Новый Завет на эскимосском языке

⁶ Ынка̄м қава̄фқа̄мта пилъта иляңистун, итупилъ тыҳумалъта, лӣсималюта.

1е Фессалоникийцам 5:6 Iomraidhean Croise

От Матфея 13:25

Унугми ата̄сими қавасималюки, аңуяга тагилюни пӣтысиӷақақ плевелымың акулңитхун пшеницат, та̄хкын аӷуляқыхкақ.

От Матфея 24:42

Ынка̄ңам кылыңалюси, қаюҳлъяк налъюкңўа̄ӷаҳси нани аӷныӷми Атаныҳпыси тагилъыҳқа̄.

От Матфея 25:13

Иисусым уңипаӷа̄тни та̄қниқа̄ хўатын: «Ынка̄ңам кылыңатык, қаюҳлъяк налъюкаҳси натуңутаңа аӷнық налиӷмың натуңутаңа афлъю Иӷныӷан Югым тагилъыҳқа̄».

От Матфея 25:5

Нулиҳтуӷнақылӷӣ мулю̄қақ, қынўат аӷнаӷа̄т қаваӷникат ынка̄м қаватҳуткат.

От Матфея 26:38

ынка̄м пикӣ: «Қа̄мнака қивӷуҳлъягӯқ, рыпалъ туқуяҳқа̄ҳлъюңа. Таўанлъюси кылыңалгусиҳтыңъа».

От Марка 13:37

А̄пқыхка уна лъпысинун, тамаҳаҳлъяганун пиңўа̄қа: Кылыңалюси!»

От Луки 12:37

Қуянапихтут қыпҳаҳтыт тыҳумаӷмың апыӷӣӷўа̄ӷлютың аюқылӷӣт умӣлгита ка̄скумики! Ипа уңипа̄тамси, умӣлгым қыпҳаҳтыни ақумӯтыслъюки қаюӷвикыгныкун, та̄хкын кынигни тафсӣлъюкык кыпсӣқулъықӣ нықмың.

От Луки 12:39

Иўырңа лӣсимаклъюку уна, мыңтыӷалгым лӣсимаксяқумигу қакун тыглыгнӣҳтым тагилъыҳқа̄, унинъа̄нӷита̄ мыңтыӷани тыглыӷнӣҳта на̄фқулъюни итыӷнаюкан.

От Луки 21:36

Ынка̄м кылыңатык қӯнпың! Юӷаҳтык анагьяқлъыгысқылъюки тама̄кут қамахлъюки пиката, ныкывьяқлъыгысқылъюси сивуңакун Иӷныӷан Югым».

От Луки 22:46

Пикӣ: «Сяңафси қаваӷақыстык? Макылъюси юӷаҳтык а̄ҳқутақынӷитысқылъюси нанӷӣқулъыӷмун».

Деяния 20:31

Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.

1е Коринфянам 15:34

Сюмыҳтаӷаӷақлъюси пинитун, сыӷлыҳқынъаниҳтык, иляси акулыхпысинилңӯт апыҳтӯмаңилңӯгут Кияӷныӷмың. Қаюҳлъяк лъпыси ухпықани кайңуюгьяҳқа̄гуси.

1е Коринфянам 16:13

Кылыңатык, ухпықилъыҳпысини аӷулӣтык, илютутык, икнақитык.

К Ефесянам 2:3

Қамахлъюта кияҳтыка̄гукут тама̄кустун югыстун. Атуқыхкақапут сыӷлыҳқыңъалӷӣт пиюкылъҳи югусимталъю, умьюгамталъю. Ынка̄м қамахлъюта алъхықа̄тымнъың сыӷлыҳқыстыңулюта, аӷью̄лъыңнақңуяҳтукут Кияӷныӷым сякша̄лъҳакун.

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Ефесянам 6:18

Ӣўлың юӷаҳтык Таӷныӷам маӷьяҳқӯтылъҳакун. Атуқлъюки алъя̄ҳӣна̄т юӷалъҳыт, а̄пнӣҳтыклъю Кияӷныӷмун. Тама̄кын апалъюқлъюку кылыңалюси, ӣлъқаюхпынаси. Ӣўлың юӷа̄ткылъюки қамахлъюки Кияӷныӷым юги.

