1е Фессалоникийцам 5:12 - Новый Завет на эскимосском языке

¹² Ухпықа̄лгутымнъи, сӣвакитыки Атаныӷмун қыпҳалӷӣт акулыхпысини. Лъңан накмикыхкақӣ иглыӷутистыңулюкилъю, апыҳтуӷистыңулюкилъю лъпысинун.

1е Фессалоникийцам 5:12 Iomraidhean Croise

От Луки 10:7

Таўантақитык ата̄сими мыңтыӷами, ныӷақлъюки сяңўа̄т упуӷатусӣт. Таўатын пӣқитык қаюҳлъяк қыпҳаҳта акилыҳтӯсяңақуқ қыпҳалъыӷминун. Тукуҳпысиның а̄нақлъюси кинкунун нӯхта̄таҳпынаси.

От Иоанна 4:38

Каяхтыкақамси унатӣсқылъюси пӣтысиӷаӷвигми пӣтысиӷа̄маңилъкыхпысиның. Иляңит пӣтысӣӷақа̄гут, иўырңа лъпыси унатақаюгӯси пӣтыстыкӣтның, ынка̄м лъпысилъю акилыҳтӯсяңылъықуси қыпҳақӣтның».

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 20:35

Сяңўа̄ қамахлъюку пикақақа лъпысинун успута̄сқылъюку, хўаңамтун уӷлыӷӣлъыҳпысигун каюсӣтысқылъюки пипагниңилңӯт. Нықамиклъюку Атанӷым Иисусым хўатын пилъҳа: “Қуянаӷатаӷаҳтуқ тӯнӣлъық алъхыӷутылъыӷмың”».

К Римлянам 16:12

Уңипа̄таҳнакыхси Трифеналъю, Трифосалъю сю̄мқақахкаңуқ. Та̄кук аӷнак қыпҳаҳтыңӯк Атаныӷмун. Уңипа̄таҳнакысилъю пиниқыхкақа Персида, сю̄мқақақаңуқ; қывулъюни қыпҳақа̄гуқ Атаныӷмун.

К Римлянам 16:6

Уңипа̄таҳнакыси Мария сю̄мқақақаңуқ; қывӯлъюни қыпҳа̄ткақӣси.

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 16:16

Қылӷамси қа̄ткумаңинӣсқылъюки лӣлиҳтулъҳит таўатылңӯт югыт, иляңилъю қыпҳалгутаңит.

1е Коринфянам 16:18

Қуястыңъўа̄тңа қуястылъыӷмыгыстун лъпыси. Каюсӣтилъҳитнун игамсиқаюгвикылъыҳпысиның лӣсимакыстыңъўа̄ӷнакыси.

1е Коринфянам 3:9

Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 5:9

Нымысяӷңа̄мта налиӷмың нымынъыӷитыӷңа̄мта, ыфқуҳсюгақаҳпут Атанық.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 4:11

Алиңуткақамси, қамахлъюни қыпҳа̄тилъқа лъпысинун сясӣнӷинъаюкан.

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Филиппийцам 2:19

Атанӷым пиюкылъқыхкагу, Тимофей каяхсяҳтуңыстаӷақа лъпысинун. Ынка̄м қуялъықуңа уңипаңыхкума лъпысиның.

К Колоссянам 1:29

Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

1е Тимофею 5:1

Аӷью̄ҳпына̄н сӣванлъық ю̄к, иўырңа кавьюңуна̄н налъҳусяӷақигу атакылӷӣстун. Уюқлъӣт югыт аңлыгуткылӷӣстун пӣқики.

1е Тимофею 5:20

Кина алңунак сыӷлыҳқумаңинақан, аӷью̄ӷнакын сыӷлыҳқынъанӣсқылъюку ухпықат мануңитни. Таўатын пикувгу иляңи тама̄кут алиңылъықут.

2е Тимофею 2:6

Уӷлыӷӣҳлъякақ пӣтысиӷаҳта ныңиӷьюхўа̄ӷьяҳқа̄гуқ унатақата.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

К Титу 1:5

Униткақамкын Критыми, апыӷӣӷысқылъюку қыпҳақаҳпут апыӷӣлъҳилңуқ. Накмӣҳтӣсқысюгамкын Пресвитерыкаҳқамың юӷаӷвигнун тамаҳӣтни нунаҳаӷми. Нықамиклъюки қылӷутканка:

К Титу 2:15

Апыҳтӯсяқики тама̄кут ухпықанун. Кияӷныӷым қылӷусӣ атуқлъюки кайымики, аӷулӣҳтикилъю сыӷлытун пиңуката. Йықай китумун алңунак укаваҳтыстыхпынаң.

К Евреям 13:17

Қа̄ткитыки иглыӷутистыси атуқлъюки қылӷусӣт. Кылыңакиңӯт уңувасиҳпысиның лӣсимаклъюку Кияӷныӷмун нанқихсяҳқа̄си. Қуянӷитыстыхпынаки иглыӷутистыси, итупилъ қа̄ткылъыҳпысигун қыпҳақатың пилъықӣт қуякусиқлъюки. Қа̄ткынӷилъкуфсики каюсӣтыпагниңитӣси.

К Евреям 13:7

Нықамиклъюки иглыӷутистыси уңипақикат лъпысинун Кияӷныӷым акузитаңаның. Нықамиклъюки натын кияҳтыка̄таңи ынка̄м ухпылъылгунақитык лъңистун.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 2:12

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Пергамым. Уна уңипақ сявихпалыгмың пиңӯқ иңлюхтун хиналык ипыхсяқамың.

Откровение 2:18

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Фиатирам. Уна уңипақ Иӷныӷаның Кияӷныӷым пиңӯқ. Ӣскык кумаӷӯгук кынӷыстун, итыгӣ қылмыҳтутка̄т сӣлюм қылмыҳсялӷатун.

Откровение 2:3

Мыӷнӣгатуси икфиқылъыҳпысиның хўаңа апалъюқлъюңа, ӣлъқаюгигатусилъю.

Откровение 2:8

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Смирнам. Уна уңипақ хўаңамның пиңӯқ: Сивулӣгуңалъю, киңулӣгуңалъю, туқулюңа уңувақа̄гуңа.

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.

Откровение 3:14

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Лаодикиям. Уна уңипақ Аминымың пиңӯқ. Ата̄сӣӷмылңӯгуқ, ипапиҳқыңъалӷӣңӯқ лӣсимакиста. Лъңакун Кияӷныӷым улимакақа̄ сяңўа̄ қамахлъюку.

Откровение 3:7

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Филадельфиям. Уна уңипақ Аглыӷналӷӣмың, Ипапигмың пиңӯқ. Лъңанитуқ Давидыми қипытақ. Қылъпыҳтыкумигу амик, китум алңунак умыгна̄нӷита̄. Ӯмкумигулъю амик, китум алңунак қылъпыҳна̄нӷита̄.