1е Фессалоникийцам 4:9 - Новый Завет на эскимосском языке

⁹ Китум алңунак письмонӷисяӷңа̄ӷмиси аюқӣси уңипа̄нъалюси пиниқысқылъюки ухпықа̄лгутыси, қаюҳлъяк Кияӷныӷым апыҳтуқақӣси пиниқутысқылъюси.

1е Фессалоникийцам 4:9 Iomraidhean Croise

От Матфея 22:39

Тӯңлиҳа̄ аңылъыҳпигақ Лӣлиҳтӯсяқ сивулиҳтун аюқуқ: “Пиниқсяҳқақатын юлгутытын пиниқылъыҳпытун лъпынун катам”.

От Иоанна 14:26

Каютым апыҳтуҳлъықӣси сямың тамаҳа̄ның. Нықаҳтыслъықӣ қамахлъюки тама̄кут а̄пқанка лъпысинун. Та̄кук Каютык Аглыӷналӷӣңӯк Таӷныӷак, Атам каяхсяҳқакык Атымкун.

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

К Римлянам 12:10

Пиниқутутык аңлыгуткулъҳӣстун. Қӯлва̄тутақитык пакихулъюку қӯлвӣсқысюлъыҳпысиның.

2е Коринфянам 9:1

Письмоткынӷисяӷңа̄мкун аюқақа тунусяқ туюӷьяҳқаҳси Кияӷныӷым югитнун Иерусалимым.

К Филиппийцам 3:15

Таўатын сюмыҳтаӷанӷилъкуфси, Кияӷныӷым лӣгикысна̄ӷӣ сюмыҳтаӷалъыси анахутңалӷӣт.

1е Фессалоникийцам 5:1

Ухпықа̄лгутымнъи, лъпысинун письмоткынъунӷӣтут қакун тама̄кут пияҳқа̄таңи.

К Евреям 10:16

«Унаңӯқ акықусяқа юмнун, киңуңитның тама̄кут аӷныӷыт, пӣқ Атанық, Лӣлиҳтӯсянка канаҳлъықанка илюңитнун, игақылъықанкалъю умьюўӣтхун».

К Евреям 13:1

Пиниқыкыстаҳтыки ухпықа̄лгутыси.

1е Петра 3:8

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык.

1е Петра 4:8

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

2е Петра 1:7

Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.

1е Иоанна 2:10

Китум алңунак пиниқыхкумигу ухпықа̄лгутни ниӷугми кияҳтыңъӯқ, ниӷугмытутминың на̄хтусиҳқӣтуқ.

1е Иоанна 3:11

Уңипақ нагақуқаҳси пӣнлиӷьюхўа̄лъыҳпысиның унаңӯқ: пиниқутусяҳқа̄гукут.

1е Иоанна 3:23

Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.

1е Иоанна 4:21

Уна қылӷусяқа̄ Христосым хўаңкунъун, китум пиниқыхкумигу Кияӷнық, пиниқсяҳқақа̄ ухпықа̄лгутнилъю.