1е Фессалоникийцам 4:8 - Новый Завет на эскимосском языке

⁸ Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.

1е Фессалоникийцам 4:8 Iomraidhean Croise

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Иоанна 12:48

Китум алңунак иҳсякыхкаңаңалъю, тугуклъинӷилъкакилъю акузитынка нанқихтистыкаҳқалгӯқ. Акузитыт акузиткыхканка нанқихлъықа̄т киңулиӷми аӷныӷми,

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

1е Коринфянам 2:10

Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

1е Коринфянам 7:40

Иўырңа қуяңа̄ӷатаӷаӷьяҳқа̄гуқ угӣнқихныӷилъкуни. Та̄куста сюмыҳтаӷалъҳынка. Ухпықақа Кияӷныӷым Таӷныӷакык хўаңамнитуқ.

2е Коринфянам 1:22

налъюнӣӷӣлъю лъңанун пиңулюта, тӯна̄клъю Таӷныӷагни илюмнъун налъяңӣся̄люкык тамаҳа̄нун акықусяқыхкаминун хўаңкунъун.

К Галатам 4:6

Лъпыси авақутақутминың Кияӷныӷым, Иӷныӷми Таӷныӷакык каяхтыкақа̄к илюмнъун, қывулъютык пикак: «Авва, Ата!»

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

2е Петра 1:21

Ӯкналиқистыт накмикумаңитӣт ӯкналиқуткысяҳқатың. Итупилъ Аглыӷналӷӣм Таӷныӷам ӯкналиқистыт акузитылиткақӣ акузисқылъюки Кияӷныҳтамың.

1е Иоанна 3:24

Китум алңунак қа̄ткыхкумики Кияӷныӷым қылӷӯсӣ кияҳтыңъӯқ Кияӷныӷми, Кияӷнық лъңани. Хўатын ысҳа лӣсимакыхкыфут Кияӷныӷым хўаңкунъитылъҳа: Таӷныӷагныкун тӯныхкамикун хўаңкунъун.

От Иуды 1:8

Апыҳтуӷистысиӷўа̄ӷыт таўатытут. Пӣқут қаваңулъҳитаңуқ блудникыстақит, қа̄ткысигатӣтлъю югыт иглыӷутистыт, сыӷлытунлъю акузиткыстақӣт яқулгыт иглыӷутистыт.