1е Фессалоникийцам 5:10 - Новый Завет на эскимосском языке

¹⁰ Иисусым туқуматкыхкақӣлъю лъминитысқылъюта уңуваяӷңа̄мта, туқука̄яӷңа̄мта тагикуми.

1е Фессалоникийцам 5:10 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Иоанна 10:11

Хўаңа пинилӷӣңӯңа пынъӣӷнӣҳта. Пинилӷӣм пынъӣӷнӣҳтым туқуматкысяҳқақӣ пынъӣни.

От Иоанна 10:17

Атам пиниқа̄ңа қаюҳлъяк уңувалъқа тӯньюкыстаӷлюку аюқақа выҳнықихналюку.

От Иоанна 15:13

Югым туқуматкыхкумики илякумта̄ни пиниқылъҳа а̄ңыпихтуқ. Кина алъя пиниқылъҳитуқ та̄мың а̄ңатаӷалӷӣмың.

К Римлянам 8:34

Кинаңам пилъықа̄ Кияӷныӷым юги нанқихсяҳқа̄нилюки аӷью̄ӷьяҳқа̄лютың? Христос Иисусым пилъықагӯ? Нака̄, қаюҳлъяк лъңаңӯқ туқуматкикақ хўаңкунъун, уңуваҳтыка̄гуқлъю туқулъыӷмың. Ма̄тын юӷа̄ткақӣлъю ақумлюни аӷынқигныӷани Кияӷныӷым.

1е Коринфянам 15:3

Апыҳтуқақамси апыҳтӯсяқыхкамың хўаңамнун. Та̄кут ухпықсяҳқақаси: Христосым туқуткыхкақӣ сыӷлыҳқылъыпут, катам Акузитыт Игақыхкат пинақнилъҳистун.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

1е Фессалоникийцам 4:13

Ухпықа̄лгутымнъи, лӣсимакысюгамси ухпықаның қавалӷӣның қивӷукыфқӣта писқылъюки сиӷималъҳилңуӷыстун.

1е Фессалоникийцам 4:15

Уңипа̄тңўа̄ӷамси Атанӷым апыҳтӯтка̄ның. Атанық тагикан, хўаңкута паниның уңувалӷӣни иңьяӷаӷна̄нӷитапут тама̄кут қавақат.

1е Фессалоникийцам 4:17

Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.

1е Фессалоникийцам 5:6

Ынка̄м қава̄фқа̄мта пилъта иляңистун, итупилъ тыҳумалъта, лӣсималюта.

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

2е Тимофею 2:11

Ма̄кут пилъҳыт ипаңӯт: «Туқулгусӣмакумтыху, кияҳтылгусиҳлъықаҳпут.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.