К Филиппийцам 4:5

Нуқынъыҳтулъыҳси югым қамахлъюни лӣлъигу. Атанық тагияҳтуңыстаҳтуқ.

К Колоссянам 4:2

Юӷа̄маңинаҳтык, ӣлъқаюхпынасилъю юӷаӷақитык игамсиқаюгвикума̄н Кияӷнық.

1е Фессалоникийцам 4:13

Ухпықа̄лгутымнъи, лӣсимакысюгамси ухпықаның қавалӷӣның қивӷукыфқӣта писқылъюки сиӷималъҳилңуӷыстун.

1е Фессалоникийцам 5:10

Иисусым туқуматкыхкақӣлъю лъминитысқылъюта уңуваяӷңа̄мта, туқука̄яӷңа̄мта тагикуми.

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

1е Тимофею 2:15

Иўырңа аӷнат иӷнӣката таӷнуҳаӷның югулилъыңылъықут нагныӷумакуйың ныӷьюклъюку Иисус, пиниқимаңинақумың илямыхның, кияҳсимаңинақумыңлъю аглыӷнаӷлюку кияҳта̄лъыӷмың қусывыхтылъылиӷлютың.

1е Тимофею 2:9

Пиюканкалъю аӷнат пиниӷналъҳит кылгутысқылъюки пинитун пилюгулъҳитхун. А̄ткӣт малъыгңафқӣта налиӷмың кайңунаӷьяҳқа̄фқӣта. Итупилъ пиниӷналъытың кылгулъитки аныӷныҳқилъыӷмыхтыхун, нака̄н нуяқыхсяӷўа̄лъыҳқун налиӷмың золотамыңлъю, жемчугымыңлъю улъңақлъютың налиӷмың акитуқамың а̄ткамың а̄лъютың. Таўатын пилъық ылъқуӷутңа̄қ аӷнанун манигӯткаюгнун Кияӷныӷмун.

1е Тимофею 3:11

Таўатыҳпигақ аӷнатлъю пиниӷлюки акузиткысяҳқа̄гут, йӣлъхияҳқа̄нӷитут, иўырңа нуқынъыҳтуяҳқа̄гут, ата̄сӣӷмысяҳқа̄гутлъю сякун тамаҳа̄кун.

1е Тимофею 3:2

Иглыӷутиста авутңисяҳқа̄гуқ, ата̄симың нулӣлгуяҳқа̄гуқ, нуқынъыҳтуяҳқа̄гуқ, сюмыҳтаӷақыхсяҳқа̄гуқ, юпӣнӷуяҳқа̄гуқ, упуӷанӷуяҳқа̄гуқ, апыҳтуӷияқлъыгӯқлъю.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

К Титу 2:6

Таўатыҳпигақ қылыҳқи нукалъпигат нуқынъыҳтусқылъюки.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

1е Петра 5:8

Лӣсималюси, кылыңалюси. Аңуяхси Туӷныӷақ иглыӷаңӯқ угинилӷӣтун левытун, иваӷӣқуқ кина на̄фқынъалюку.

Откровение 16:15

Атанық пӣқ: «Нагатаҳтык! Тагиңӯңа тыглыгнӣҳтытун! Қуянаҳтуқ тыҳумалӷӣ, а̄ткани пӣфтыңъўа̄ӷлюки аюқыхкаңи. Ынка̄м иглыҳна̄нӷитуқ амсикаӷми, кайңусяӷа̄нъа̄нӷитуқлъю тысқагани югыт ысҳақумыхтыху!»

Откровение 3:2

Таҳтуӷлюси, икнақуҳсяҳтыху сяңўа̄ сялин лъпыси пизи туқунақылӷӣ. Лӣтанка укавантут сяңўа̄т пӣқыхкыси Кияӷныӷма писқысюлъҳаның лъпысинун.